Isaya 11:14 - Baibo Busansulushi Bwa Libuku Ili

¹⁴ Sombi balaakunyumfwana akucatana pomwi kuya mukulwana bene Filisiti kumbo. Balaakusaala shishi sha kwicwe. Balaakukoma bene Edomu abene Moabu. Abalo bene Amoni balaakuba mumaansaabo.

Isaya 11:14 ပူးပေါင်းရင်းမြစ်များ

Isaya 14:29

Mutasangalali mwebo nobene Filisiti kwaamba ayi Asilya, iyo nkoli ya bweendeleshi yalinga kumuuma yatyoka. Ceebo kuswa kumushobo wa nsoka ilya, kulaakuswa mpili. Mumpili mulaakuswa cifukufuku ucite busoka bucaya.

Isaya 15:1

Aya ngamaswi aamba pacishi ca Moabu. Ndabala ya Ali aya Kili anyonyoolwa mubushiku bomwibo, cishi ca Moabu cawa!

Isaya 16:14

Ono bulya Mwaami Lesa waamba ayi, “Na peendebo myaaka yotatwe ikwene, bulemu bwa cishi ca Moabu bulaakumana. Abalo bantu beshi bakapuluke mbakubalabo, nakubi boobo abalo balaakunoomanite cakuwabo akumuuwo.”

Isaya 25:10

Mwaami Lesa ulaakufuna Kalundu ka Siyoni, sombi bene Moabu ulaakubalyatoola bweenka bucitwa bwiisu mumboleshi.

Isaya 33:1

Mapensho kuli ndiwe oshikunyonyoola, ee, webo nootana kunyonyoolwaawo. Mapensho kuli ndiwe oshikwaaba bantu ee, webo nootana kwaabwaawo. Waakucileka kunyonyoola, ulaakunyonyoolwa. Waakucileka kwaaba bantu, ulaakwaabwa.

Isaya 59:19

Lyalo kuswa kumbo kushikila kwicwe, bantu boonse balaakunoolemeka Mwaami Lesa ceebo ulaakwisa cankusu anga ngumulonga wasefuka alimwi utooshindikwa acipuupu ca Mwaami Lesa.

Isaya 60:14

Ncakwiila baana basankwa ba baabo bakalinga kukulyatilila balaakunoosa mukufukama kunembo lyako. Boonse abo bakusebaanya balaakwisa mukufukama muliimfwa lyako alimwi balaakunookwiita ayi, ‘Ndabala inene ya Mwaami Lesa Siyoni, ndabala ya Usalalite wa bene Isilaeli.’

Isaya 63:1

Anu ngani uyu utooswa kuEdomu ee, utooswa muBosila ashakufwala shisalala? Anu ngani uyu ufwete shakufwala shabulemu utoosa citankaila munkusu shakwe shinene? “Ndime nentokwaamba mubululami ee, nebo neencite nkusu shakupulusha.”

Isaya 9:12

Kwicwe bene Silya akumbo bene Filisiti, boonse bakalakama kwaamba ayi bamine bene Isilaeli. Nakubi boobo bukali bwakwe teshi bukamaane, sombi lyaansa lyakwe lilaakunoocitandabete mukubapa mulandu.

Jelemiya 40:11

Ono baJuda abo bakalinga kuMoabu, Amoni, Edomu amushishi shimwi shoonse, bakanyumfwa kwaamba ayi mwaami wa kuBabiloni wasuminisha baJuda bamwi kucaala mucishi ca Juda akusala Gedaliya kuba mweendeleshi wabo.

Jelemiya 48:40

Mwaami Lesa waamba ayi, “Amubone! Mushobo umwi ulaakufupula Moabu anga ngumumbankwashi ufungulwite mapapaminwa akwe pacishi ico.

Jelemiya 49:2

Sombi ciindi cilaakushikila ndyeshi nkalishe lupeenga lwa nkondo kulwana Laba ndabala inene ya bene Amoni. Ndabala iyo ilaakuba matongo amandabala aishingulukite alaakutentwa. Kuswawaawo bene Isilaeli balaakutandaamo baabo bakalinga babatandaamo. Nebo neMwaami Lesa ndaamba.

Jelemiya 49:22

Amubone! Balwani babo balaakufupula Bosila anga ngumumbankwashi ufungulwite mapapaminwa akwe pacishi ico. Bushiku ubo myoyo ya bashilumamba bene Moabu ilaakubabo anga ngumoyo wa mwanakashi uli pankata.”

Jelemiya 49:28

Pamukowa wakwe Keda ashipansha sha cishi cakalinga kweendeleshekwa aAsoli, isho Nebukadinesa mwaami wa bene Babiloni nshaakalwana, Mwaami Lesa utokwaamba ayi, “Amunyamuke, mulwane mukowa wakwe Keda akunyonyoola bantu bakwicwe.

Esekelo 25:14

Ndaakuboosha cishole kucishi ca Edomu kwiinda mubantu bangu bene Isilaeli. Balaakucita bene Edomu kweelana abukali bwangu buyoosha. Lyalo bene Edomu balaakwishiba mbocibete kubooshelwa cishole kuli ndime. Nebo neMwaami Lesa Shinkusu shoonse ndaamba.’ ”

Danyelo 11:41

Ulaakulwana acishi cakashomeshekwa akucaya shuulu ashuulu sha bantu, sombi bene Edomu, bene Moabu abamatanjilili bakacaala muAmoni balaakufunwa kuswa mumaansaakwe.

Jowelo 3:19

“Cishi ca Ijipiti cilaakuba luyanga. Acalo cishi ca Edomu cilaakuba luyanga umo mutekaali bantu mukwiinga mishobo iyo yakalwana cishi ca Juda akucaya bantu ba ncico batacite mulandu.

Amosi 9:12

Munshila iyo bene Isilaeli balaakukoma baabo beshi bakacaaleewo pabene Edomu alimwi amishobo imwi yoonse yakalinga yangu. Nebo neMwaami Lesa ndaamba alimwi ici ndaakucicita cancinencine.”

Abakuku 1:8

“Maaki abo alacica kwiinda bashiluwe alimwi ngakali kwiinda baumpe macolesha. Maaki abo ankondo alatambala abuumbi. 0 Beshimaaki balaswa kulaale Balesabo anga ngamakubi atookuluka kwaamba ayi afupule nyama.

Sefaniya 2:5

Mapensho kuli ndimwe nobene Filisiti, mwebo nomwikala mulombe lwa lweenge. Maswi a Mwaami Lesa atokwaamba pamapensho ako webo ocishi ca Kenani ca bene Filisiti. Maswi ayo aamba ayi, “Ndaakukunyonyoola alimwi taaku eshi akacaaleewo.”

Sefaniya 2:7

Cishi ico cilaakuba ca bene Juda abo beshi bakacaaleewo. Balaakunoocana mafulo a mbelele shabo uko. Macolesha na kwashiya balaakunokoona mumaanda a ndabala ya Ashikeloni. Mwaami Lesa, Lesa wabo ulaakunoobalama akubalengesha kuswitilila alimwi.

Sefaniya 2:9

Bweenka mbocibete lushinisho ayi Nebo neMwaami Lesa Shinkusu shoonse, Lesa wa bene Isilaeli ndi muumi, ntooshomesha cakulumbila ayi bene Moabu balaakuba anga mbene Sodoma abalo bene Amoni balaakuba anga mbene Gomola. Shishi shabo shilaakuba musena wa nsaku alimwi ashikanda sha mwiinyo, ee, shilaakuba shishi umo mutekaali bantu kwalyoonse alyoonse. Bantu bangu beshi bakacaaleewo, balaakusaala akubwesa shishi shabo.”

Shakubelenga 24:17

Ndamubona, sombi teshi onoono, ndamubona, sombi teshi pafwaafwi. Nyenyeenshi ilaakuswa mubamulunyungu lwakwe Jakobo, nkokwaamba ayi mwaami ulaakuswa mubene Isilaeli. Ulaakukoma bamatanjilili ba bene Moabu akunyonyoola bene Seti boonse cakumaninina.

Mateyo 8:11

Ntoomulwiita ayi bantu baanji balaakuswa kwicwe akumbo kwisa mukulya pantu pomwi aAbulaamu, Isaki alimwi aJakobo muBweene bwa kwiculu.

Boomboloshi 6:3

Ono bene Isilaeli na bashangabo shishango shabo, bene Midyani, bene Amaleki alimwi abantu bakwicwe bakalinga kwisa mukubalwana.