Isaya 10:17 - Baibo Busansulushi Bwa Libuku Ili

¹⁷ Lesa, ee, Mumuni wa bene Isilaeli ulaakuba mulilo. Ncakwiila Usalalite wa bene Isilaeli ulaakuba kubilima kwa mulilo uko kukonsha kutenta shoonse mubushiku bomwibo. Kutenta nabi myuumfwa ashisonsoonya.

Isaya 10:17 ပူးပေါင်းရင်းမြစ်များ

Kulumbaisha 18:8

Mumashono akwe mwakalinga kunoosuntabo bwiishi. Amwalo mukanwa lyakwe kamunyakabo mulilo, mulilo uyo ukali anga ngwa makalangasha.

Kulumbaisha 21:9

Bushiku mbweshi mukaboneke mulaakubawaala mumulilo uli anga ngwa mumunyumbi. Mwaami Lesa ulaakubamana katyenke mubukali bwakwe. Ncakwiila mulilo wakwe ulaakumana kubalobya.

Kulumbaisha 27:1

Mwaami Lesa ngomumuni alimwi ngoompulusha, taaku muntu nabi womwi ngoonoonda. Mwaami Lesa ndyelilinga lya buumi bwangu, taaku muntu nabi womwi ngoonoonda,

Kulumbaisha 50:3

Lesa wesu utoosa, sombi kuteshi buumwite. Mulilo ubilima, ukali, ulibo muliimfwa lyakwe. Acalo cipuupu ciyoosha cilimushingulukite.

Kulumbaisha 84:11

NoBaami baLesa muli anga ndisuba alimwi anga ndiyawo lyesu. Mulatupa coolwe mukutunyumfwila nkumbu akutupa bulemu. Mwebo tamukaki kupa shintu shibotu kubaabo bacita shiluleme.

Kulumbaisha 97:3

Mulilo uleendela kunembo lyakwe. Ulaya citenta balwani bakwe mumbasu shoonse.

Isaya 26:11

NoBaami baLesa lyaansa lyanu lilitambikitwe, sombi balo tabalibooni. Amubaboneshe lusuno lwanu pabantu banu, bafwe nsoni. Mulilo wanu ngomwakabambila balwani banu aubateente cakubalobya.

Isaya 27:4

Nebo nshikalaliteewo pamuunda uyo alimwi nimwalinga myuumfwa ashisonsoonya shitoonshinkilisha, naakwiinga ndeelwana akeembe kangu akwiitenta cakumaninina.

Isaya 27:7

Mwaami Lesa taakwe kupawo bene Isilaeli mulandu weelene awa balwani babo, nabi kufwitwa mweelo wa basankwa weelene awaabo.

Isaya 30:33

Musena wakutentelaako shintu wakabambwabo kale kale. Uko kweenka nkweshi kukabe mulilo wakutentelaamo mwaami wa bene Asilya. Cilindi ca mulilo uyo cakalongola alimwi ncinene. Cilindi ico cilicite nkuni shiinji abuumbi. Ono kuyoya kwa Mwaami Lesa, uko kuli anga ngumulilo wa salufa, nkweshi kukakumike mulilo pankuni isho.

Isaya 31:1

Maawe kuli baabo baya kucishi ca Ijipiti kwaamba ayi bacafwikwe, abo bacinkite manungo mumaaki, kufula kwa shikoci shabo ankusu shiinji isho shicite bantu babo beshikulwanina pamaaki. Maawe kubaabo bataciinki manungo muMwaami Lesa, Lesa Usalalite wa bene Isilaeli, nabi kusenga lucafwo kuli nguwe.

Isaya 31:9

Ciyubilo cabo cilaakuwa ceebo ca boowa. Nkondo yaakukalala bamatanjilili babo ba bashilumamba balaakucica.” Mwaami Lesa uyo ucite mulilo muSiyoni, ee, ucite ciiko muJelusalemu waamba.

Isaya 33:12

Bantu balaakupya anga ngamalasha asekesa, ee, cakubabo anga njimyuumfwa yalokota kuba milota.”

Isaya 33:14

Bamucita shibi muSiyoni baloonda, ee, batalemeki Lesa batootutumabo kuboowa. Batokwaamba ayi, “Anu ngani pakati kesu weenga wapuluka mumulilo ulya unyonyoola? Anu ngani pakati kesu weenga kaacili muumi mumulilo utamaani?”

Isaya 37:23

Ngani ngowalinga kutukana akucobola? Ngani ngootookalookila akusaamuna meenso cakulisumpula? Sa te ngooyo Usalalite wa bene Isilaeli?

Isaya 37:36

Lyalo munjelo wa Mwaami Lesa wakaya kumisumba ya bene Asilya akucaya bashilumamba bali 185,000. Kumuyamaca bantu ndibakabuka bakacanabo mituntu apa apapalya!

Isaya 47:14

“Bantu abo balaakubabo anga mbwiisu butyolookite. Aboobo mulilo ulaakubamana kubatenta. Tabakoonshi akulipulusha kuswa mumulilo utoonyaka. Ncakwiila tabakoonshi kulipulusha kuswa kunkusu sha mulilo. Makalangasha a nguwo teshi akulikasaasha, ee, teshi mulilo wakuya mukwikala pafwaafwi ayi uyote.

Isaya 60:19

“Lisuba lilaakucileka kuba ngomumuni wako malumwi, nabi mweenshi kukupa mumuni mashiku, ceebo nebo neMwaami Lesa ndimeshi nkabe mumuni wako kwalyoonse alyoonse. Nebo neLesa wako neenka ndaakuba bulemu bwako.

Isaya 66:24

“Balaakunyamuka akuya mukubona mituntu ya baabo bakaashukila ndime neMwaami Lesa. Ncakwiila mapila eshi akanoolya mituntu yabo teshi akafweewo awalo mulilo weshi ukabateente teshi ukashimishikweewo. Balaakunoolensha bunya kubantu boonse beenga babalanga.”

Isaya 9:18

Bubi bulanyaka anga ngumulilo, ee, mulilo ukonsha kutenta myuumfwa ashisonsoonya. Ncakwiila bulanyaka anga ngumulilo uli muluundu lunene, ee, mulilo usukumya bwiishi buunji.

Jelemiya 4:4

Amushomeke kucipangano ncendakapanga amwebo nebo neMwaami Lesa. Nobene Juda abene Jelusalemu, amwaabe myoyo yanu kuli ndime. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Ndushinisho bulaakunyaka cakubula aubushimya.

Jelemiya 7:20

Paceebo ceeco nebo neMwaami Lesa Shinkusu shoonse ndaakutila bukali bwangu buyoosha paŊanda yangu ino. Ndaakubutilila pabantu, pabanyama pashisamu alimwi apashishango. Bukali bwangu bulaakuba anga ngumulilo uyo muntu ngwaatakoonshi kushimya.

Naamu 1:10

Balaakucatwa mumyuumfwa akukolwa waini wabo. Balaakutentwabo anga mbwiisu buyumu.

Sefaniya 1:18

Silifa nabi golodi wabo teshi shikabafuneewo pabushiku ubo Mwaami Lesa ndyeshi akatondeshe bukali bwakwe. Mubukali bwakwe butenta anga ngumulilo cishi ca panshi cilaakunyonyoolwa coonse. Ulaakucinyonyoola cakufwambaana abantu boonse bekalaamo.

Sekaliya 12:6

“Pabushiku ubo ndaakulengesha bamatanjilili ba bene Juda kuba anga nimbabula yabikwa pamulwi wa nkuni. Ee, kubabo anga ncimunimweenge cabikwa pamile ya bwiisu. Nkokwaamba ayi balaakunyonyoola mishobo yoonse ibashingulukite. Sombi balo bene Jelusalemu balaakunooshiitebo kwakubula cakulisukama mundabala yabo.

Shakubelenga 16:35

Paciindi ico, Mwaami Lesa wakatuma mulilo uyo wakabilima akutenta bali 250 abo bakalinga kupa cipo ca tununkila kabotu pakutenta.

Mateyo 3:12

Lakwe ulicite kale acakuululushishako maila. Ulaakululusha maila akwe akwaalongela mubutala. Lyalo ulaakutenta buungu boonse mumulilo utashimiki.”

Dutolonomi 4:24

Mukwiinga Mwaami Lesa, Lesa wanu ngumukali anga ngumulilo utoobilima. Ngushibusuba kubaabo balambila balesa bamwi.

Bene Ebulu 12:29

Mukwiinga Lesa wesu ncakwiila ngumulilo unyonyoola.

Ciyubululo 21:23

Mundabala inene momunya umo tamuyandiki lisuba nabi mweenshi kwaamba ayi shimunikileemo ceebo bulemu bwakwe Lesa mbobumunikaamo alimwi Mwanaambelele njelampi ya mumo.

Ciyubululo 22:5

Teshi kukanooshiyaawo. Bantu teshi bakanooyanda malampi nabi mumuni wa lisuba mukwiinga Mwaami Lesa ngweshi akabe mumuni wabo alimwi abalo balaakunokweendelesha lyoonse alyoonse.