Isaya 11:9 - Baibo Busansulushi Bwa Libuku Ili

⁹ Ncakwiila paSiyoni kalundu kasalalite ka Mwaami Lesa, teshi pakabeewo cintu cikali alimwi teshi pakabeewo bubi. Mucishi ca panshi coonse bantu balaakunooswitebo lushibo lwa Mwaami Lesa, bweenka lweenge mboluswite maanshi.

Isaya 11:9 ပူးပေါင်းရင်းမြစ်များ

Jobo 5:23

Myuunda njeshi ukanoolima teshi ikabeewo amabwe alimwi banyama ba muluundu teshi bakakuluume.

Kulumbaisha 72:19

Alilumbaishikwe lyoonse alyoonse liina lyakwe lya bulemu. Bulemu bwakwe abumwaike akukwanabo cishi coonse. Ameni! Ameni!

Kulumbaisha 78:54

Wakabashisha kumanyinsa a cishi cakwe cisalalite. Wakabashisha kukalundu ako nkaakakoma mwiine.

Isaya 11:13

Munyono wa bene Efuleemu ulaakumana. Balwani ba bene Juda balaakunyonyoolwa. Bene Efuleemu teshi bakafwitewo munyono bene Juda, abalo bene Juda teshi bakalwanewo bene Efuleemu.

Isaya 11:8

Kateta ulaakukonsha kusekanina pabulyango bwa fumbe, Mwanike ulaakukonsha kunjisha lyaansa kubulyango bwa mpili cakutalumwa.

Isaya 2:4

Mwaami Lesa ulaakoombolosha mishobo akumana nkondo pakati ka bantu baanji. Mipeeni yabo balaakunoifula ayi shibe shakulimisha, aalo masumo abo ayi abe shakukwesoosha shisamu. Taaku mushobo weshi ukapililike mipeeni kuya mukulwana umwi, nabi weshi ukanooya mukwiiya shankondo.

Isaya 30:26

Mweenshi ulaakubala anga ndisuba alyalo lisuba lilaakubala abuumbi akuba amumuni uli anga ngwa nshiku shosanwe ashobilo kuubika pantu pomwi. Ishi shoonse shilaakucitika Mwaami Lesa aakupombela tusani pashilonda sha bantu bakwe isho nshaakabacisa akushishilika.

Isaya 32:16

Koombolosha cakutanyengelela kulaakukumanabo cishi coonse. Ncakwiila bululami teshi bukashiye musena mucishi camboleshi ico.

Isaya 33:6

Ulalengesha mushobo wa bantu kutatenkaana. Ulatabilila bantu bakwe akubapa busongo alushibo. Buboni bwa shintu shoonse ishi inga babucanabo kwiinda mukumuloonda.

Isaya 35:9

Mumukwakwa uyo teshi mukabeewo nkalamu. Taaku banyama bamwi bakali baluma beshi bakeende nshila iyo. Sombi mukwakwa uyo ngwa baabobo bakalubulwa.

Isaya 45:6

Ndaakucita boobo kwaamba ayi boonse kuswa kweela cishi akweela cishi banshiibe ayi ndime Mwaami Lesa alimwi taaku lesa aumwi kulekabo ndime.

Isaya 49:6

Paceebo ceeco wakaŋambila ayi, “Ndicite mulimo unene ngoonsuni ayi webo ucite omusebenshi wangu. Teshi ukeelebo mukuboosha bulemu kubene Isilaeli abo bakacaalaawo. Sombi ndaakukubika ayi ube mumuni kubaswamashi bakunsengwe kwaamba ayi bantu boonse bakapulushikwe kwiinda muli ndiwe.”

Isaya 52:10

Mwaami Lesa ulaakusebensesha nkusu shakwe shisalalite pakupulusha bantu bakwe. Bantu boonse pacishi ca panshi balaakushibona.

Isaya 54:5

Mukwiinga uyo wakakulenga ulaakuba anga ngoibayo. Ee, Mwaami Lesa Shinkusu shoonse Usalalite wa bene Isilaeli alimwi Mupulushi wako. Lakwe ngoLesa wa cishi ca panshi coonse.

Isaya 56:7

Mwaami Lesa waamba ayi, “Ndaakumuleta kuSiyoni, pakalundu kangu kasalalite. Lyalo ndaakumulengesha kusangalala muŊanda yangu ya mipailo akutambula milambu yanu njeshi mukanoobenga pacipaililo cangu. Ceebo Ŋanda yangu ilaakunookwiitwa ayi ŋanda ya kupaililaamo ya mishobo yoonse.”

Isaya 59:19

Lyalo kuswa kumbo kushikila kwicwe, bantu boonse balaakunoolemeka Mwaami Lesa ceebo ulaakwisa cankusu anga ngumulonga wasefuka alimwi utooshindikwa acipuupu ca Mwaami Lesa.

Isaya 65:25

Muciindi ico baumpe balaakunoolyabo pantu pomwi ambelele. Inkalamu shilaakunoolya bwiisu anga niŋombe sombi yalo nsoka ilaakunoolya bulongo ono teshi shikanoolumaawo. Ncakwiila pakalundu kangu kasalalite teshi pakabewo ciluma nabi cinyonyoola.” Mwaami Lesa waamba.

Isaya 66:18

Miyeeyo yabo alimwi amicito yabo ndiishi. Ono ntoosa mukubunganya bantu ba mumishobo yoonse. Lyalo baakubungana, balaakubona shikonsha kucita nkusu shangu

Isaya 66:20

“Balaakuleta bene mishaanu boonse bali mushishi shoonse kukalundu kangu kasalalite muJelusalemu ayi ncipo kuli ndime neMwaami Lesa. Balaakwisa kabatantite pamaaki, shifubwa shili anga nimbongolo, ngamela, mushikoci alimwi amumaŋoola. Bweenka bene Isilaeli mbobaleta shipo sha shili anga ngamaila kuŊanda yangu mushakunyamwitaamo shisalalite kweelana aMilawo, mbweeke ubo abalo mbweshi bakaletwe.

Jelemiya 31:23

Mwaami Lesa Shinkusu shoonse, Lesa wa bene Isilaeli waamba ayi, “Ndaakumana kubaboosha kuswa mubusha, bantu ba mucishi ca Juda amumandabala a njiyo balaakutalika alimwi kusebensesha maswi akwaamba ayi, ‘Mwaami Lesa aakupe coolwe, webo Omusena ululeme wa Jelusalemu. Aape coolwe kuli ndiwe Okalundu kasalalite.’

Jelemiya 31:34

Taaku eshi akanokwiisha mubye nabi kwiisha mukwabo ayi eshibe ndime neMwaami Lesa mukwiinga boonse balaakushiba, kuswa kumuniini kushika akumunene. Ndaakulekelela bubi bwabo alimwi shibiibi shabo teshi nkashiibalukeewo. Nebo neMwaami Lesa ndaamba.”

Esekelo 34:25

Kuswawaawo ndaakupanga cipangano ca luumuno a nshisho akukusha banyama ba muluundu mucishi kwaamba ayi shikekale muluyanga nabi mumusaansa kwakubula cakulisukama.

Esekelo 47:5

Wakapima aumwi mushinso wa mamita ali 500 apo maanshi mpaakalinga alaamfu cakwaamba ayi ndakaalilwa kusubukilawo. Apo kalonga kakalinga kalaamfu cakutasubukilawo kooenda, sombibo kusamba njabwe.

Danyelo 11:45

Ulaakuyaka amatente akwe a bwaami pakalundu apo pali Ŋanda yakwe Lesa. Sombi ulaakufwa kwakubula nabi womwi uko umucafwa.”

Danyelo 12:4

Kuswawaawo wakandwiita ayi, “Ono webo Danyelo cala libuku ili akalamatila wakeshibilo kushikila kumeelelesho aciindi. Baanji balaakuya uku akooku kuya mukufusha busongo.”

Osiya 2:18

Pabushiku ubo ndaakupanga cipangano abanyama bamuluundu, bayuni alimwi atulongolo toonse kwaamba ayi batakacisi tubili bantu bangu. Ndaakumanisha mata amipeeni, ee, kumanisha nkondo mucishi canu coonse. Ncakwiila ndaakulengesha bantu bangu kwikala muluumuno alimwi kwakubula cakulisukama.

Jowelo 3:17

Mwaami Lesa waamba ayi, “Ono nobene Isilaeli mulaakwishiba ayi ndimebo Mwaami Lesa, Lesa wanu. Ndekala paKalundu kasalalite ka Siyoni. Ndabala ya Jelusalemu ilaakuba ndabala isalalite. Baswamashi teshi bakeekomeewo, sobwe.

Abakuku 2:14

Sombi mucishi ca panshi coonse bantu balaakunooswitebo lushibo lwa bulemu bwa Mwaami Lesa bweenka lweenge mboluswite maanshi.

Sekaliya 14:9

Lyalo Mwaami Lesa ulaakuba mwaami wa cishi coonse ca panshi. Pabushiku ubo kulaakuba Mwaami Lesa womwibo ndondoli. Nkokwaamba ayi bantu boonse balaakulambilabo liina lyakwe lyeenka.

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”

1 Bene Tesalonika 5:15

Mutasuminishi bantu kuboosha cibiibi kucibiibi, sombi mushiindi shoonse amweeleshe cankusu kucafwa babyaanu abantu bamwi boonse.

Ciyubululo 21:27

Sombi mundabala inene iyo teshi mukenjile cintu citasalalite nabi comwi, nabi bantu boonse bacita shintu shilensha nsoni nabi babeshi. Mulaakwinjilabo baabo bacite meena alembetwe mulibuku lya buumi lya Mwanaambelele.