Isaya 14:23 - Baibo Busansulushi Bwa Libuku Ili

²³ Musena uyo ndaakuwaalula kuba cilonga. Ulaakuba umo mweshi mukanookalabo bamwiina. Ndaakuupyanga acipyaango cakunyonyoola, Nebo neMwaami Lesa Shinkusu shoonse ndaamba.”

Isaya 14:23 ပူးပေါင်းရင်းမြစ်များ

1 Baami 14:10

Paceebo ceeci ntooleta mapensho aanji pabamulunyungu lwako akucaya bamulunyungu lwako basankwa boonse banike abamanene. Ndaakutandaanya bamuŋanda yako boonse. Balaakupyeelwa anga ngamafumba.

2 Baami 21:13

Ndaakupa bene Jelusalemu mulandu bweenka mbondakapa bene Samaliya aAabu mwaami wa bene Isilaeli abamulunyungu lwakwe. Ndaakusalasha ndabala ya Jelusalemu bweenka muntu mbwaapukuta mbale akwisulika.

Isaya 13:20

Taaku muntu nabi womwi weshi akekaleemo tubili. Taaku muAlabu shikwiingooka nabi womwi weshi akayakemo musumba alimwi taaku mweembeshi nabi womwi weshi akeembeleleemo mbelele shakwe umo.

Isaya 13:6

Amulile mibila ceebo bushiku bwa bukali bwa Mwaami Lesa buli pafwaafwi, bushiku ubo Mwaami Lesa Shinkusu shoonse mbweshi akalete kunyonyoolwa kuyoosha.

Isaya 21:1

Ono ngaaya maswi aamba paBabiloni. Malwesa alaakwisa kuswa kucishi cilensha boowa, bweenka kapupuulwa mbokakwenga mucishi cakumalenge.

Jelemiya 50:26

Amwise mubalwaane kuswa kulaamfu. Amupwaye maandaabo akusungilamo shakulya akubunjika shakusaala mumilwi milwi mbuli shili anga ngamaila. Mubanyonyoole cakumaninina kubule aucaalaawo.

Jelemiya 50:3

“Mushobo wa kumatwa ulaakubalwana akunyonyoola cishi cabo. Taaku muntu weshi akekaleemo, bantu alimwi abanyama boonse balaakucicaamo.”

Jelemiya 51:62

Kuswawaawo ukapaile ayi, ‘NoBaami baLesa, mwakaamba ayi mulaakunyonyoola musena uno akuulengesha ayi kubule muntu nabi munyama wikalaamo tubili. Sombi ayi ulaakuba matongo kwalyoonse alyoonse.’

Sefaniya 2:14

Shifubwa shoonse shilaakupanga mulela kweenka uko, kubikaawo anyama sha muluundu. Abalo bamwiina balaakunookala mumatongo a njiyo. Balaakunoolila pambwelyo sha maanda. Bacikwangala balaakunookala kumilyango ya njiyo. Mitanti ya sida ya maanda a njiyo ilaakucaala patuba.

Ciyubululo 14:8

Kwakaboneka aumwi munjelo wabili kaamba ayi, “Yawa, yawa ndabala inene ya Babiloni! Yakalengesha ayi bantu ba mishobo yoonse kunwa waini ukali wa bufuule bwa njiyo!”

Ciyubululo 18:2

Wakoolobesha ayi, “Yawa, yawa ndabala inene ya Babiloni! Yaba momwakwikala bashikaswa ba mishobo yoonse. Yaba momwakwikala shiyuni shitasalalite alimwi shilensha bunya.