Isaya 13:18 - Baibo Busansulushi Bwa Libuku Ili

¹⁸ Balaakucaya basankwa bacikula bwangu amata abo. Teshi bakafwitewo nkumbu bakateta nabibo banike.

Isaya 13:18 ပူးပေါင်းရင်းမြစ်များ

2 Baami 8:12

Asayelo wakeepusha ayi, “Ino nkambo mutoolilanshi?” Elisha wakakumbula ayi, “Mukwiinga ndishi shintu shiyoosha nsheshi ukacite kubene Isilaeli. Ulaakutenta misena yabo icite malinga, kucaya basankwa bacikula bwangu kumipeeni, kupwaya bana babo bakateta panshi akupasoola banakashi bacite mafumo.”

2 Makani 36:17

Lyalo Mwaami Lesa wakaleta mwaami wa bene Babiloni ayi abalwaane. Mwaami uyo wakacaya basankwa bacikula bwangu amipeeni muŊanda yakwe Lesa. Taakwe kushiyaako mwanike nabi munene, musankwa nabi mwanakashi. Ncakwiila Lesa wakaaba boonse mumaansaakwe Nebukadinesa.

Kulumbaisha 127:3

Baana ncipo kuswa kuMwaami Lesa, ncakwiila ncilambu ncaatupa.

Isaya 13:16

Bana babo bakateta balaakusansoolwa mutupanshapansha beene kabeebela. Maandaabo alaakusaalwa abamakaabo balaakucatwa ayi bakumanaabo cakubakakatisha mumeenso abo.

Isaya 47:9

Sombi buumba bwa mishobo yobilo bulaakumucata paciindi comwi alimwi mubushiku bomwi. Ee, buumba bwakufwitwa baana abwakuba mukalubinje. Shintu ishi shilaakukushikila cankusu nakubi kwaamba ayi ulicite shisoko abwaanga nshoosebensesha.

Isaya 5:28

Mifwi yabo ilikolete alimwi mata abo alibambitwe kale. Shoondo sha maaki abo nshiyumubo anga ndibwe, aalo mawilo a shikoci shabo sha nkondo alacicabo anga nkapupuulwa.

Jelemiya 18:21

Aboobo noBaami baLesa, amusuminishe bana babo kufwa kunsala. Amubaabe munkondo ayi bafwite mumo. Amulengeshe bamakaabo kubula baana alimwi akuba bamukalubinje. Amulengeshe bameebaabo kucaikwa kumalwashi akulengesha bacikula bwangu basankwa kucaikwa munkondo.

Jelemiya 5:16

Mifwi ya mushipokolo shabo ilacaya bantu baanji baanji. Bashilumamba abo boonse mbayumu abuumbi.

Jelemiya 50:30

Aboobo bacikula bwangu bamumo balaakukungubala mumikwakwa ya ndabala iyo. Bashilumamba boonse bekalaamo balaakunyonyoolwa pabushiku ubo. Nebo neMwaami Lesa ndaamba.”

Jelemiya 50:42

Banyamuna mata amasumo, mbantu beshilunkutwe alimwi batacite nkumbu. Batooyoomabo anga ngamaaba apalweenge mbuli mbobatoosa kabatantite pamaaki. Balilibambite kale kwisa mukukulwana webo ondabala ya Babiloni.

Jelemiya 51:22

Kwiinda muli ndiwe ndapwayoola basankwa abanakashi, bacembele abanike, bacikula bwangu abalindu.

Jelemiya 6:23

Banyamuna mata amasumo, mbantu beshilunkutwe alimwi batacite nkumbu. Batooyoomabo anga ngamaaba apalweenge mbuli mbobatoosa kabatantite pamaaki. Balilibambite kale kwisa mukukulwana webo ondabala ya Jelusalemu.”

Esekelo 9:10

Aboobo teshi nkabafwitewo nkumbu nabi kubalangabo, sobwe. Sombi ndaakubacitila bweenka mbobakacitila bamwi.”

Danyelo 7:5

“Munyama wabili wakalinga kuboneka anga ngubeya kaaimfwi amyeendo yakwisule. Munyama uyo wakalinga kucatite mapinga otatwe mumeeno akwe. Ono liswi lyakamwaambila ayi, ‘Tolelela kulya nyama iinji tibili ukute.’

Osiya 13:16

Cishi ca Samaliya cilyeelete kupekwa mulandu ceebo cakwaashukila ndime neLesa wabo. Bantu ba ncico balaakufwita munkondo. Bakateta balaakupwaikwa panshi banakashi beshi bakanoomitite balaakupasulwa mafumo.”

Naamu 2:1

Mwebo nobene Ninife balwani banu bashika. Amubike beshikulindilila kuciyubilo! Amubike beshikulindilila kumukwakwa! Amulibambile kulwana! Amwiimikane cankusu!

Naamu 3:10

Nakubi boobo bantu ba njiyo bakacatwa busha. Bakateta babo bakoomwa kushikila bafwa moonse mupetukila mikwakwa ya mundabala inene. Cisolo cakoomwa kubaana bamaloba ba njiyo abalo bacinenenene bakaangwa muncetani.