Isaya 10:29 - Baibo Busansulushi Bwa Libuku Ili

²⁹ Beenda kale pamwinjililo uli pakati ka tulundu tobilo akwaamba ayi baye bakoonene kuGeba! Bantu ba mundabala ya Lama baloonda abuumbi. Balo ba muGibiya, ndabala ya mwaami Saulo, bacica.

Isaya 10:29 ပူးပေါင်းရင်းမြစ်များ

1 Baami 15:23

Shintu shimwi shoonse shakacita Asa kubikaawo amicito yakubula boowa amandabala ayo ngaakayakila malinga, shililembetwe mulibuku lya buumi bwa bamaami ba bene Juda. Sombi kubucembele wakalemana myeendo kubulwashi bwa kushimpanta.

Jelemiya 31:15

Mwaami Lesa waamba ayi “Liswi lyanyumfwika muLama, kooloma kwa mibila. Lakelo utoolila bana bakwe wakaka akuumushikwa mukwiinga bafwa.”

Osiya 10:9

Mwaami Lesa waamba ayi, “Bene Isilaeli tabakwe kucilekaawo kubisha kuswa kuciindi ca Gibiya. Aboobo nkondo ilaakubapolela alimwi balaakukomwa kuGibiya kweenka uko.

Osiya 5:8

“Amulishe lupeenga lwa nkondo muGibiya. Ee, amulishe lupeenga lwa lwiica muLama Amucenjeshe bene Beti Afeni bacite ciyobeyobe ca nkondo. Amutanjile kunembo nobene Benjameni, tuye kunkondo.

Osiya 9:9

Mwebo nobantu mwakepila mushibiibi bweenka mbocakalinga kuGibiya. Ono Lesa ulaakwiibaluka bubi bwanu akumupa mulandu ceebo ca shibiibi shanu isho.

Joshuwa 21:17

Kuswa kucishi ca mukowa wakwe Benjameni bakabapa ndabala ya Gibyoni, Geba,

1 Samwelo 10:26

Saulo alakwe wakaboolela kuGibiya kumishaabo. Bantu bamwi beshinkusu abo Lesa mbwaakayungoola bakayaakwe.

1 Samwelo 11:4

Beshinkombe bakashika kuGibiya uko Saulo nkwaakalinga kwikala. Mpeeke ndibakashimika makani ayo, bantu boonse bakatalika kulila kubuumba.

1 Samwelo 13:16

Saulo aJonasani mwanaakwe alimwi abashilumamba babo bakayaka misumba yabo kuGeba mucishi cakwe Benjameni. Sombi misumba yabene Filisiti yakalinga kuMikimashi.

1 Samwelo 13:2

Saulo wakasala basankwa bene Isilaeli shuulu shotatwe. Bali shuulu shobilo wakalingaabo muMikimashi amucishi ca tulundu ca Betelo. Bali cuulu wakabatuma amwanaakwe musankwa Jonasani kuGibiya mucishi ca mukowa wakwe Benjameni. Basankwa bamwi boonse Saulo wakabaambila ayi bayebo mwabo mwabo.

1 Samwelo 13:23

Bene Filisiti bakatuma bashilumamba kuya mukushinkila mwinjililo ushaankene wa Mikimashi.

1 Samwelo 14:2

Saulo lakwe ico ciindi wakalinga kwikala munshaacisamu ca mapomegilaneti kuMigiloni, pafwaafwibo akuGibiya. Wakalinga abashilumamba bakwe abo bakalinga myaanda yosanwe awomwi.

1 Samwelo 14:4

Mumwinjililo ushaankene wa Mikimashi umo Jonasani mwakaya ayi ainde kuya kumisumba ya bene Filisiti, wakalinga kucite myaandami yobilo. Kwakalinga womwi kulubasu lumwi lwa mwinjililo aumwi kumwi. Umwi wakalinga kwiitwa ayi Bosesi, awalo umwi ayi Sene.

1 Samwelo 14:5

Womwi wakalinga kulubasu lwa kumatwa a mwinjililo, nkokwaamba ayi kaulangite kuMikimashi, umwi kumalenge, nkokwaamba ayi kaulangite kuGeba.

1 Samwelo 15:34

Lyalo Samwelo wakanyamuka kuya kuLama, sombi Saulo wakaya kuŋanda yakwe muGibiya.

1 Samwelo 7:17

Lyalo ndyaakalinga kuya kumishaabo kuLama, uko akwalo nkwaakalinga kucite mulimo wa boomboloshi. Mwalo muLama wakayaka acipaililo mukulemeka Mwaami Lesa.