Isaya 11:11 - Baibo Busansulushi Bwa Libuku Ili

¹¹ Mubushiku ubo Mwaami Lesa ulaakuyobolola bantu bakwe boonse beshi bakacaaleewo kuswa muAsilya, Ijipiti, Patilosi, Kushi, Elamu, Babiloniya, Amati amuloombe lwa lweenge.

Isaya 11:11 ပူးပေါင်းရင်းမြစ်များ

Matalikilo 10:10

Pakutaanguna buleelo bwakwe bwakalinga kusenkanya Babiloni, Eleki, alimwi aAkadi, shoonse shotatwe kashili muBabiloniya.

Matalikilo 10:22

Bana bakwe Shemu basankwa bakalinga Elamu, Ashuwa, Apakishadi, Ludi alimwi aAlamu.

Matalikilo 11:2

Ono mukweendaanaendaana kwicwe bakashika kucinyika ca Babiloniya akwikala kweenka uko.

Matalikilo 14:1

Paciindi ici Amulafelo mwaami wa cishi ca Babiloniya, Alioki mwaami wa Elasa, Cedalaoma mwaami wa Elamu, aTidali mwaami wa Goiimu,

Matalikilo 2:13

Wabili uleetwa ayi Gioni alimwi ulakunka kushinguluka cishi coonse ca Kushi.

2 Baami 17:24

Mwaami wa bene Asilya wakabwesa bantu kuswa mundabala ya Babiloni, Kuta, Afa, Amati alimwi aya Sefafaimu akuya mukubabika mumandabala a mucishi ca Samaliya, kwaamba ayi baboolele pamusena wa bene Isilaeli. Lyalo bakabwesa mandabala ayo akwikalaamo.

Esita 10:1

Mpeeke mwaami Sakisesi wakalengesha bantu boonse bekala mubwaami bwakwe ayi batalike kulipila misonko, nkokwaamba ayi abo bekala mumisena ili kweela lweenge alimwi abekala mukati mucishi.

Kulumbaisha 68:22

Mwaami Lesa wakaamba ayi, “Ndaakubaboosha kuswa kuBashani, Ndaakubaboosha kuswa panshi palweenge

Isaya 1:9

Mwaami Lesa naatakwe kuleka bantu bamwi ayi bapuluke, naakwiinga Jelusalemu cino ciindi ulinyonyookete cakumaninina bweenka mbuli Sodoma aGomola.

Isaya 10:20

Pabushiku ubo bene Isilaeli beshi bakacaaleewo, nkokwaamba ayi bamulunyungu lwakwe Jakobo beshi bakanoocili boomi, teshi bakanoocicinkite manungo muwooyo wakabakoma. Sombi balaakucinka manungo muMwaami Lesa Usalalite wa bene Isilaeli.

Isaya 10:9

Ndakakoma ndabala ya Kalino aya Kakemishi. Ndakakoma ndabala ya Amati aya Alipadi alimwi ndakakoma ndabala ya Samaliya aya Damasikasi.

Isaya 11:16

Kulaakuba mukwakwa unene wakwiindaamo bene Isilaeli abo beshi bakacaaleewo pakuswa muAsilya bweenka mbokwakaba mukwakwa unene ndibakalinga kuswa mucishi ca Ijipiti.

Isaya 19:21

Mwaami Lesa ulaakuliyubulula kubene Ijipiti. Balaakumutambula akutalika kumulambila. Balaakunoobenga milambu akuleta shipo kuli nguwe alimwi balaakunooshomesha cakulumbila kuli nguwe akucita kweelana ambweshi bakanooshomesha.

Isaya 19:22

Ee, Mwaami Lesa ulaakutuma mwaalu pabene Ijipiti. Baakwaana, ulaakubashilika. Balaakusandukila kuli nguwe alakwe ulaakukumbula kusenga kwabo akubashilika.

Isaya 21:2

Ndakabona shintu shiyoosha mucili anga nciloto. Shikwaaba babye, kaabaaba alakwe shikusaala, kaasaala. Nobene Elamu amulwane! Nobene Mediya amushinguluke mandabala! Ndaakumanisha mapensho oonse bene Babiloni ngobakalengesha ayi acitike.

Isaya 22:6

Bene Elamu bapakata shipokolo sha mifwi amata alimwi akutanta pamaaki amushikoci sha nkondo. Abalo bene Kili babamba mayawo abo.

Isaya 24:15

Aboobo mwebo nobakwicwe amulemeke Mwaami Lesa, Lesa wa bene Isilaeli. Amumulemeke amwebo nomuli pansumbu sha palweenge.

Isaya 37:31

Abo beshi bakacaaleewo mumukowa wakwe Juda, balaakuba anga nshishango shatola miyanda panshi peene akucata shisepo.

Isaya 42:10

Amwiimbile Mwaami Lesa lwiimbo lupya, Amumwiimbile nyimbo shakulumbaisha nomuli kweela lya cishi ca panshi. Amumulumbaishe nomweendela palweenge, amwebo noshilengwa sha mumo amumulumbaishe. Amumwiimbile nobamushishi sha muloombe lwa lweenge!

Isaya 42:12

Amulumbaishe Mwaami Lesa. Amwambilishe bulemu bwakwe nobamushishi sha muloombe lwa lweenge.

Isaya 42:4

Teshi akatonsheewo nabi kutyongola kushikila akalengeshe koombolosha cakutanyengelela kwikalilila pacishi ca panshi. Ncakwiila bamushishi sha muloombe lwa lweenge boonse batoolangila kwiisha kwakwe.”

Isaya 45:14

Ono Mwaami Lesa utokwaambila bene Isilaeli ayi, “Buboni bwa bene Ijipiti abene Kushi bulya bulaakuba bwaanu. Abalo basankwa balaamfu bene Seba balaakuba basha banu. Balaakunoosa cimukonkela pesule kabaangitwe ncetani. Balaakufukama kunembo lyanu akwaamba ayi, ‘Ncakwiila Lesa uli amwebo alimwi lakwebo eenka ngoLesa.

Isaya 49:12

Bantu bangu balaakuswa kumisena ili kulaale. Bamwi balaakuswa kumatwa, bamwi kumbo, bamwi balaakuswa kuAswani kumalenge.”

Isaya 66:19

alimwi balaakwishiba kwaamba ayi ndime mbapa milandu. “Sombi bamwi ndaakubashiyaawo akubatuma kumishobo imwi akumisena yakulaale uko nkobatana kunyumfwaawo kale mpuwo yangu nabi kubonawo kale nkusu shangu shinene. Nkokwaamba ayi kuTashishi, kuLibya, Lidiya cishi ico cicite basankwa bacibwene kulwana amata, kuTubali alimwi akuGilisi.

Jelemiya 25:25

bamaami boonse ba kuSimili, Elamu aMediya,

Jelemiya 31:10

“Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’

Jelemiya 44:1

Mwaami Lesa wakaŋambila nebo neJelemiya pabaJuda boonse bakalinga kwikala kuIjipiti mundabala inene ya Migidolu, Taapanesi aya Memfisi alimwi akucishi ca Patulosi.

Jelemiya 49:23

Mwaami Lesa utokwaamba pandabala ya Damasikasi ayi, “Bene Amati abene Apadi bapenshekwa mumyoyo yabo ceebo banyumfwa makani abiibi. Balityongookite akupenga mumyoyo yabo bweenka mbuli maanshi a mulweenge atoomunibo.

Esekelo 27:6

Bakabesa ntapwisho shako kuswa kushisamu sha mubanga wa kuBashani Shipinda shiilinkene sha mbubo bakashipangisha shisamu sha saipulesi alimwi shakaboteshekwa ameeca a nsofu.

Esekelo 29:14

Ndaakubakusha mubusha akubaboosha kucishi ca Patilosi, cishi ca bamashali babo bakulukulu. Uko balaakuya mukuba bulelo butacite nkusu,

Esekelo 30:14

Ndaakunyonyoola cishi ca Patilosi, ndaakukutenta ndabala ya Sowani. Ndaakupa mulandu ndabala inene ya Tebesi.

Esekelo 32:24

“Ilamu alakwe nkwaabete ashuumbwe sha bashilumamba bakwe shilishingulukite cuumbwe cakwe. Boonse abo bakacailwa munkondo. Boonse bakalinga kuloondesha bamwi mucishi ca boomi bakaya cakubula kupalulwa mumusena wa bafu. Bulya balifwite munsoni shabo beene.

Esekelo 38:8

Paakwiinda nshiku shiinji mulaakwiitwa kuya kunkondo. Mumyaaka itoosa mulaakuya mukulwana cishi ca bantu batokookesha kuswa kunkondo. Ico ncishi ca bantu bakabunganishikwa kuswa pakati ka mishobo iinji kuya kutulundu twa Isilaeli uto twatalinga kucite bantu kwaciindi cilaamfu. Bantu aba bakakushikwa pakati ka mishobo imwi, bulya boonse balishiite kwakubula cakulisukama.

Danyelo 1:2

Mwaami Lesa wakaaba Jeoiyakimu mwaami wa bene Juda mumaansaakwe Nebukadinesa pantu pomwi ashintu shimwi shamakwebo sha muŊanda yakwe Lesa. Shintu ishi wakashitola kuŋanda yakwe lesa wakwe kuBabiloni akushibika muŋanda yakusungilaamo buboni.

Danyelo 11:18

Pesule ulaakulwana mishobo ili muloombe lwa lweenge akukoma iinji pakati ka njiyo. Sombi mutanjilili wa bashilumamba muswamashi ulaakumukoma akumanisha kulisumpula kwakwe. Munshila iyo musebaanyo uyo ulaakuboola pamubili wakwe mwiine.

Danyelo 8:2

Mucili anga nciloto ico ndakalicana muSusa ndabala inene icite lilinga mucishi ca Elamu. Ndakalinga kwiimfwi muloombe lwa Mulonga wa Ulayi.

Osiya 1:11

Bene Juda abene Isilaeli balaakucatanishikwa pantu pomwi alimwi. Balaakulisalila mutanjilili womwi, lyalo balaakubwesa cishi cabo alimwi akutalika kuswitilila. Ncakwiila bushiku bwa Jesiliilu bulaakuba bunene abuumbi.

Osiya 11:10

“Nebo neMwaami Lesa ndaakubuluma anga ninkalamu abalo bana bangu balaakwisa kuswa kumbo kabesa citutuma.

Osiya 11:11

Balaakwisa kuswa kuIjipiti anga mbayuni kabesa citutuma. Balaakwisa kuswa kuAsilya anga nimpolobe. Ndaakubekalika mumaandaabo alimwi Nebo neMwaami Lesa ndaamba.”

Mika 7:12

Pabushiku ubo bene mishaanu balaakwisa kumbasu shoonse. Nkokwaamba ayi kuswa kuAsilya kwicwe, kuswa kucishi ca Ijipiti kumalenge, kuswa kucishi cili kufwaafwi aMulonga wa Yufuletisi, kuswa kweela lweenge kuya mukushika kulweenge lumwi, ee, akuswa kukalundu komwi kuya mukushika kukalundu kamwi.

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.

Sekaliya 5:11

Alakwe wakankumbula ayi, “Batooutola kuBabiloni uko nkweshi bakooyakile ŋanda. Ŋanda iyi yaakumana kuyakwa, mutaanga ulaakubikwa mumo ayi kabaya mukuulambila.”

Sekaliya 8:7

Mwaami Lesa Shinkusu shoonse waamba ayi, “Ndaakupulusha bantu bangu kuswa kushishi sha kwicwe asha kumbo.

Sekaliya 9:2

Mwaami Lesa ngoolanga apacishi ca Amati ico cibaana manyinsa acishi ca Adilaki. Meenso akwe alashika akubene Taya alimwi abene Sidoni nabi balicibwene kucita shintu shiinji.

Bene Loma 11:15

Ono Lesa ndyaakabakaka, wakalengesha ayi abantu bamwi boonse bamucishi babe beshicibusanyina. Mukwiinga na boonse bakatambulwe, cilaakubabo bweenka mbuli kubuka kuswa kubafu.

Bene Loma 11:26

Anu mboboobo Lesa mbweshi akapulushe bene Isilaeli boonse. Bweenka bwaamba Malembo akwe Lesa ayi, “Mupulushi ulaakuswa kuSiyoni, alimwi ulaakulekelela bubi boonse bwa bene Isilaeli.

2 Bene Kolinto 3:16

Sombi na muntu wasandukila kuMwaami, cisani ico cilakushikwa.

Dutolonomi 9:29

Nakubi boobo aba mbobantu mbomwakasala nobeene kuba baanu alimwi mbomwakakusha muIjipiti kwiinda munkusu shanu shinene.’