Isaya 13:14 - Baibo Busansulushi Bwa Libuku Ili

¹⁴ “Baswamashi bekala muBabiloni balaakucicila kushishi shine mishaabo cakupalangana anga ninsefu shitooloonda bafwimi, nabi anga nimbelele shabula mweembeshi.

Isaya 13:14 ပူးပေါင်းရင်းမြစ်များ

1 Baami 22:17

Lyalo Mikaya wakwaamba ayi, “Ntoobona bashilumamba bene Isilaeli bapalangene patulundu anga nimbelele shitacite mweembeshi. Ono Mwaami Lesa waamba ayi, ‘Aba bantu tabacite mutanjilili, amubaleeke baye kumishaabo muluumuno.’ ”

1 Baami 22:36

Lisuba ndilyakalinga kuya cipila, cakaambilishikwa kubashilumamba bene Isilaeli ayi, “Womwi awomwi aboolele kundabala yakwe mucishi cine mishaabo!”

Isaya 17:13

Sombi nabi bayoome anga nciwuutila ca maaba ayoosha, baloondomokelabo kulaale na Lesa wabakalalila. Balayabo kulaale bweenka buungu mbobuululuka kumuuwo pakalundu, nabi anga mbwiisu mbobuya kukapupuulwa.

Isaya 21:15

Bantu abo batoocica mipeeni isuni kubacaya, batoocica mifwi ili mumata eeleketwe kale alimwi akukalala kwa nkondo.

Isaya 47:15

Ono njempindubo yeenka iyo njeshi ukacane kuswa kubantu abo. Basongo ba shintu shili mwiculu abo wasebensaabo kuswa kubwanike bwako. Boonse balaakukupalangana akuya munshila shabo beene. Taaku nabi womwi weshi akacaale kwaamba ayi akupulusheeko.”

Jelemiya 25:12

“ ‘Ono myaaka makumi osanwe aobilo yaakwiinda, ndaakupa mulandu mwaami wa bene Babiloni acishi ca Babiloni coonse ceebo ca kubisha kwabo. Ndaakunyonyoola cishi ico ayi cikabe matongo amuyayaya.

Jelemiya 50:16

Amulengeshe ayi muBabiloni mubule shikushanga nabi shikutebula ashicekeshi. Ceebo ca mupeeni wa shikulyatilila bantu, muntu womwi awomwi aaboolele kubene mishaabo, ee, boonse abacicile kucishi cine mishaabo.”

Jelemiya 51:9

Baswamashi bakaamba ayi, “Twakeelesha kushilika Babiloni, sombi ciindi cakushilika cakeenda. Atumushiyebo, tuboolele mwesu mwesu ceebo mulandu wakwe ulishikite akwiculu. Ncakwiila ulishikite amumakumbi.”

Naamu 3:18

Nobaleli banene ba bene Asilya, Beendeleshi banu bamana kufwa. Ncakwiila bacinenenene banu boonse boonena limwi. Bantu banu bapalanganina mutulundu alimwi taaku weshi akababooshe kumishaabo.

Mateyo 9:36

Ono ndyaakabona bantu baanji baanji, wakabanyumfwila nkumbu mukwiinga bakalinga kulemete akupenga anga nimbelele shitacite mweembeshi.

Maako 6:34

Jesu ndyaakasubuka, wakabona bantu baanji kababungene. Lyalo wakabanyumfwila nkumbu mukwiinga bakalinga anga nimbelele shitacite mweembeshi. Lyalo wakatalika kubeeisha shintu shiinji.

1 Pita 2:25

Mwakalinga anga nimbelele shakasoweka, sombi bulya mwaboola kuMweembeshi uyo utanjilila buumi bwanu.