Isaya 15:2 - Baibo Busansulushi Bwa Libuku Ili

² Bantu bamundabala ya Diboni baya kuŋanda ya lesa wabo. Ee, kumisena yakulambililaako balesa babo kuya mukulila. Bene Moabu abo batoolila ndabala ya Nebo aMedeba. Mutwi wa muntu womwi awomwi wakululwa ashalo ndesu sha basankwa boonse shaceswa.

Isaya 15:2 ပူးပေါင်းရင်းမြစ်များ

2 Samwelo 10:4

Mpomunyaawo Anuni wakacata basankwa bakwe Defedi abo, wabacesa ndesu lubasu, watimbula shakufwala shabo kuswa mucibuno kuya panshi, akubaambila ayi banooya.

1 Makani 19:4

Mpomunyaawo Anuni wakacata basankwa bakwe Defedi abo, wabacesa ndesu lubasu, watimbula shakufwala shabo kuswa mucibuno kuya panshi, akubaambila ayi banooya.

Jobo 1:20

Mpomunyaawo Jobo wakanyamuka akukwamoona shakufwala shakwe ceebo ca buumba. Mpeeke wakalikulula misusu, waliwaala panshi mukulambila akupaila ayi,

Isaya 14:31

Amulile mwebo nobamundabala inene! Amoolome akuloonda nobene Filisiti noonse. Amubone lusuko mbolwatumba kulubasu lwa kumalenge! Ndikoto lya bashilumamba litoosa. Pakati kabo taapu moowa.

Isaya 15:3

Mumikwakwa bafwala masaka kutondesha buumba. Pashiluli amumisena icanika bantu baanji moonse batoolila cakooloma. Ncakwiila bakopoka abuumbi kukulila.

Isaya 16:12

Bene Moabu batoocita na baya nkobalambilila balesa babo, batoolilemyabo. Na baya kuŋanda ya balesa babo mukupaila, taaku citoocitika.

Isaya 16:7

Paceebo ceeco boonse bene Moabu batoolila, ee, batoolila cishi cabo. Ndushinisho abalile akulyuungumika ceebo ca shakulya shibotu sha kuKili Aleseti.

Isaya 22:12

Mwaami Lesa, ee, Mwaami Lesa Shinkusu shoonse wakamwiita pabushiku ubo ayi mulile cakooloma amibila. Wakamwiita ayi mukulule misusu yanu akufwala masaka kutondesha buumba.

Isaya 3:24

Ono mumusena wakununkila mafuta abotu, balo balaakunoonunka nkasaalo. Mumusena wakufwala laamba wiine, balo balaakunoofwala looshi. Mumusena wakuba amisusu ibambitwe kabotu, balo nkuba alubala. Mumusena wakufwala shakufwala shibotu, balo balaakufwala sha masempele alimwi mumusena wakuboneka kabotu, balo balaakunoolensha nsoni.

Jelemiya 3:21

Mibila yanyumfwika peculu lya tulundu. Mbene Isilaeli batoolila akukombelela ceebo bekala buumi bwakubisha alimwi akuluba Mwaami Lesa, Lesa wabo.

Jelemiya 47:2

Mwaami Lesa waamba ayi, “Amubone maanshi mbwaatoonyamooka kumatwa. Alaakunookunkabo anga ngumulonga wasefuka. Ncakwiila alaakufwekelesha cishi ashintu shoonse shiliimo, mandabala abantu abo bekalaamo. Bantu balaakulila, boonse bekala mucishi ico balaakulila cakoolobesha.

Jelemiya 47:5

Bene Gasa balaakukulula misusu mumitwi yabo mukulila cabuumba. Bene Ashikeloni balaakuumunabo tontolo. Mwebo nomwakacaala muliwesa, citooba ciindi cilaamfu buyani kamulinengoola?

Jelemiya 48:1

Pacishi ca Moabu Mwaami Lesa Shinkusu shoonse, Lesa wa bene Isilaeli waamba ayi, “Mapensho kundabala ya Nebo ceebo ilaakunyonyoolwa. Ndabala ya Kilyataimu ilaakulenshekwa nsoni akukomwa. Shiyubilo sha njiyo shilaakupwayoolwa.

Jelemiya 48:18

Mwebo nomwikala kuDiboni amuseluke muswe pashuuna shanu sha bulemu akwikala panshi payumu nta. Uyo weshi akanyonyoole Moabu ulaakwisa mukumulwana amwebo akunyonyoola mandabala anu acite malinga.

Jelemiya 48:31

Paceebo ceeco ndalilila bene Moabu, ncakwiila ndalilila bene Moabu boonse. Ndalilila bantu bene Kili Aleseti.

Jelemiya 48:35

Mucishi ca Moabu ndaakukasha baabo babenga milambu kumisena yabo yakulambililaako ya patulundu akutenta tununkila kabotu kubalesa babo. Nebo neMwaami Lesa ndaamba.

Jelemiya 49:3

“Amoolome, mwebo nobene Eshiboni ceebo ndabala yanu ya Ai yanyonyoolwa. Amwebo nomwikala mucishi ca Laba amufwale masaka mulile cabuumba. Amucice cakupilingana mumalinga anu ceebo lesa wanu Moleki ulaakutolwa mubusha pantu pomwi abapailishi alimwi abacinenenene bakwe.

Jelemiya 7:29

“Amucese misusu yanu mwiisoowe. Amwiimbe lwiimbo lwakulila pakalundu katacitewo bwiisu ceebo nebo neMwaami Lesa ndakalala abuumbi akumukaka mwebo nobamulunyungu lwa bantu bangu.”

Esekelo 27:31

Batookulula mitwi yabo ceebo ca ndiwe akufwala masaka. Batookulilila buumpute ceebo ca kupeenga kwa myoyo yabo alimwi akulila bunene.

Esekelo 30:2

“Webo omuntu, laluka ubalwiite kwaamba ayi nebo neMwaami Lesa Shinkusu shoonse ndaamba ayi oolobeshe maswi akwaamba ayi, ‘Maawe pabushiku ubo!

Esekelo 7:18

Balaakufwala masaka akututuma kuboowa. Balaakunyumfwa nsoni amitwi yabo ilaakukululwa.

Bene Lefi 13:40

“Na musankwa waba lubala, ingayi ulisalalite kweelana aMilawo.

Bene Lefi 21:5

“ ‘Taaku mupailishi weelete kucesa misusu, kuceesha ndesu nabi kulinengoola pamubili kwaamba ayi aboneshe ayi ulicite cililo.

Amosi 8:10

Ndaakusandula nshiku shanu shakusekelela kuba shakulila. Ndaakusandula kwiimba kwanu kuba kulila. Ndaakulengesha ayi mukafwale masaka akucesa munkunyu mumitwi yanu. Kulila kwanu kulaakuba anga nkulila kwa bashali ba mwaana womwibo. Meelelesho a nkuko alaakuba anga mbushiku bwa mapensho.”

Shakubelenga 21:28

Kalekale kuswa mundabala iyo ya Eshiboni, bashilumamba bakwe Sioni bakalinga kuya anga ngumulilo. Bakanyonyoola ndabala inene ya Ali muMoabu, alimwi atulundu twa kumatalikilo a Mulonga wa Anoni.

Shakubelenga 21:30

Sombi bulya bamulunyungu lwabo bakakomwa, kutalikila kuEshiboni kushikila akuDiboni. Twakabanyonyoola kushikila akuNofa, ndabala ili pafwaafwi aMedeba.”

Shakubelenga 32:3

“Twaboona ayi ndabala ya Ataloti, Diboni, Jasa, Nimula, Eshiboni, Elile, Sibima, Nebo alimwi aBeyoni

Shakubelenga 32:38

Nebo, Baali Meyoni (mandabala aya bakaapa meena amwi) alimwi aSibima. Anu mandabala oonse ngobakayaka alimwi, bakaapa meena amwi.

Dutolonomi 14:1

“Mwebo muli bantu ba Mwaami Lesa, Lesa wanu. Paceebo ceeci, na mulicite cililo, tamweelete kulinengoola nabi kucesa misusu palumbwiishi.

Dutolonomi 34:1

Lyalo Mose wakaswa mushinyika sha Moabu akutanta paKalundu ka Nebo, kushika apeculu peene paKalundu ka Pisiga ako kalangene andabala ya Jeliko. Nkweeke uko, Mwaami Lesa wakamubonesha cishi coonse. Nkokwaamba ayi kutalikila kucishi ca Gilyadi kushika akucishi ca Dani,