Isaya 10:14 - Baibo Busansulushi Bwa Libuku Ili

¹⁴ Mbweeke muntu mbwaanjisha lyaansa muciinswa, anebo mbondakabwesa buboni bwa mishobo. Bweenka muntu mbwaabunjika mayi acaala cisuukila, mbweeke ubo mbondakabunganya shishi shoonse. Ncakwiila kwakubula nabi womwi upipila nabi ukosokaawo.”

Isaya 10:14 ပူးပေါင်းရင်းမြစ်များ

2 Makani 32:13

“ ‘Sa tamucishi ncendakacita, nebo abamashali bangu bakulukulu kubantu boonse ba mushishi shimwi? Sa balesa babo bakakonshawo kufuna bantu babo kuswa mumaansaangu nebo nemwaami wa bene Asilya?

Jobo 31:25

Nshikwe kusangalalilawo mububile buunji, ee, mububile ubo mbondakacana amaansaangu.

Tushimpi 18:12

Muntu na kaatana kuwa ulalisumpula, sombi muntu ulapekwabo bulemu na waliceyesha.

Isaya 14:6

iyo yakalinga kuumishikwa mishobo ya bantu cabukali alimwi cakutacilekaawo. Mubukali yakakoma mishobo iinji akwiipensha cakutaboolaawo pesule.

Isaya 37:25

Ndakakaba mikalo mushishi sheensu akunwaamo maanshi. Mutulonga toonse mucishi ca Ijipiti mondakeenda amyeendo yangu ndakatuyumya.

Isaya 5:8

Mapensho kuli baabo batoonungilako maanda kumaandaabo akunungilako myuunda kumyuunda yabo. Ee, cakwaamba ayi musena woonse wamana, mpeeke mukekale nweenka mucishi umo.

Jelemiya 49:16

“Nobene Edomu kulisumpula kwa myoyo yanu, kwamubeca. Boowa mbomulengesha bamwi, bwamucenjeeka mukwiinga mulekala mulilinga lya myaandami. Ee, mukwiinga mulekala peculu lya tulundu tulaamfu. Ono nabi mulekala peculu peene anga nciinswa ca mumbankwashi, nebo ndaakumuboosha panshi. Nebo neMwaami Lesa ndaamba.

Esekelo 35:13

Mwakalinga kuntwaangila akwaamba makani abiibi pali ndime kwakutalitibuka, nebo nemwiine kaandinyumfwila.’ ”

Obadiya 1:4

Nabi muuluke akuya mwiculu abuumbi anga ngumumbankwashi, akuyakila ŋanda yanu pakati ka nyenyeenshi, nebo ndaakumuboosha panshi. Nebo neMwaami Lesa ndaamba.”

Naamu 2:9

Amusaale silifa! Amusaale golodi! Ncakwiila ndabala iyi iliswitebo buboni bwa makwebo alimwi tabumaani.