Isaya 10:27 - Baibo Busansulushi Bwa Libuku Ili

²⁷ Pabushiku ubo ndaakumwaangulula kuswa munkusu sha bene Asilya akutyoloola lijoko lya bweendeleshi bwabo lili pashifushi shanu.”

Isaya 10:27 ပူးပေါင်းရင်းမြစ်များ

2 Samwelo 1:21

“Ee, patulundu twa Gilubowa, apakabule kulokelaawo mume nabi mfula, apakabule myuunda kweenga kwaswa cipo ca shili anga ngamaila. Ceebo mayawo a basankwa beene beene mpwaaselenkene apo. Mbulya ono liyawo lyakwe Saulo talitoonanikwa amafuta.

Kulumbaisha 105:15

Wakalinga kubaambila ayi, “Mutaciisi bantu bangu mbondakasala, Muteeleshi kucata balaluki bangu.”

Kulumbaisha 132:10

NoBaami baLesa ceebo cakushomesha kwanu kuli Defedi musebenshi wanu, mutakaki mwaami uyo ngomwakasala kwiinda mukumunanika mafuta.

Kulumbaisha 2:6

Ulaamba ayi, “Ndabika mwaami wangu paKalundu kangu kasalalite ka Siyoni.”

Kulumbaisha 20:6

Ee, ono ndeshiiba kwaamba ayi Mwaami Lesa ulalengesha mwaami ngwaakasala kukoma. Ncakwiila ulakumbula kusenga kwa mwaami wesu kuswa kwiculu lyakwe lisalalite. Ulakumbula ankusu shakwe shiindaawo shakupulusha.

Kulumbaisha 45:7

Mwebo ncemusunibo mbululami, sombi bubi mulibupatite. Nceceeco Lesa, Lesa wanu ncaakamusalila, akumupa kusangalala kwiindaawo, pabamaami bamwi boonse.

Kulumbaisha 81:6

“Ndime ndamutula mikuli kuswa pashifushi shanu. Maansaanu ndakaakusha kumitaanga ya ncelwa.

Kulumbaisha 84:9

Amubone liyawo lyesu, nobaLesa. Amunyumfwile nkumbu uyo ngomwakasala kuba mwaami!

Isaya 14:25

Bene Asilya ndaakubanyonyoola mucishi cangu. Ndaakubalyatoola peculu lya tulundu twangu. Lijoko lya bweendeleshi bwa cishi ca Asilya ndaakulikushaawo pabantu bangu. Ndaakubatula mukuli uyo kuswa pashifushi shabo.

Isaya 30:23

Kulilabo na mwashanga mbuto shanu Mwaami Lesa ulaakumuloshesha mfula kwaamba ayi shikule kabotu akucata bunene. Ashalo shifubwa shanu shilaakuba amweemfu uunji.

Isaya 37:35

Ndaakutabilila ndabala inene ino akwiipulusha, ceebo ca bulemu bwangu acakwe Defedi musebenshi wangu.’ ”

Isaya 52:2

Amulipaampe lusuko nobene Jelusalemu, munyamuke akuya mukwikala pacuuna ca bwaami! Amwaangulule ncetani nshemwaangitwe nobene Siyoni nomuli mubusha!

Isaya 55:2

Ceebonshi mulasebensesha maali pashintu shiteshi cakulya? Ceebonshi mulasebensela cintu ceenga tacimukutishiiwo? Amukutike, ee, amukutike kuli ndime mulye shibotu. Ncakwiila amukutike mulisangalashe ashakulya shibotu.

Isaya 9:4

Ncakwiila mwebo mwatyoloola lijoko ilyo lyalinga kubalemena. Mwatyoloola ankooli yalinga kubooma pashifushi. Ee, mushobo wa bantu walinga kulyatilila bantu banu mookoma, bweenka mbomwakakoma bene Midyani kale kale.

Jelemiya 30:8

Mwaami Lesa Shinkusu shoonse waamba ayi, “Pabushiku ubo ndaakutyola lijoko ndyebaangitwe munshingo akusutoola ntaambo nshebaangitwe. Baswamashi teshi bakabacatewo tubili busha.

Esekelo 30:18

MuTapanesi mulaakuboolabo mbi ndaakunyaya nkusu cishi ca Ijipiti, akumanisha nkusu nshebakalinga kulisumpwitaawo. Cilaakufweekeleshekwa amakumbi, abalo bamumishi ya ncico balaakutolwa mubusha.

Bene Lefi 7:35

Ici ncecipansha ca mulambu wa shakulya ubengwa kuMwaami Lesa alimwi akupekwa kuli Aloni alimwi abana bakwe basankwa pabushiku ubo ndibakabikwa pabupailishi.

Luka 4:18

“Mushimu wa Mwaami Lesa uli pali ndime, mukwiinga wansala kwaamba ayi nshimikile Makani Abotu kubakandu. Wantuma kwaamba ayi ŋambilishe lwaanguluko kubaabo baangitwe akucita kwaamba ayi boofu balashe akulubula baabo bapenshekwa.

Joni 1:41

Cintu citaanshi ncaakacita Andulu, nkubona Simoni akumwaambila ayi, “Twamucana Klistu.” (Ili liina lilaamba ayi “Usalitwe wakwe Lesa.”)

Milimo ya Batumwi 4:27

Ndushinisho Elodi aPontyasi Pilato bakabungana mundabala inene ino, pantu pomwi abaswamashi bakunsengwe alimwi abene Isilaeli, ayi babukile Jesu, Musebenshi wanu usalalite, uyo ngomwakalengesha ayi abe Usalitwe wanu.

1 Joni 2:20

Sombi mwebo Klistu wakamupa Mushimu Usalashi, aboobo mulishi shalushinisho shoonse.

1 Joni 2:27

Sombi mwebo, Klistu wakamupa Mushimu Usalashi ukala muli ndimwe. Aboobo takuyandiki aumwi mufundishi mukwiinga Mushimu Usalashi ngomwakatambula ulamwiisha shoonse alimwi nshaamwiisha nshalushinisho, teshi shabubeshi. Paceebo ceeco, kweelana ambwaakamwiisha, amukalilile muli Klistu.