Isaya 13:11 - Baibo Busansulushi Bwa Libuku Ili

¹¹ Mwaami Lesa waamba ayi, “Ndaakupa mulandu cishi coonse ceebo ca bubi bwa ncico akunyonyoola bamucita shibi ceebo ca shibiibi shabo. Ndaakuceesha bantu balisumpula. Ndaakumana kulinaamuna kwa baabo beshilunkutwe.

Isaya 13:11 ပူးပေါင်းရင်းမြစ်များ

Jobo 40:12

Ee, langa beshikulisumpula boonse akubaboosha panshi. Bamucita shibi abalo ubalyatoole peenka apo mpobabete.

Tushimpi 11:31

Ono na baluleme balalambulwa kweelana ambobeelete pacishi ca panshi cino, ino kubantu bateshi Lesa abamucita shibi cilaakweela kuli?

Tushimpi 8:13

Kuloonda Mwaami Lesa nkupata bubi. Nebo ndipatite kulisumpula, kulyuuma mucaamba, mibo ibiibi akwaamba shintu shitaluleme.

Isaya 11:4

Sombi ulaakunokoombolosha bataaku mbobabete cabululami. Ulaakunokoombolosha bakandu ba mucishi ca panshi cakutanyengelela. Bantu batanyumfwi ulaakunooboomishabo kumaswi, bamucita shibi ulaakubacaya.

Isaya 14:21

Akubambwe musena wakucailaako bana bakwe basankwa! Batoocaikwa ceebo ca shibiibi sha bamashali babo bakulukulu. Taaku nabi womwi pakati kabo weelete kulela cishi. Taaku weelete kususha cishi ca panshi amandabala akwe anene.”

Isaya 14:5

Ncakwiila Mwaami Lesa watyoloola musako wa baleli babiibi. Watyoloola nkoli ya bweendeleshi

Isaya 2:11

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Isaya 2:12

Mwaami Lesa Shinkusu shoonse wakabikila limwi bushiku bwa bukali bwakwe, ubo bantu boonse balisumpula abaabo balemekwa beshinkusu ndyeshi bakaceeshekwe.

Isaya 2:17

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Isaya 22:14

Mwaami Lesa, ee, Mwaami Lesa Shinkusu shoonse waŋambila ayi, “Cibiibi cabo teshi cikalekelelweewo kushikila bakafwe. Nebo neMwaami Lesa, Lesa Shinkusu shoonse ndaamba.”

Isaya 23:9

Mwaami Lesa Shinkusu shoonse ngowakapinga kucita cintu ici. Wakaciyeeya kwaamba ayi amane kulisumpula kwabo pashintu nshebakacita akunyaya bulemu bantu abo bakalinga kulemekwa cishi coonse.

Isaya 24:21

Pabushiku ubo Mwaami Lesa ulaakupa mulandu beshinkusu mwiculu abamaami ba pacishi ca panshi.

Isaya 25:3

Paceebo ceeco mishobo yankusu ilaakumulemeka. Ee, bantu ba mumandabala a mishobo itacite nkumbu ilaakuloonda.

Isaya 25:5

nabi anga ndumwi lukali lwa muluyanga. NoBaami baLesa, mwebo moomusha kupilinganya kwa baswamashi bweenka likumbi mbolifwekelesha kulisuba akubombya lumwi. Munshila iyo inyimbo sha bantu batacite nkumbu shamana.

Isaya 26:21

Amubone Mwaami Lesa ulaakuswa muŋanda yakwe ya kwiculu kwisa mukupa mulandu bantu bamucishi ca panshi ceebo ca shibiibi shabo. Cishi ca panshi cilaakuyubulula bulowa bwakatilwa muli ncico. Teshi cikashiseewo abo bakacaikwa.

Isaya 29:20

Sombi ico ciindi batacite nkumbu balaakuloba. Beshikucelebula babyaabo balaakushimingana abamucita shibi bamwi boonse balaakunyonyoolwa.

Isaya 29:5

Nakubi boobo makoto makoto abalwani bako alaakubabo anga ndusuko luyabo amuuwo. Ee, balwani banu batacite nkumbu balaakubabo mbuungu butooya cuululuka. Ncakwiila muciindi ciniinibo alimwi cakuteengashila

Isaya 3:11

Sombi mapensho kubamucita shibi! Balo balaakunyonyoolwa. Nshebakalinga kucita kubamwi, shilaakuboolela mbabo.

Isaya 5:15

Aboobo kulinaamuna kwa bantu kulaakumana. Ncakwiila kulisumpula kwabo kulaakunyonyoolwa.

Isaya 65:7

Ndaakuboosha cishole pabubi bwabo abwakacita bamashali babo bakulukulu. Mukwiinga bakalinga kubenga milambu pamisena yakulambililaawo ya patulundu akubisha liina lyangu patulundu uto, ndaakubapa mulandu, ee, mulandu weelete pashintu shoonse nshebakacita kale kale.” Mwaami Lesa waamba.

Jelemiya 48:29

“Ndakanyumfwa bene Moabu mbobalisumpula. Ncakwiila balalisumpula akulyuuma mushaamba. Ee, balalisumpula alimwi mbeshi kulinaamuna. Balilisuni abuumbi mumyoyo yabo.

Danyelo 4:34

Mwaami Nebukadinesa wakaamba ayi, “Myaaka yosanwe amyaaka yobilo ndiyakeenda, nebo neNebukadinesa, ndakeenamuka. Maano angu akaboolaamo. Lyalo ndakalumba Lesa wa kwiculu Wiindaawo. Ndakalemeka akulumbaisha Lesa uyo muumi kwalyoonse alyoonse. “Bulelo bwakwe, mbulelo bwamuyayaya. Bweene bwakwe bulaakunoolikobo kwalyoonse alyoonse.

Abakuku 2:4

Maswi ngaaya: ‘Uyo eshi akalisumpule ulaakucaikwa. Sombi uyo ululamikwa ceebo cakushoma, ulaakuba abuumi.’ ”