Isaya 12:2 - Baibo Busansulushi Bwa Libuku Ili

² Ncakwiila noBaami baLesa ndimwe bapulushi bangu. Nanooncinkite manungo muli ndimwe, lyalo teshi nkaloondeewo. NoBaami baLesa ndimwe mumpa nkusu abulemu, alimwi ndimwe lwiimbo lwangu. Ee, noBaami baLesa mwaba bapulushi bangu.”

Isaya 12:2 ပူးပေါင်းရင်းမြစ်များ

2 Samwelo 7:24

Ncakwiila mwakalisalila bene Isilaeli ayi babe bantu banu kwalyoonse, alimwi mwebo noBaami baLesa mwaba Lesa wabo.

Jobo 13:16

Mpashi munshila iyo nebo ndaakupulushikwa ceebo taaku mucita shibi wiimikana pameenso akwe Lesa.

Kulumbaisha 112:8

Lakwe taakushi moyo alimwi taaloondiiwo. Kumeelelesho ulaakubona ayi wabakoma balwani bakwe.

Kulumbaisha 118:14

Mwaami Lesa ngoompa nkusu alimwi ndamwiimbila, mukwiinga ngomupulushi wangu.

Kulumbaisha 118:21

Ndamulumba noBaami baLesa ceebo mwakakumbula mipailo yangu. Ncakwiila mwebo ndimwe bapulushi bangu,

Kulumbaisha 27:1

Mwaami Lesa ngomumuni alimwi ngoompulusha, taaku muntu nabi womwi ngoonoonda. Mwaami Lesa ndyelilinga lya buumi bwangu, taaku muntu nabi womwi ngoonoonda,

Kulumbaisha 65:6

Mwebo mwakabonesha nkusu shanu pakulenga tulundu, Ncakwiila mulicite nkusu shiindaawo.

Kulumbaisha 68:20

Lesa wesu, nguLesa upulusha, Mwaami Lesa Shinkusu shoonse ngoolengesha ayi tukonshe kuyuba lufu.

Kulumbaisha 68:21

Ncakwiila Lesa ulaakupwayoola mitwi ya balwani bakwe, ee, mitwi ya baabo batolelela kubisha ulaakwiinyonyoola.

Kulumbaisha 83:18

Abeshibe ayi ndimwe nomucite liina lya Mwaami Lesa, ndimwe nweenka nobaLesa ba kwiculu Beendaawo mucishi coonse ca panshi.

Kulonga 15:2

Mwaami Lesa ngoompa nkusu alimwi ndamwiimbila, mukwiinga ngomupulushi wangu. NgoLesa wangu, alimwi ntoomulumbaisha ngoLesa wa bata alimwi ntokwiimba pankusu shakwe.

Isaya 10:24

Ono Mwaami Lesa, ee, Mwaami Lesa Shinkusu shoonse waamba ayi, “Nobantu bangu nomwikala muSiyoni, mutaloondi bene Asilya abo bamuumisha ankooli. Mutabaloondi nabi balamuumisha mpimfwa bweenka bwakalinga kucita bene Ijipiti.

Isaya 17:10

Nobene Isilaeli, ncakwiila mwaluba Lesa wanu uyo wakamufuna ee, mwaluba Mwaandami wanu umutabilila. Mulashanga amyuunda isalalite ayi munoolambililamo balesa banu. Paceebo ceeco nabi mukashange shishango shibotu buyani, ee, nabi mukashange minyansa yakuula kuswa kucishi cimwi,

Isaya 27:5

Ono na balwani ba bantu bangu balisuni ayi noobatabilila, bataangune kusuminishanya luumuno anebo. Ncakwiila abasuminishanye luumuno anebo.”

Isaya 32:2

Womwi awomwi pakati kabo ulaakuba anga cakulishitilishaako muuwo, nabi anga ncakulishitilishaako cipuupu. Balaakuba anga nkalonga muluyanga nabi anga ncimfule ca mwaandami unene muliwesa.

Isaya 33:22

Ceebo Mwaami Lesa ngomoomboloshi wesu, Mwaami Lesa eenka uyo ngooshikutupa milawo alimwi Mwaami Lesa ngweeke ngomwaami wesu. Ncakwiila ngweeke ngweshi akatupulushe.

Isaya 38:20

“NoBaami baLesa mwampulusha. Aboobo tulaakunokwiimba nyimbo shakumulumbaisha akulisha tulumbu kwanshiku sha buumi bwangu shoonse muŊanda yanu noBaami baLesa.”

Isaya 45:17

Sombi bene Isilaeli balo Mwaami Lesa ulaakubapulusha. Kupulushikwa kwabo kulaakuba kwamuyayaya. Ee, bene Isilaeli teshi bakasebaanishikweewo.’ ”

Isaya 49:5

“Mwaami Lesa wakamumba nebo mumala muli bama ayi mbe musebenshi wakwe. Ee, ayi mbooshe bamulunyungu lwakwe Jakobo kuli nguwe. Wakacita boobo kwaamba ayi muyobolweteeko bene Isilaeli. Mwaami Lesa ulampa bulemu nebo alimwi muli nguwe mooncana nkusu.”

Isaya 50:10

Ono ngani pakati kanu ulemeka Mwaami Lesa akunyumfwila shaamba musebenshi wakwe? Uyo woonse weendela mumunshinshe, ee, uyo utacite mumuni, aacinke manungo muMwaami Lesa akushomabo Lesa wakwe.

Isaya 51:12

Mwaami Lesa waamba ayi, “Nebo ee, nebo neenka ndime muumbulushi. Ceebonshi mutooloonda bantubo abo balibo anga mbwiisu,

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Isaya 62:11

Mwaami Lesa waambilisha kucishi coonse ca panshi ayi, “Lwiita bamundabala ya Siyoni ayi, ‘Amubone mupulushi wanu waashika! Ncakwiila ulicite acilambu ee, utoosa amalipilo akupa bantu.’ ”

Isaya 65:18

Amukondwe akusangalala kwalyoonse alyoonse pasheesho nsheshi nkaleenge, mukwiinga Jelusalemu ngweshi nkaleenge mulaakunoolibo kusangalala. Abalo bantu beshi bakanookalaamo balaakunooli bantu bakondetwe.

Isaya 7:14

Paceebo ceeco Mwaami Lesa mwiine ulaakukupa citondesho. Ncakwiila mwanakashi utana kukumanawo kale amusankwa ulaakumita akushala mwaana musankwa eshi akanokwiitwa ayi Imanuweli.

Jelemiya 23:6

Munshiku sha bweendeleshi bwakwe, bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’ ”

Jelemiya 3:23

Ncakwiila kulambila kwa bakunsengwe patulundu takucite lucafwo. Ndushinisho kupulushikwa kwa bene Isilaeli kulaswabo kuMwaami Lesa, Lesa wesu.

Danyelo 3:28

Lyalo mwaami wakaamba ayi, “Aalumbaishikwe Lesa wakwe Shadileki, Mishaki awakwe Abedinego! Wakatuma munjelo wakwe kwaamba ayi afune basebenshi bakwe. Bakacinka manungo muli nguwe akusuula mulawo wangu nemwaami. Bakalinga kulibambite kufwa kwiinda kusebensela akulambila lesa umwi, sombibo Lesa wabo.

Osiya 1:7

Nakubi boobo kubene Juda ndaakubatondesha lusuno. Nebo neMwaami Lesa, Lesa wabo ndaakubapulusha munkusu shangu, kuteshi kwiinda mumipeeni, mata, mifwi, maaki nabi kwiinda mubeshikulwanina pamaaki.”

Jowelo 2:23

Nobene Siyoni, amukondwe Amusangalalile muMwaami Lesa, Lesa wanu mukwiinga wamupa mfula ya mainsa mubululami bwakwe. Wamupa amfuula inene yakutalikila ayakumeelelesho mbuli kataanshi.

Jona 2:9

Sombi ndaakubenga mulambu, akwiimba lwiimbo lwakulumba. Ico ncendakamushomesha cakulumbila, ndaakucicita. Ncakwiila lupulusho lulaswabo kuli ndimwe noBaami baLesa.”

Abakuku 3:18

ndaakusekelela muMwaami Lesa, ndushinisho ndaakusangalala muli Lesa, Mupulushi wangu.

Bene Loma 1:16

Ndashoma amoyo woonse muMakani Abotu ceebo nshenkusu shakwe Lesa shakupulusha bantu boonse bashoma, kutaanguna baJuda, pesule baswamashi bakunsengwe.

1 Timoti 3:16

Ncakwiila shabushishi bwa kupaila kwesu nshinene abuumbi. Nsheeshi, Lakwe wakaboneka mubuntu, wakaambwa aMushimu Usalashi ayi ngooluleme, wakabonwa abaanjelo. Wakashimikilwa pakati ka baswamashi bakunsengwe, wakashomwa kubamucishi ca panshi coonse alimwi akutolwa kwiculu mubulemu.

Ciyubululo 7:10

Bakoolobesha ayi, “Lupulusho lulaswa kuli Lesa wesu ushiite pacuuna ca bwaami alimwi akuMwanaambelele!”

1 Samwelo 2:1

Mpeeke Aana wakapaila ayi, “Mwaami Lesa wansangalasha abuumbi, Ndikondetwe abuumbi ceebo ca ceeco ncaacita! Balwani bangu ntoobaseka. Ndisangalete abuumbi ceebo Lesa wancafwa!