Isaya 10:1 - Baibo Busansulushi Bwa Libuku Ili

¹ Mapensho kuli baabo bapanga milawo italuleme, ee, milasho yakulyatilila bantu bangu.

Isaya 10:1 ပူးပေါင်းရင်းမြစ်များ

1 Baami 21:13

Lyalo basankwa beshishimfulunganya bobilo abo bakekala kabalangene anguwe akumubekesha ayi wakashingana Mwaami Lesa alimwi amwaami wa cishi. Lyalo bakamukusha mundabala akumucaya kumabwe.

Kulumbaisha 58:2

Sobwe. Mumyoyo yanu mulayeeyabo bubi mbomukonsha kucita, alimwi mulaleta shimfulunganya mucishi.

Kulonga 23:3

Alimwi mutanoosalulula pakoombolosha muntu mukandu.

Kulonga 23:6

“Mutanyengeleli mukandu pakumoombolosha munkuta.

Isaya 29:21

Nkokwaamba ayi boonse bafuya babyaabo, bafuninina baabo beelete kupekwa milandu munkuta, balaakuloba. Ee, balaakunyonyoolwa boonse bapa bukamboni bwakubeca akulengesha baabo batacite milandu kutoomboloshekwa cabululami.

Isaya 3:11

Sombi mapensho kubamucita shibi! Balo balaakunyonyoolwa. Nshebakalinga kucita kubamwi, shilaakuboolela mbabo.

Isaya 3:14

Mwaami Lesa waleta bamaloba abamatanjilili ba bantu bakwe mukoomboloshekwa. Utoobashinina ayi, “Mwasaala myuunda yangu ya minyansa alimwi mumaandaanu muliswitebo shintu nshimwakanyaya bakandu.

Isaya 5:11

Mapensho kuli baabo bafuminabo kuyandoola shakunwa shikali. Ee, abo banwa cakwipisha lisuba kushikila shabakola cakwiindilila.

Isaya 5:18

Mapensho kubaabo batola shibiibi shabo antaambo sha bubeshi. Balatola bubi bweenka mbuli bakweela shikoci antaambo.

Isaya 5:23

Sombi ceebo ca makulo bantu abo balalekelela bantu bacite milandu. Taboomboloshi cabululami batacite milandu.

Isaya 5:8

Mapensho kuli baabo batoonungilako maanda kumaandaabo akunungilako myuunda kumyuunda yabo. Ee, cakwaamba ayi musena woonse wamana, mpeeke mukekale nweenka mucishi umo.

Isaya 59:13

Twasumina kwaamba ayi tuli baashu alimwi tatushomeki kuli ndimwe noBaami baLesa. Tulamufutatila nobaLesa besu, tulalyatililana alimwi akumubukila. Kwaamba bubeshi ncintu myoyo yesu nceyakalinga kulama kabotu.

Isaya 59:4

Taaku nabi womwi ulilila koombolosha kululeme alimwi taaku waamba mulandu wakwe kunkuta mulushinisho. Boonse balacinka manungo mukwaamba uko kutaaku mbokubete, kwaamba kwabubeshi. Balamita makatasho akutumbuka bubi.

Jelemiya 22:13

Mapensho kuli wooyo uyaka ŋanda yakwe ya bwaami kwiinda mukutalulama. Mapensho kuli wooyo uyaka shipinda sha peculu kwiinda mukoombolosha cakunyengelela ee, kuli wooyo usebenseshabo bantunyina kwakubula kubafolesha.

Amosi 2:7

Balyatoola mitwi ya bakandu anga batoolyatoola lusuko akulengesha baabo balyatililwa kulitwa masuku pamitwi. Mwaana abaishi balakumanina kumwanakashi womwi. Mukucita boobo balasebaanya liina lyangu.

Mika 6:16

Kulaakuba boobo mukwiinga mwakakonkela milawo ibiibi yakwe Omuli akukonkela micito yoonse ya muŋanda yakwe Aabu mwanaakwe. Ncakwiila mwakalinga kukonkela tushiyashiya twabo. Paceebo ceeco ndaakumulengesha ayi mukanyonyooke. Bantu boonse balaakumusebaanya ee, kuli koonse bantu balaakunoomushibuluka.”

Abakuku 2:12

Mapensho kuli ndimwe nomwakaliyakila ndabala kwiinda mukutila bulowa ee, mwebo nomwakeemika ndabala kwiinda mubucayi.

Abakuku 2:15

Mapensho kuli ndimwe nomulengesha babyaanu kunwa shikola, ee, kuli ndimwe nomulengesha babyaanu kutalantanta ayi mubabonene matakosha abo.

Abakuku 2:19

Mapensho kuli ndimwe nomwaambila cisamu ayi, “Buka!” Nabi kwaambila libwe litayooyi ayi, “Nyamuka!” Sa cibumbwabumbwa inga camuyubulwitawo cintu cili coonse? Cilananikwa silifa agolodi, sombi tacicite buumi muli ncico.

Abakuku 2:6

Kuswawaawo abo batolwa busha balaakuseka baabo babatola ayi, “Mapensho kuli ndimwe nomubwesa buboni buteshi bwaanu akulilengesha kubila kwiinda mukukakatisha bantu kulipila nkongole shakubabekesha. Ino ishi shilaakutola ciindi cilaamfu buyani?”

Abakuku 2:9

Mapensho kuli ndimwe nomubilisha bamumaandaanu munshila italuleme. Ee, mwebo nomweelesha kulengesha maandaanu kubula cakulisukama amapensho.

Mateyo 11:21

Wakabaambila ayi, “Mapensho kuli ndimwe nomandabala a Kolasini aBetisaida, mukwiinga shaankamiko isho shakacitilwa muli ndimwe, neshakacitilwa muTaya aSidoni, mandabala anene a bantu bakunsengwe, naakwiinga bakasanduka kale kuswa kushibiibi akufwala masaka alimwi akulinanika milota, kutondesha ayi balyuungumene ceebo cakubisha.

Mateyo 23:23

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulapa calikumi ca mbewu shinunkila kabotu alimwi ashakubika mucakulya, sombi mulasuula milawo inene yancinencine, mbuli kucita shiluleme kubantu, nkumbu alimwi akushomeka. Mwalinga kweelete kunooshicita, kamutasuuli shimwi isho.

Mateyo 23:27

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Muli anga nshuumbwe nshebakashingula, shiboneka kabotu pansengwe, sombi mukati kamuswitebo shifuwa sha bantu bakafwa ashimwi shibiibi shoonse.

Mateyo 23:29

“Mapensho kuli ndimwe nobafundishi ba Milawo abaFalisi, mwebo nomwaamba nshemutaciti! Mulayaka shuumbwe shibotu sha balaluki bakulukulu akubotesha shibumbwabumbwa sha bantu baluleme.

Mateyo 26:24

MwanaaMuntu utooya kulufu kweelana ambokulembetwe, sombi mapensho kuli wooyo muntu utoomwaaba! Naakwiinga cakabotabo akutashalwa muntu uyu.”

Luka 11:52

“Mapensho kuli ndimwe nobafundishi ba Milawo! Mwabwesa cakucalwisha kumulyango wa lushibo lwa lupulusho. Ceebo tamukwe kwinjila, aboobo mwakasha baabo balinga kuyanda kwinjila.”

Joni 19:6

Bapailishi banene abeshikulindilila kuŊanda yakwe Lesa ndibakamubona, bakoolobesha ayi, “Aapopwe pamucilingano, aapopwe pamucilingano!” Mpomunyaawo Pilato wakabaambila ayi, “Amumubwese nobeene muye mukamupoope. Nebo taaku mulandu ngondamucanina.”

Joni 9:22

Bashali ba musankwa uyo bakaamba boobo mukwiinga bakalinga kuloonda bamaloba ba baJuda abo bakalinga bapangana kale ayi uyo woonse eshi akashome ayi Jesu ngoUsalitwe wakwe Lesa, nkumutanda mucoonde cabo.

Judi 1:11

Mapensho kuli mbabo! Bakonkela nshila yakwe Kaini. Bweenka bwakacita Balamu, abalo balawita mushibiibi ceebo ca kusuna bunene maali. Balakaka kunyumfwila Lesa bweenka bwakacita Kola, aboobo balaakunyonyoolwa abalo.