Isaya 10:15 - Baibo Busansulushi Bwa Libuku Ili

¹⁵ Sombi Mwaami Lesa waamba ayi, “Ono sa keembe inga keenda wooyo ukasebensesha? Sa cakutimbusha mapulanga inga calisumpula kuwooyo ucisebensesha? Sa mpimfwa njeenyamuna muntu na ngumuntu unyamuna mpimfwa?”

Isaya 10:15 ပူးပေါင်းရင်းမြစ်များ

Isaya 10:5

Mwaami Lesa waamba ayi, “Mapensho kuli ndiwe Asilya! Ee, ndiwe nsebensesha anga nimpimfwa ya kuumisha baabo bankalasha.

Isaya 29:16

Mulasandamuna shintu shoonse, mwebo mulayeeya ayi shikubumba ulyeelenebo ashintu nshaabumba. Ono sa cakabumbwa inga caambila wakacibumba ayi, “Teshi ngowakamumba?” Nabi na nongo inga yaambila shikubumba ayi, “Toocishi ncootoocita?”

Isaya 37:23

Ngani ngowalinga kutukana akucobola? Ngani ngootookalookila akusaamuna meenso cakulisumpula? Sa te ngooyo Usalalite wa bene Isilaeli?

Isaya 45:9

Mapensho kumuntu upikishanya awooyo wakamubumba ceebo lakwe ulibo anga cikaye ca nongo pakati ka shimwi shoonse. Ono sa bulongo inga bwaambila shikubumba ayi, “Anu utoobumbanshi?” Sa nongo inga yamwaambila ayi, “Toocitewo buuya?”

Isaya 7:20

“Munshiku isho Mwaami Lesa ulaakutamba shikucesa kuswa kwitala lya Mulonga wa Yufuletisi. Ee, ulaakutamba mwaami wa bene Asilya ayi ese acese misusu yanu, booya bwanu bwa pamubili akumukulula ndesu.

Esekelo 28:9

Sa ulaakunoocaamba ayi uli lesa pameenso abeshikukucaya? Ulaakunooli muntubo, kuteshi lesa mumaansa a baabo beshi bakakucaaye.