Isaya 13:7 - Baibo Busansulushi Bwa Libuku Ili

⁷ Paceebo ceeco maansa oonse alaakuboolabo lempwete. Ncakwiila womwi awomwi ulaakunjilwa boowa.

Isaya 13:7 ပူးပေါင်းရင်းမြစ်များ

Kulumbaisha 58:7

Abashiminganebo anga ngamaanshi ainda kaaya mumulonga. Abakalyatoolwe akunyoŋwaatika anga mbwiisu bwalyatoolwa.

Kulonga 15:15

Bacinenenene ba bene Edomu baliloondete. Bamatanjilili ba bene Moabu batootutumabo. Abalo bantu bene Kenani bapulwa mumala.

Isaya 19:1

Aya ngamakani aamba pacishi ca Ijipiti. Mwaami Lesa waashika cakufwambaana kuIjipiti kaatantite palikumbi. Shibumbwabumbwa shine Ijipiti shilatutuma kunembo lyakwe, bene Ijipiti boonse mumanungo mulatontola kuboowa.

Isaya 37:27

Bantu ba mumo tebakalinga kucite nkusu, bakaloonda abuumbi akulenshekwa nsoni. Bakababo anga ninsaku mumyuunda nabi bwiisu butoomena paciluli shiyuma muciindi ciniinibo na muuwo ulungula wesa.

Isaya 51:20

Bana banu basankwa bamana kuwisooka mupetookila mikwakwa. Balibo kampa kampa anga ninsefu shacatwa mposhakateyekwa. Bukali bwa Mwaami Lesa bwabakola. Ncakwiila bacinyumfwa cilemeneshi ca bukali bwakwe.

Jelemiya 50:43

Mwaami wa bene Babiloni wanyumfwa makani apali mbabo, aboobo maansaakwe atontola. Buumba bwamucata, utoonyumfwabo anga ngumwanakashi uli pankata.

Jelemiya 51:30

Bashilumamba ba kuBabiloni bacileka kulwana, balishiitebo mushiyubilo shabo. Nkusu shabo shamana. Bababo mbuli banakashi. Maanda a mundabala iyo apya ampingilo sha kuminjililo ya njiyo, shamana kutyoloolwa.

Esekelo 21:12

Ono ulile cakooloma, webo omuntu, ceebo mupeeni uyo utoosita bantu bangu abamatanjilili boonse ba bene Isilaeli. Lyuume pacaamba ceebo ca buumba!

Esekelo 21:7

Ono na bakwiipushe ayi, ‘Utootongelanshi?’ Ubakumbule ayi, ‘Ntootongela ceebo ca makani ayo eshi akese. Myoyo yabo boonse ilaakuswa kuboowa, maansaabo alaakubabo lempwete, balaakutyongola amumanungo abo moonse mulaakuboolabo tontolo.’ Makani ayo alaakucitika cancinencine. Nebo neMwaami Lesa Shinkusu shoonse ndaamba.”

Esekelo 7:17

Maansa oonse alaakubabo lempwete amumanungo oonse mulaakuboolabo tontolo.

Naamu 1:6

Ngani weenga weemikana kubukali bwakwe? Ngani ukonsha kwiimikana kubukali buyoosha? Bukali bwakwe bulanyaka anga ngumulilo. Mabwe oonse alapwayooka kunembo lyakwe.

Naamu 2:10

Ndabala ya Ninife yanyonyoolwa, yacaala cisuukila alimwi yaba matongo. Myoyo yamanamobo kuboowa amwalo mumanungo mwaboolabo tontolo ceebo nkusu shoonse shamana. Shiwa shoonse shaloka kuboowa.

Naamu 2:11

Anu ndabala ya Ninife ili kuli? Anu njili ndabala iyo yakalinga anga ncimfwengo mwikala nkalamu? Uli kuli musena uko bana ba nkalamu nkobakalinga kusanininwa ankalamu isankwa ayanakashi nkoshakalinga kuya abana ba nshisho kabatacite cakulisukama?

Joshuwa 2:11

Nditwakanyumfwa shikani ishi, soonse twakaloonda abuumbi ceebo ca ndimwe. Ncakwiila Mwaami Lesa, Lesa wanu, nguLesa wa kwiculu alimwi apacishi ca panshi.