Isaya 12:6 - Baibo Busansulushi Bwa Libuku Ili

⁶ Amoolobeshe akwiimba ceebo cakusangalala nobene Siyoni! Mukwiinga Usalalite wa bene Isilaeli uli pakati kanu ulicite nkusu.”

Isaya 12:6 ပူးပေါင်းရင်းမြစ်များ

Kulumbaisha 132:14

Wakaamba ayi, “Ono muno mweshi nookala kwalyoonse alyoonse. Ee, mweshi nookala pacuuna ca bwaami mukwiinga ndisuniimo.

Kulumbaisha 135:21

Aalumbaishikwe Mwaami Lesa kuswa kuSiyoni, ncakwiila amumulumbaishe uyo ukala muJelusalemu. Amulumbaishe Mwaami Lesa!

Kulumbaisha 46:5

Ncakwiila Lesa mwaali mundabala inene iyo, teshi ikanyonyoolwe. Lesa ulaakwiifuna paciindi cakumuyamaca.

Kulumbaisha 68:16

Ceebonshi okalundu kacite nsonga shiinji, utoolanga camunyono kalundu ako Lesa nkaakasala ayi ekaleewo? Ee, pakalundu apo mpweshi anookala kwamuyayaya.

Kulumbaisha 71:22

Ndaakumulumbaisha akalumbu ceebo cakushomeka kwanu nobaLesa bangu. Ndaakunokwiimba akalumbu mukumulumbaisha ndimwe noMusalalite ba bene Isilaeli.

Kulumbaisha 89:18

NoBaami baLesa liyawo lyesu lilaswa kuli ndimwe. Mwaami wesu ulaswa kuUsalalite wa bene Isilaeli.

Kulumbaisha 9:11

Amulumbaishe Mwaami Lesa uyo ulela muSiyoni, mwaambe milimo yakwe ikankamika kumishobo yoonse.

Kulumbaisha 99:2

Mwaami Lesa ulicite nkusu muSiyoni. Ncakwiila ulasumpulwa pamishobo yoonse.

Isaya 1:24

Ono kutika bwaamba Mwaami Lesa Shinkusu shoonse, Lesa wa bene Isilaeli ucite nkusu. Waamba ayi, “Ndaakuboosha cishole pali ndiwe omulwani wangu, lyalo teshi ukampensheewo tubili.

Isaya 10:24

Ono Mwaami Lesa, ee, Mwaami Lesa Shinkusu shoonse waamba ayi, “Nobantu bangu nomwikala muSiyoni, mutaloondi bene Asilya abo bamuumisha ankooli. Mutabaloondi nabi balamuumisha mpimfwa bweenka bwakalinga kucita bene Ijipiti.

Isaya 24:14

Bantu beshi bakacaaleewo, balaakwiimba cakusangalala. Bakumbo balaakulumba bulemu bwa Mwaami Lesa.

Isaya 24:23

Mweenshi ulaakushiya, alyalo lisuba lilaakucileka kubala ceebo Mwaami Lesa Shinkusu shoonse ngweshi akanoolela paKalundu ka Siyoni muJelusalemu. Ulaakulela cabulemu kunembo lya bamaloba ba bantu umo.

Isaya 30:19

Mwebo nobantu ba muSiyoni, ee, mwebo nomwikala muJelusalemu, teshi mukalilewo tubili sobwe. Mwaami Lesa ulaakumunyumfwila luse bushiku mbweshi mukamulilile ayi amucaafwe. Ncakwiila aakunyumfwabo kusenga kwanu, ulaakumukumbula.

Isaya 33:21

Mwaami Lesa ngoShinkusu wesu mundabala iyo. Ilaakuba musena wa milonga inene atulongabo. Sombi maato a balwani teshi akanokwiindaawo, aalo anene eenda palweenge teshi akeendeewo.

Isaya 33:24

Lyalo mundabala ya Siyoni teshi mukanyumfwikewo mulwashi. Shibiibi sha baabo bekala mundabala iyo, shilaakulekelelwa.

Isaya 40:9

Mwebo nomuleta makani abotu muSiyoni, amutante peculu lya kalundu kalaamfu. Mwebo nomuleta makani abotu muJelusalemu, amwaambe cakoolobesha. Amoolobeshe, mutaloondi. Amulwiite ba mumandabala a Juda ayi, “Lesa wanu ngooyu!”

Isaya 41:14

Mwaami Lesa Usalalite wa bene Isilaeli waamba ayi, “Mutaloondi nobamulunyungu lwakwe Jakobo nomutacite nkusu anga ncaambo. Mutaloondi nobene Isilaeli nabi muli mushobo uniini mukwiinga nebo nemwiine ndaakumucafwa Nebo neLesa usalalite wa bene Isilaeli ndime mupulusha.

Isaya 41:16

Lusuko ulo mulaakulutukwita mwiculu mumuuwo awalo muuwo ulaakulutola. Ncakwiila cipuupu cinene cilaakulupalanganya. Aboobo mwebo mulaakusangalala muli ndime neMwaami Lesa ee, mulaakunumbaisha nebo neUsalalite wa bene Isilaeli.

Isaya 49:26

Ndaakulengesha baabo bamulyatilila kulya nyama ya mibili yabo beene. Ee, balaakubunwa bulowa bwabo beene akukolwa anga banwa waini. Lyalo bantu boonse balaakwishiba ayi ndime Mwaami Lesa, Mupulushi wanu, Shikumulubula, Lesa Shinkusu shoonse wa bamulunyungu lwakwe Jakobo.”

Isaya 54:1

Ono Mwaami Lesa waamba ayi, “Olobesha cakusangalala webo Jelusalemu ee, webo ooli anga ngumwanakashi ŋumba. Imba nyimbo akoolobesha cakukondwa webo nootana kunyumfwawo mwaana mbwaanyona. Ceebo baana ba mwanakashi wakashiiyikwa kuli ibaye mbaanji kwiinda ba wooyo uli aibaye.

Isaya 60:16

Mishobo imwi abamaami balaakunookulama bweenka mushali mwanakashi bwaalama mwanaakwe. Lyalo ulaakwishiba kwaamba ayi Nebo, neMwaami Lesa, ndime Mupulushi wako. Ulaakwishiba ayi ndime nkufuna alimwi ayi ndi Lesa Shinkusu shoonse wa bamulunyungu lwakwe Jakobo.

Isaya 8:18

Ono bulya ndime abaana Mwaami Lesa mbwaakampa. Mwaami Lesa Shinkusu shoonse ucite cuuna ca bwaami paKalundu ka Siyoni, watutuma kwaamba ayi tube nkombe yakwe yuumi kubene Isilaeli.

Jelemiya 10:6

Taakuuwo muntu nabi womwi weelene andimwe noBaami baLesa. Mwebo mulicite nkusu. Ncakwiila liina lyanu lilicite nkusu shiindaawo.

Esekelo 35:10

“ ‘Webo wakalinga kwaamba ayi mishobo yobilo iyi, Juda aIsilaeli, pantu pomwi ashishi sha njiyo shilaakuba sheesu. Ncakwiila tulaakushibwesa, nakubi kwaamba ayi nebo neMwaami Lesa ndi Lesa wabo.

Esekelo 39:7

“ ‘Kuswawaawo ndaakulengesha liina lyanu lisalalite kwishibwa pakati ka bantu bangu. Teshi nkasuminishe tubili liina lyangu lisalalite kusebaana. Lyalo mishobo imwi ndyeshi ikeshibe ayi nebo neMwaami Lesa ndi Usalalite wa bene Isilaeli.’

Esekelo 43:7

Mpeeke wakandwiita ayi, “Webo omuntu, uyu ngomusena wa cuuna cangu ca bwaami. Ndaakunookala kokuno pakati ka bene Isilaeli akubalela kwa lyoonse alyoonse. Taaku bene Isilaeli nabi bamaami babo beshi bakasebaanye tubili liina lyangu lisalalite mukulambila balesa bamwi nabi kubika mituntu ya bamaami babo kumusena uno.

Esekelo 48:35

“Mushinso kushinguluka ndabala yoonse ulaakunooli mamita ali 9,000. Ndabala iyo ilaakunokwiitwa ayi, ‘Mwaami Lesa uli momuno!’ ”

Esekelo 48:8

“Ono kweela cipansha ca mukowa wa bene Juda, kuswa kulubasu lwakwicwe kuya kumbo kulaakuba cipansha ico nceshi mukape ayi ncipo cipuseneeko. Cilaakuba makilomita ali 12.5 mubufwaafwi. Ono mubulaamfu kuswa kwicwe kuya kumbo cilaakunokweelenebo ashipansha shoonse sha mikowa imwi yoonse. Ŋanda yangu ilaakunooli pakati ka cipansha ico.

Osiya 11:9

Teshi nkacite kweelana abukali bwangu, teshi nkanyonyoolewo Isilaeli alimwi mukwiinga ndi Lesa, kuteshi muntu. Nebo neUsalalite ndi pakati kanu, aboobo teshi nkese kuli ndimwe mubukali bwangu buyoosha.

Jowelo 2:27

Nobene Isilaeli mulaakwishiba ayi ndyaanu alimwi ayi nebo neMwaami Lesa ndimebo Lesa wanu, ncakwiila taaku aumwi. Mwebo nobantu bangu teshi mukasebaanishikweewo tubili.

Sefaniya 2:5

Mapensho kuli ndimwe nobene Filisiti, mwebo nomwikala mulombe lwa lweenge. Maswi a Mwaami Lesa atokwaamba pamapensho ako webo ocishi ca Kenani ca bene Filisiti. Maswi ayo aamba ayi, “Ndaakukunyonyoola alimwi taaku eshi akacaaleewo.”

Sekaliya 2:5

Mwaami Lesa washomesha ayi lakwe mwiine ulaakuba lubumbu lwa mulilo lwakushinguluka ndabala iyo akuba bulemu bwa njiyo.’ ”

Sekaliya 2:9

“Nebo neMwaami Lesa ndaakumulwana alimwi mulaakusaalwa kubantu beenka abo bakalinga basebenshi banu.” Cintu ici ndyeshi cikacitike, muntu uli woonse ulaakwishiba ayi Mwaami Lesa Shinkusu shoonse wakantuma.

Shakubelenga 23:21

Taaku mapensho kubamulunyungu lwakwe Jakobo, taaku makatasho kubene Isilaeli. Mwaami Lesa, Lesa wabo uli ambabo, abalo beene baloolobesha ayi nguMwaami wabo.

Dutolonomi 23:15

“Ono na musha umwi waloboka mwaami wakwe, ono wesa mukuyuba kuli ndimwe, mutamubooshi kumwaami wakwe.