Isaya 13:10 - Baibo Busansulushi Bwa Libuku Ili

¹⁰ Nyenyeenshi shoonse mwiculu shilaakucileka kubala. Lisuba pakuswa lilaakushiyishikwa, awalo mweenshi teshi ukape mumuni wa nguwo.

Isaya 13:10 ပူးပေါင်းရင်းမြစ်များ

Jobo 9:7

Lesa ulicite nkusu shakukasha lisuba ayi litaswi, alimwi akukasha nyenyeenshi ayi shitaboneki.

Shikushimikila 12:2

Ciindi cilaakushikila mumuni walisuba, wa mweenshi awa nyenyeenshi, ndyeshi ukacileeke kubonekesha. Aalo makumbi alaakuboolela mfula yaakumana.

Isaya 24:21

Pabushiku ubo Mwaami Lesa ulaakupa mulandu beshinkusu mwiculu abamaami ba pacishi ca panshi.

Isaya 24:23

Mweenshi ulaakushiya, alyalo lisuba lilaakucileka kubala ceebo Mwaami Lesa Shinkusu shoonse ngweshi akanoolela paKalundu ka Siyoni muJelusalemu. Ulaakulela cabulemu kunembo lya bamaloba ba bantu umo.

Isaya 47:5

Mwaami Lesa utookwaambila Babiloni ayi, “Kalabo tontolo, uye mumunshinshe. Camana bulya! Teshi ukeetweewo tubili ayi mwaami mwanakashi wa mishobo yoonse.

Isaya 5:30

Bushiku ubo bwaakushikila balaakubulumina Isilaeli anga nkuwoota kwa maaba palweenge. Uyo weshi akalange mucishi ici, ulaakubonabo munshinshe alimwi abuumba. Mumuni woonse awalo ulaakubabo munshinshe ceebo ca makumbi.

Isaya 50:3

Ndalengesha liculu kushiya cakubabo anga litoolila wafwa.”

Jowelo 2:10

Cishi cilatenkaana ndiceenda. Liculu alyalo lilatutuma. Lisuba amweenshi shilaboolabo mbi ashalo nyenyeenshi shilacileka kubala.

Jowelo 2:31

Lisuba lilaakuboolabo mbi, awalo mweenshi ulaakusalalabo pyu anga mbulowa, kabutana kushikila bushiku bwangu nebo neMwaami Lesa, bushiku ubo bunene alimwi buyoosha.

Jowelo 3:15

Lisuba amweenshi shilaakushiyabo mbi ashalo nyenyeenshi shilaakucileka kubala.

Amosi 5:20

Bushiku bwa Mwaami Lesa bulaakuba bwa munshinshe, buteshi bwa mumuni nauceyi. Kulaakuboolabo mbi kutabonaawo mumuni, sobwe.

Naamu 1:8

Sombi ulaakunyonyoola balwani bakwe anga ngamaanshi asefuka acite mukuuku unene. Ulaakutandaanishila baabo bamupatite mumunshinshe.

Sekaliya 14:6

Ubo bushiku bwaakushika, teshi kukabewo mpewo nabi caandwa.

Mateyo 24:29

“Na akamanebo mapensho a nshiku isho, lisuba lilaakubabo munshinshe, mweenshi ulaakucileka kumunika, nyenyeenshi shilaakuloka kuswa mwiculu, ashalo nkusu sha mwiculu shilaakutenkaanishikwa.

Maako 13:24

“Sombi munshiku isho, mapensho na akamaane, lisuba lilaakubabo munshinshe, mweenshi ulaakucileka kumunika,

Luka 21:25

“Kulaakuba shitondesho kulisuba, kumweenshi akunyenyeenshi. Pacishi ca panshi, bantu balaakulisukama akuloonda abuumbi mushishi shoonse, pakunyumfwa kuwoota kwa lweenge amaaba.

Milimo ya Batumwi 2:20

Lisuba lilaakuboolabo mbi, awalo mweenshi ulaakusalalabo pyu anga mbulowa, kabutana kushikila bushiku bwangu nebo neMwaami Lesa, ubo bunene bwa bulemu.

Ciyubululo 8:12

Lyalo munjelo wane alakwe wakalisha lupeenga lwakwe. Mpeeke cipansha catatu ca shipansha sha lisuba, mweenshi alimwi anyenyeenshi shakanyonyooka cakwaamba ayi shipansha shatatu sha mumuni wa nshisho shakacileka kumunika. Nkokwaamba ayi tekwakalinga mumuni mucipansha catatu ca malumwi amucipansha catatu ca mashiku.