Isaya 13:8 - Baibo Busansulushi Bwa Libuku Ili

⁸ Ee, boowa bulaakubacata cankusu. Kucisa abuumba shilaakubasakata. Balaakunootongelabo anga ngumwanakashi ucite lifumo lyabuka. Balaakunoolangilishanya cakukankamana, shiwa kashilokete kunsoni.

Isaya 13:8 ပူးပေါင်းရင်းမြစ်များ

2 Baami 19:26

Bantu ba mumo tebakalinga kucite nkusu, bakaloonda abuumbi akulenshekwa nsoni. Bakababo anga ninsaku mumyuunda nabi bwiisu butoomena paciluli shiyuma muciindi ciniinibo na muuwo ulungula wesa.

Kulumbaisha 48:7

Mwebo nobaLesa, mwakabanyonyoola anga ngamaato aya kuTashishi, ayo akanyonyoolwa acipuupu ciswa kwicwe.

Isaya 26:17

Swebo pameenso anu noBaami baLesa twakalinga kunoolilabo akunyongoloka anga ngumwanakashi utooyanda kutumbuka.

Jelemiya 13:21

Ino mulaakwaamba ayinshi Mwaami Lesa aakulengesha baabo mbomwakalinga kuyeeya ayi mbabyaanu kumweendelesha? Sa te mulaakunyonwabo anga ngumwanakashi uli pankata?

Jelemiya 30:6

Kutumana uyeeye. Sa musankwa inga watumbuka mwaana? Ino ceebonshi ndaboona musankwa uli woonse shinkusu kucatilila maansaakwe palifumo anga ngumwanakashi uli pankata? Ceebonshi shiwa shoonse shitooboneka kulisukama?

Jelemiya 4:31

Ntoonyumfwa mubila anga ngumwanakashi uli pankata. Ntoonyumfwa kutongela anga nkwa mwanakashi utootumbuka mwaana wakwiiya. Anu kwakalinga nkulila kwa ndabala ya Jelusalemu itoofoomashika akusenga lucafwo mukwaamba ayi, “Maawe ndawisuka, buumi bwangu bwaabwa mumaansa a bacayi!”

Jelemiya 46:5

“Ino ndabonanshi? Baloonda, batooboolela muunshi. Bashilumamba babo bakomwa. Bacica cakufwambaana kutacebuka amwisule. Shiyoosha shili kumbasu shoonse. Nebo neMwaami Lesa ndaamba.

Jelemiya 48:41

Mandabala anene amandabala acite malinga alaakukomwa. Bushiku ubo myoyo ya bashilumamba bene Moabu ilaakubabo anga ngumoyo wa mwanakashi uli pankata.

Jelemiya 49:22

Amubone! Balwani babo balaakufupula Bosila anga ngumumbankwashi ufungulwite mapapaminwa akwe pacishi ico. Bushiku ubo myoyo ya bashilumamba bene Moabu ilaakubabo anga ngumoyo wa mwanakashi uli pankata.”

Jelemiya 49:24

Bene Damasikasi banyumfwa mumanungo mwatontola, basanduluka ayi bacice ceebo banyumfwa boowa. Myoyo yabo yacisa alimwi banyonwa mumala, ee, banyonwabo anga ngumwanakashi uli pankata.

Jelemiya 50:43

Mwaami wa bene Babiloni wanyumfwa makani apali mbabo, aboobo maansaakwe atontola. Buumba bwamucata, utoonyumfwabo anga ngumwanakashi uli pankata.

Jelemiya 51:30

Bashilumamba ba kuBabiloni bacileka kulwana, balishiitebo mushiyubilo shabo. Nkusu shabo shamana. Bababo mbuli banakashi. Maanda a mundabala iyo apya ampingilo sha kuminjililo ya njiyo, shamana kutyoloolwa.

Esekelo 20:47

Lwiita misaansa ya kumalenge ayi nebo neMwaami Lesa Shinkusu shoonse ndaamba ayi, ‘Bona, ntooyanda kukumika mulilo uyo weshi ukatente shisamu shako shoonse, shitontola ashiyumu. Mulilo uyu teshi ukakonsheke kuushimya alimwi bantu boonse kuswa kumalenge kuya kumatwa balaakunyumfwa cikasaashi ca nguwo.

Osiya 13:13

Bene Isilaeli balicite ciindi cakunoocili boomi, sombi tabacite maano akusebensesha ciindi ico. Bali anga ngumwaana weelete kushalwa, sombi taacite maano akuswa mulifumo lya banyina.

Jowelo 2:6

Kucibonabo, bantu boonse baba aboowa. Ncakwiila ciwa ca muntu womwi awomwi caloka kuboowa.

Naamu 2:10

Ndabala ya Ninife yanyonyoolwa, yacaala cisuukila alimwi yaba matongo. Myoyo yamanamobo kuboowa amwalo mumanungo mwaboolabo tontolo ceebo nkusu shoonse shamana. Shiwa shoonse shaloka kuboowa.

Joni 16:21

Na walutundu uli pakati mumala mwabuka, ulapenshekwa ceebo ciindi cakupenga kwakwe cashikila. Sombi na wapulukaamo ulalubaako akupenga kwakwe ceebo ulasangalala ayi mwaana washalwa mucishi.

1 Bene Tesalonika 5:3

Bantu baakutalika kwaamba ayi, “Shintu shoonse shaba kabotu, taaku acakulisukama,” mapensho alensha boowa ndyeshi akabashikile! Alaakwisa cakuteengashila bweenka mbuli mwanakashi mbwaanyumfwa kucisa na mumala mwabuka, ncakwiila taaku eshi akacice.