Isaya 14:7 - Baibo Busansulushi Bwa Libuku Ili

⁷ Bulya ono shishi shiinji shitokookesha alimwi shili muluumuno. Ncakwiila bamushishi isho batoosangalala akwiimba.

Isaya 14:7 ပူးပေါင်းရင်းမြစ်များ

Kulumbaisha 47:1

Amukambe mapaka mwebo nobantu bamumishobo yoonse. Amoolobeshe kuMwaami Lesa pakumwiimbila nyimbo shakusangalala.

Kulumbaisha 98:1

Amwiimbile Mwaami Lesa lwiimbo lupya, mukwiinga wakacita shintu shikankamika. Lyaansa lyakwe lyalulyo, ee, mukono wakwe usalalite wamulengesha kukoma.

Tushimpi 11:10

Baluleme na baswitilila bamundabala balasangalala. Na bamucita shibi bafwa, bantu baloolobesha cakusangalala.

Isaya 21:2

Ndakabona shintu shiyoosha mucili anga nciloto. Shikwaaba babye, kaabaaba alakwe shikusaala, kaasaala. Nobene Elamu amulwane! Nobene Mediya amushinguluke mandabala! Ndaakumanisha mapensho oonse bene Babiloni ngobakalengesha ayi acitike.

Isaya 49:13

Amwiimbe cakusangalala mwebo nomaculu! Olobesha cakukondwa awebo ocishi ca panshi. Ashinyumfwike nyimbo kuli ndimwe notulundu ceebo Mwaami Lesa woombulusha bantu bakwe alimwi alaakunyumfwila nkumbu abo batoopenshekwa.

Jelemiya 51:48

Mpeeke liculu acishi ca panshi alimwi ashoonse isho shiliimo shilaakoolobesha cakusangalala ceebo cakukomwa kwa cishi ca Babiloni, kukomwa kubantu abo beshi bakaswe kumatwa mukucinyonyoola.

Esekelo 35:14

Mwaami Lesa Shinkusu shoonse waamba ayi, “Ndaakukulengesha kuba luyanga, lyalo cishi coonse ca panshi cilaakusangalala.

Sekaliya 1:11

Lyalo beshikutanta pamaaki bakaluula kumunjelo uyo wakalinga kwiimfwi pakati ka shisamu sha masompe ayi, “Tweendaana mucishi coonse akucana kwaamba ayi cishi coonse ca panshi citokookesha muluumuno.”

Ciyubululo 18:20

Sangalala webo oliculu mukwiinga ndabala inene yanyonyooka! Amusangalale mwebo nobashomi noonse, nobatumwi alimwi anobalaluki bakulukulu! Mukwiinga Lesa waipa mulandu ceebo ca sheesho nsheyakacita kuli ndimwe!