Isaya 13:22 - Baibo Busansulushi Bwa Libuku Ili

²² Mushiyubilo shakwe sha mabwe mulaakunoolilabo basuntwe abalo baumpe mbweshi bakanookalabo mumaandaakwe abotu abwaami. Ciindi cakunyonyoolwa kwa Babiloni cashikila, ashalo nshiku isho tashicibete kulaale.”

Isaya 13:22 ပူးပေါင်းရင်းမြစ်များ

Kulumbaisha 44:19

Nakubi boobo mwatushiya pakati ka baumpe kwakubula ashikutucafwa, kutushiya sweenka mumunshinshe ushiya mbi.

Isaya 14:23

Musena uyo ndaakuwaalula kuba cilonga. Ulaakuba umo mweshi mukanookalabo bamwiina. Ndaakuupyanga acipyaango cakunyonyoola, Nebo neMwaami Lesa Shinkusu shoonse ndaamba.”

Isaya 25:2

Amubone, ndabala inene mweesandula kuba mulwi wa shakapwayoolwa. Ncakwiila mwanyonyoola ndabala yalinga kucite lilinga. Ndabala inene iyi yalinga ciyubilo ca baswamashi, sombi bulya yaloba alimwi teshi ikayakululwewo tubili.

Isaya 32:14

Ŋanda ya bwaami ilaakucaala cisuukila. Ndabala inene iyi ilaakucaalabo matongo. Shiyubilo sha njiyo amaanda alaamfu a beshikulindilila shilaakucaalabo shikalikulukile shiine. Mumusena woonse uyu mulaakubabo mafulo a mbongolo alimwi ambelele.

Isaya 34:13

Mushiyubilo shabo sha nkondo mulaakwisulabo shisamu sha myuumfwa. Mumandabala abo acite malinga mulaakumena tukoloŋonso. Ncakwiila cishi cabo cilaakubabo musena wa bamwaaba akubabo maanda a bamwiina.

Isaya 34:14

Banyama bamuluundu balaakunokwiingookabo umo. Abalo bashikaswa balaakunokwiitana ayi banookalaamo alimwi ndushinisho balaakucana misena yakookesheshaamo.

Isaya 35:7

Museese ulungula ulaakwaaluka mashiba a maanshi. Cishi cifwite nyotwa ya maanshi cilaakuba tuntupu tubila maanshi. Mumisena umo mwakalinga kwikalaawo bamwaaba, mulaakumena bwiisu alimwi amatete.

Isaya 43:20

Banyama bamuluundu, ee, bamwaaba abamwiina balaakumpa bulemu. Balaakumpa bulemu ceebo cakulengesha maanshi kubaamo muluyanga. Ncakwiila ceebo cakulengesha tulonga kukunka mulunjumwa. Balaakumpa bulemu ceebo cakupa maanshi bantu bangu mbondakasala.

Jelemiya 48:16

Kuwa kwa cishi ca Moabu kulibo muliimfwa. Kunyonyoolwa kwa ncico kulaakwisabo onoono.

Jelemiya 51:33

Babiloni waba anga ndubansa lwakulupwitaawo ciindi ndyelulyatoolwa pakulupula shili anga ngamaila. Ndushinisho ciindi cakwe cakumutebula cilaakushikila cakufwambaana. Nebo neMwaami Lesa Shinkusu shoonse, Lesa wa bene Isilaeli ndaamba.”

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Malilo 4:3

Nabi bamwaaba balayamwisha bana babo, sombi bantu bangu baba amyoyo ibiibi anga nintibatiba muluyanga.

Mika 1:8

Lyalo nebo neMika ndakaamba ayi, “Paceebo nebo ndaakooloma akulila. Ndaakunooya ceenda myeendobo alimwi matakosha. Ndaakunookooloma anga ngumwaaba, akunoolila anga ngumwiina.

Abakuku 2:3

Ee, waaleembe ceebo ciindi ca ngawo tacina kushikila. Nakubi boobo ciindi ca ngawo citoosa cakufwambaana. Ncakwiila alaakucitika cancinencine. Nabi aboneke kucelwa mukucitika, ukaalindilebo mukwiinga alaakucitika cancinencine alimwi teshi akacelwewo, sobwe.

Sefaniya 2:14

Shifubwa shoonse shilaakupanga mulela kweenka uko, kubikaawo anyama sha muluundu. Abalo bamwiina balaakunookala mumatongo a njiyo. Balaakunoolila pambwelyo sha maanda. Bacikwangala balaakunookala kumilyango ya njiyo. Mitanti ya sida ya maanda a njiyo ilaakucaala patuba.

Dutolonomi 32:35

Mwaami Lesa ulaakuboosha cishole mukubapa mulandu. Paciindi ceelete balaakuwa boonse. Bushiku bwa mapensho abo buli pafwaafwi. Balaakunyonyoolwabo onoono.

2 Pita 2:3

Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.