Isaya 12:1 - Baibo Busansulushi Bwa Libuku Ili

¹ Pabushiku ubo mulaakwiimba ayi, “Ndanoomulumbaisha noBaami baLesa. Nabi mwakalinga kukalalite pali ndime, bukali bwanu sunu bwamana. Ono sunu mwankalika moyo.

Isaya 12:1 ပူးပေါင်းရင်းမြစ်များ

Neyemiya 8:10

Lyalo Neyemiya wakabaambila ayi, “Kamuya mukalye shakulya shibotu, akunwa shakunwa shamise. Mutumineko shimwi kuli babo batacite shibambitwe kale. Bushiku bwasunu mbushiku busalalite kuMwaami Lesa. Mutoongumani ceebo kusangalala uko kumupa Mwaami Lesa, nkokumupa nkusu.”

Jobo 11:16

Mpeeke mapensho ako ulaakwaaluba, bweenka maanshi atookunka mbwaaenda lubilo.

Jobo 13:16

Mpashi munshila iyo nebo ndaakupulushikwa ceebo taaku mucita shibi wiimikana pameenso akwe Lesa.

Kulumbaisha 30:5

Bukali bwakwe mbwa ciindi ciniinibo, sombi luse lwakwe ndwa lyoonse alyoonse. Ee, kulila inga kwaba mashiku oonse, sombi kukondwa kulesa macuunsa na bwaca.

Kulumbaisha 71:21

Mulaakufusha bulemu bwangu, akunkalika moyo alimwi.

Kulumbaisha 85:4

NobaLesa Bapulushi besu, amutubooshele bwikaalo bwesu butaanshi. Bukali bwanu pali ndiswe abumane.

Kulumbaisha 86:17

Amuntondeshe cishibisho ca bubotu bwanu, kwaamba ayi balwani bangu baciboone akunyumfwa nsoni. Ceebo mwebo noBaami baLesa mwakancafwa akunkalika moyo.

Kulumbaisha 9:1

Ndaakumulumbaisha noBaami baLesa amoyo wangu woonse, ndaakushimikila shintu shikankamisha nshemwakacita.

Isaya 10:25

Coonoonobo bukali bwangu pali ndimwe butoomana. Lyalo ntoobukila mbabo kwaamba ayi mbanyonyoole.

Isaya 10:4

Ncakwiila mulaakucaikwa munkondo nabi kutolwa busha. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Isaya 11:16

Kulaakuba mukwakwa unene wakwiindaamo bene Isilaeli abo beshi bakacaaleewo pakuswa muAsilya bweenka mbokwakaba mukwakwa unene ndibakalinga kuswa mucishi ca Ijipiti.

Isaya 14:3

Mwaami Lesa ulaakwaangulula bene Isilaeli kuswa kushuumo, mapensho alimwi akuncito iyumu iyo njebakalinga kukakatishikwa kucita.

Isaya 2:11

Kulinaamuna kwa bantu kulaakumana, ncakwiila kulisumpula kwabo kulaakunyonyoolwa. Pabushiku ubo Mwaami Lesa eenkabo ngweshi akasumpulwe.

Isaya 25:1

NoBaami baLesa, ndimwe baLesa bangu. Ndanoosumpula akulumbaisha liina lyanu. Mwakacita shintu shikankamika abuumbi kwiinda mukushomeka kwanu kutacite kampenda, ee, shintu isho nshemwakabambabo kale kale.

Isaya 25:9

Ici caakucitika, muntu woonse ulaakwaamba ayi, “Ncakwiila nguLesa wesu! Twakacinka manungo muli nguwe, ono anaapa watupulusha. Ncakwiila nguMwaami Lesa! Twakacinka manungo muli nguwe, ono anaapa tulikondetwe alimwi tulisangalete ceebo watupulusha.”

Isaya 26:1

Pabushiku ubo bantu balaakwiimba lwiimbo ulu mucishi ca Juda ayi, “Tulicite ndabala inene iyumu, Lesa mwiine ngootabilila malinga a njiyo.

Isaya 35:10

Abo Mwaami Lesa mbwaakalubula balaakuboolela akushika kuSiyoni kabeemba cakusangalala. Anu uko nkweshi bakanookala cakusangalala kwalyoonse alyoonse. Ee, balaakuba bantu bakondetwe alimwi basangalete kwalyoonsebo. Buumba alimwi amatongooshi shoonse shilaakumana.

Isaya 49:13

Amwiimbe cakusangalala mwebo nomaculu! Olobesha cakukondwa awebo ocishi ca panshi. Ashinyumfwike nyimbo kuli ndimwe notulundu ceebo Mwaami Lesa woombulusha bantu bakwe alimwi alaakunyumfwila nkumbu abo batoopenshekwa.

Isaya 51:3

“Ndaakunyumfwila nkumbu ndabala ya Jelusalemu abaabo boonse bekala mumatongo a njiyo. Nakubi kwaamba ayi cishi ca njiyo nduyanga, ndaakucilengesha kuba anga muEdeni. Ncakwiila cilaakusandulwa kuba anga ngumuunda wa Mwaami Lesa. Bantu uko balaakunoosangalala akukondwa. Balaakunoolumba alimwi balaakunokwiimba.

Isaya 54:7

“Ee, kwaciindi ciniini ndakalinga ndamusuula, sombi ndaakumuboosha ankuumbu shiinji abuumbi.

Isaya 54:8

Kwaciindi ciniini ndakamufutatila ceebo ndakakalala. Sombi ndaakukutondesha lusuno lwangu kwamuyayaya.” Mwaami Lesa Shikumulubula waamba.

Isaya 54:9

“Muciindi cakwe Nowa ndakashomesha ayi cishi ca panshi teshi nkacinyonyoolewo tubili amaanshi. Mbweeke ubo ndashomesha kutapulwitawo tubili bukali pali ndimwe. Teshi nkamukalalileewo nabi kumupa mulandu.

Isaya 60:10

Baswamashi mbweshi bakayakulule imumbu shako, ncakwiila bamaami babo balaakutalika kukusebensela. Nabi ndakakuuma ceebo ca bukali sombi mukusangalala ndaakukunyumfwila nkumbu.

Isaya 61:10

Ndasangalala cankusu muMwaami Lesa. Moyo wangu ulisangalete abuumbi muli Lesa. Ceebo wamfwalika lupulusho anga ncakufwala ca peculu akumfwalika bululami anga ngumungaanjo. Wamfwalikabo bweenka shibwiinga nabi mupailishi mbwaalibotesha kumutwi, nabibo shibwiinga mbwaalibotesha ashakulibotesha sha makwebo.

Isaya 64:5

Mulacafwa bantu abo basuni kucita shiluleme ee, kucafwa baabo beebaluka nshila shanu shibotu. Twakamukalasha sombi twakatolelela kubisha. Ndushinisho nakubi kwaamba ayi mwakakalala pali ndiswe kuswabo kale kale tatuna kucilekaawo kubisha.

Isaya 65:18

Amukondwe akusangalala kwalyoonse alyoonse pasheesho nsheshi nkaleenge, mukwiinga Jelusalemu ngweshi nkaleenge mulaakunoolibo kusangalala. Abalo bantu beshi bakanookalaamo balaakunooli bantu bakondetwe.

Isaya 66:13

Bweenka mwanakashi mbwaaumbulusha mwanaakwe mbweeke ubo anebo mbweshi nkamuumbulushe. Minsonshi yanu pandabala ya Jelusalemu ndaakwiimana.

Jelemiya 30:19

Lyalo bantu beshi bakekaleemo balaakunokwiimba nyimbo shakulumbaisha, akupanga ciyobeyobe cakusangalala. Ndaakubafusha cakwaamba ayi teshi bakaceyeewo, sobwe. Ndaakubalemeka cakutanyanshikwawo tubili.

Jelemiya 31:13

Bamyooye balaakushana akusangalala. Basankwa bacikula bwangu alimwi abamanene abalo balaakusangalala. Kulila kwabo ndaakukusandula kukabe kusangalala. Ndaakuboombulusha akubasangalasha mumusena wakubapa buumba.

Osiya 11:8

“Anu inga ndakukakilanshi Efuleemu? Anu inga ndakwaabilanshi Isilaeli? Sa inga ndakunyonyoola bweenka mbondakacita Adima? Anu inga ndacita buyani kuli ndiwe bweenka mbondakacita Seboimu? Moyo wangu tookoonshi kunsuminisha kucita boobo. Lusuno lwangu pali ndiwe ndunene abuumbi!

Osiya 6:1

Bantu batokwaamba ayi, “Atuboolele kuMwaami Lesa, watukwamoona mutupanshapansha, sombi ulaakutushilika alimwi. Ncakwiila watucisa, sombi ulaakwaanga nsalu pashilonda shesu alimwi.

Sekaliya 1:16

Paceebo ceeci nebo ndaboola kuJelusalemu mukubonesha nkumbu kundabala yangu. Ŋanda yangu ilaakuyakululwa pantu pomwi andabala yangu. Nebo neMwaami Lesa Shinkusu shoonse ndaamba.’ ”

Sekaliya 14:20

Pabushiku ubo, pamilangu ya maaki palaakulembwa ayi, “Cisalalite kuMwaami Lesa.” Ayalo mipika yakutelekelaamo muŊanda ya Mwaami Lesa ilaakuba anga nimbale shifongomene shisalalite shili kunembo lya cipaililo.

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Sekaliya 8:11

Sombi bulya nshitoocitila bantu bakacaalaawo ba mumushobo uyu bweenka mbondakacita kalekale. Nebo neMwaami Lesa Shinkusu ndaamba.

Sekaliya 8:19

“Kulikasha kulya uko kuba mumweenshi wane, wasanu, wasanu ayobilo amweenshi walikumi kulaakuba kusekelela kwakusangalala akukondwa kwa bene Juda. Paceebo ceeci amusune lushinisho aluumuno.”

Bene Loma 11:15

Ono Lesa ndyaakabakaka, wakalengesha ayi abantu bamwi boonse bamucishi babe beshicibusanyina. Mukwiinga na boonse bakatambulwe, cilaakubabo bweenka mbuli kubuka kuswa kubafu.