Isaya 14:20 - Baibo Busansulushi Bwa Libuku Ili

²⁰ Teshi ukabikwe bubikwa bamaaminyoko mukwiinga wakanyonyoola cishi cako akucaya bantu bako. Bamulunyungu lwako webo omucita shibi teshi bakanyumfwikeewo tubili.

Isaya 14:20 ပူးပေါင်းရင်းမြစ်များ

2 Baami 9:35

Sombi basankwa abo bakaya mukumubika bakacanakobo shifuwa sha kumutwi, alimwi ashifuwa sha kumaansa asha kushimpanta shakwe.

Jobo 18:16

Miyanda ya buumi bwakwe ilaakuyuma. Ayalo misampi ilaakunyana akuyuma.

Jobo 18:17

Impuwo yakwe kumishaabo akumisena ya kulaale yamana. Taaku muntu nabi womwi ucimwiibaluka.

Jobo 18:19

Taaku wamulunyungu lwakwe wacaalaawo nabi womwi Ncakwiila taaku nabi womwi wakapuluka.

Kulumbaisha 109:13

Bamulunyungu lwakwe boonse abamane kufwa, cakwaamba ayi kutakabi wiibaluka liina lyakwe mulishalane litoosa.

Kulumbaisha 21:10

Bamulunyungu lwabo mulaakubanyonyoola kuswa pacishi ca panshi, ncakwiila taaku bulowa bwabo bweshi bukacaaleewo pakati ka bantu bamwi boonse.

Kulumbaisha 37:28

Mukwiinga Mwaami Lesa ulisuni koombolosha cakutanyengelela, alimwi taalekeleshi bantu bakwe bashomeka. Nkokwaamba ayi lyoonse ulabafuna, sombi bamulunyungu lwa bamucita shibi balaakutandwaamo.

Shikushimikila 6:3

Muntu ulakonsha kuba abaana bali mwaanda akwikala myaaka iinji. Sombi na wabula kusangalala mukuswitilila kwakwe nabi na wabula kulilwa kabotu, nebo ndaamba ayi kafunga nkabotu kwiinda nguwe.

Isaya 1:4

Ono mapensho kuli ndiwe omushobo ushipite, ee, kuli ndiwe omushobo olemenetwe milandu, webo omushobo wa bamucita shibi. Wakakaka Mwaami Lesa, ncakwiila wakafutatila Usalalite wa bene Isilaeli.

Isaya 31:2

Nakubi boobo Mwaami Lesa alakwe ngumusongo, ulanyonyoola alimwi taalubi kucita cintu ncaapinga kale. Anu ulaakupa mulandu bamucita shibi abaabo boonse babacafwa.

Isaya 9:17

Paceebo ceeco Mwaami Lesa teshi akakondwe abacikula bwangu babo alimwi teshi akafwitewo nkumbu bamukalubinje banakashi nabi bana banshiwa babo. Mukwiinga bantu boonse baba bamucita shibi alimwi tabalemeki Lesa. Pamilomo yoonse palaswabo maswi abiibi. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.