Isaya 14:32 - Baibo Busansulushi Bwa Libuku Ili

³² Anu tutoobakumbula ayinshi beshinkombe bene Filisiti? Tutoobaambila ayi, “Mwaami Lesa weemika ndabala ya Siyoni kwaamba bantu bakwe batoopenga bakapulukile nkuko.”

Isaya 14:32 ပူးပေါင်းရင်းမြစ်များ

2 Samwelo 8:10

Mpeeke wakatumako Jolamu mwanaakwe ayi akaanshe mwaami Defedi akumusunsa mumaansa ceebo cakukoma Adadesa, uyo mwaami Toyi ngwaakalwana kwashiindi shiinji. Jolamu wakatolelela ashipo sha shintu shakapangwa asilifa, golodi alimwi abulonse.

Kulumbaisha 102:16

Mwaami Lesa aakuyakulula Siyoni, ulaakuyubulula bulemu bwakwe.

Kulumbaisha 102:28

Baana ba basebenshi banu balaakunookala kwakubula cakulisukama. Bamulunyungu lwabo balaakwikalilila pameenso anu.”

Kulumbaisha 48:4

Bamaami bakalinga kulibungabunga akuya ayi balwane ndabala inene iyo.

Kulumbaisha 87:1

Mwaami Lesa wakayaka ndabala yakwe inene pakalundu kasalalite,

Kulumbaisha 87:5

Ono pandabala ya Siyoni cilaakwaambwa ayi, “Ulya awoolya bakashalwa muli njiyo. Lesa wa kwiculu Wiindaawo ulaakushimpya ndabala iyo ayi itakawi.”

Tushimpi 18:10

Mwaami Lesa uli anga niŋanda ilaamfu iyumu uko kucicila bantu baluleme akupuluka.

Isaya 11:4

Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Isaya 12:6

Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 25:4

Bakandu kuli ndimwe nkobacicila, ndimwe mubafuna mumapensho abo. Ndimwe ciyubilo cabo kucipuupu, Ndimwe cimfule cabo kulumwi lukali. Ncakwiila bantu batacite nkumbu bali anga ncipuupu citokuuma kulubumbu,

Isaya 28:16

Ono Mwaami Lesa Shinkusu shoonse waamba ayi, “Amubone ndabiika libwe muSiyoni, ncakwiila libwe liyumu abuumbi. Ndabiika libwe lya makwebo lya mulikonko lya ŋanda ayi libe lwiimbi lwiine lwiine. Muntu oonse weshi akashome muli ndilyo, teshi akalenshekwewo nsoni.

Isaya 29:19

Ncakwiila bantu balibombya balaakusangalala alimwi muMwaami Lesa. Ee, bakandu balaakusangalala muWooyo Usalalite wa bene Isilaeli.

Isaya 37:32

Ceebo muJelusalemu mulaakuba bantu beshi bakacaaleewo. Ncakwiila kuKalundu ka Siyoni kulaakuswa likoto lya beshi bakapuluke. Nkusu sha Mwaami Lesa Shinkusu shoonse nsheshi shikashiciite.

Isaya 37:9

Liswi lyakanyumfwika kubene Asilya ayi bashilumamba bene Ijipiti, abo batanjililwa aTewaka mwaami wa bene Kushi bali munshila kwisa mukubalwana. Mpeeke mwaami wa bene Asilya ndyaakanyumfwa makani aya, wakatuma nkalata kuli Esekiya mwaami wa bene Juda.

Isaya 39:1

Paciindi ceenka ico Melodaki Baladani mwanaakwe Baladani, mwaami wa bene Babiloni, wakanyumfwa ayi mwaami Esekiya ngumulwashi. Paceebo ceeco wakamutumina nkalata alimwi acipo.

Isaya 4:6

Malumwi bulemu bwakwe ubo bulaakuba cimfule cakuyubamo lumwi alimwi mulaakuba momwakuyunsa mfula acipuupu cinene.

Isaya 44:28

Ndime ŋamba pamwaami Sailasi ayi, ‘Ngumweembeshi wangu alimwi ulaakucita shoonse nsheensuni. Ncakwiila ngweshi akaambe pandabala ya Jelusalemu ayi ndabala inene ya Jelusalemu aiyakululwe alwalo lwiimbi lwa Ŋanda yakwe Lesa aluyakwe.’ ”

Isaya 54:11

Mwaami Lesa waamba ayi, “Webo Jelusalemu, ondabala ili mumapensho ayoosha alimwi ootacite shikukuumbulusha. Nebo ndaakuyakulula lwiimbi lwako amabwe abotu amakwebo.

Isaya 57:13

Ee, atukabone na shibumbwabumbwa shanu shilaakumucafwa mwaakushililila lucafwo! Ncakwiila muuwo ulaakushitola shoonse, ee, shilaakuululukabo kukuyoya kwa linkanda lyomwi. Sombi muntu uyo woonse uyubila muli ndime ulaakupekwa cishi ici pantu pomwi akalundu kangu kasalalite.”

Esekelo 48:35

“Mushinso kushinguluka ndabala yoonse ulaakunooli mamita ali 9,000. Ndabala iyo ilaakunokwiitwa ayi, ‘Mwaami Lesa uli momuno!’ ”

Sefaniya 3:12

Ndaakushiyamobo beshikulibombya abeshikuliceesha mundabala yanu, ee, bantu abo bacinkite manungo muliina lyangu nebo neMwaami Lesa.

Sekaliya 11:11

Aboobo pabushiku ubo cipangano cakamanishikwa. Lyalo abo bakalinga kuula mbelele akushuulisha abo bakalinga kunjebela, bakeshiba ayi Mwaami Lesa utokwaambila musheesho nshendakacita.

Sekaliya 11:7

Abo bakalinga kuula mbelele akushuulisha bakampa ncito yakusheembela. Ndakatalika kweembela mbelele isho shakalinga kweelete kucaikwa. Lyalo ndakabwesa nkoli shobilo akwiita imwi ayi, “Nkumbu,” ayalo imwi ayi, “Kucatana.” Kuswawaawo ndakeembela mbelele isho kabotu.

Mateyo 16:18

Ono ntookwaambila ayi ndiwe Pita, aboobo pamwaandami uyu mpweshi nkayakile coonde cangu alimwi nkusu sha lufu teshi shikacikomeewo nalilaampi.

Bene Ebulu 11:10

Mukwiinga Abulaamu wakalinga kulangila ndabala inene amaanda acite lwiimbi lutamaani, iyo Lesa mwiine njaakayeeya mbweshi ikabe alimwi akuyaka.

Bene Ebulu 12:22

Sombi mwebo mwesa kuKalundu ka Siyoni alimwi akundabala inene yakwe Lesa muumi, njeJelusalemu ya kwiculu umo muli baanjelo bali shuulu ashuulu.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.