Isaya 1:7 - Baibo Busansulushi Bwa Libuku Ili

⁷ Ono cishi cako cacaalabo matongo aalo mandabala ako anene atentekwa tibili apanshi peene. Baswamashi basaala myuunda yako akunyonyoola shintu shoonse kooebela.

Isaya 1:7 ပူးပေါင်းရင်းမြစ်များ

2 Makani 28:5

Mpeeke Mwaami Lesa, Lesa wakwe wakamwaaba mumaansa a bene Silya mukwiinga wakabisha. Bene Silya bakamukoma akutola busha bantu bakwe baanji kuDamasikasi. Mwaami Lesa wakamwaaba amumaansa a mwaami wa bene Isilaeli uyo wakacaya bashilumamba bakwe baanji.

Kulumbaisha 107:34

Cishi ca mboleshi cakaba cikula ceebo ca shibiibi sha bantu bakalingaamo.

Kulumbaisha 107:39

Ono bantu bakwe Lesa ndibakakomwa akulenshekwa nsoni, kwiinda mukulyatililwa, mumapensho alimwi amubuumba,

Kulumbaisha 109:11

Uyo ngwaakakongweta aakamunyaye shoonse nshaacite, beensu abakasaale shoonse isho nshaakayuwila.

Isaya 1:8

Ndabala ya Siyoni yacaalabo yeenka anga nkatungu pakati ka muunda wa minyansa, nabi anga nkaanda kali mumuunda wabanamunwa. Ncakwiila yacaalabo anga nindabala ishingulukitwe abashilumamba.

Isaya 3:8

Ncakwiila ndabala ya Jelusalemu yatenkaana, cishi ca Juda citooya ciwa. Bantu ba mumo balaamba akucita shintu isho Mwaami Lesa shakumulwana. Capatuba balacobola Lesa.

Isaya 34:9

Maanshi a mutulonga alaakwaaluka manenekela, abwalo bulongo bulaakwaaluka salufa. Cishi cabo coonse cilaakubabo linyaku lya mulilo wa manenekela!

Isaya 49:19

“Cishi canu cakalinga canyonyooka alimwi calinga mumatongo. Sombi baakwisa bene mishaanu abo, cishi ico cilaakuceyabo kulaale kwaamba ayi bekaleemo. Lyalo abo bakalinga banyonyoola cishi canu balaakutombwetwabo kulaale.

Isaya 5:17

Mbelele shilaakunoolya bwiisu mumafulo a nshisho. Ncakwiila bana ba mbelele balaakunoolya mumatongo a mandabala anene a babile.

Isaya 5:9

Mwaami Lesa Shinkusu shoonse ndamunyumfwa kaalumbila ayi, “Ndashinisha maanda anene oonse aya alaakuba mumatongo. Ncakwiila naakomeni, naaboti alaakucaalabo kwakubula aukalaamo.

Isaya 6:11

Mpeeke ndakeepusha ayi, “Kwaciindi cilaamfu buyani noBaami baLesa?” Alakwe wakakumbula ayi, “Kushikila mandabala anene oonse anyonyoolwe akubula ukalaamo. Kushikila maandaabo acaalebo kwakubula amuntu uliimo. Ee, kushikila myuunda yabo ikacaale matongo akushinka.

Isaya 60:15

“Ndushinisho nakubi kwaamba ayi walinga wasuulwa akupatwa cakubula awiinda muli ndiwe, ndaakukulengesha kuba musena upa bulemu kwalyoonse alyoonse uyo weshi ukanoosangalasha bantu bamumashalane oonse.

Isaya 62:8

Mwaami Lesa wakashomesha cakulumbila kucita cintu cimwi. Ulaakucicita kwiinda mulyaansa lyakwe lya nkusu. Wakashomesha ayi, “Teshi nkapewo tubili shili anga ngamaila shako kubalwani bako ayi shibe shakulya shabo. Alimwi teshi nkasuminishewo baswamashi kunwa waini upya uyo webo omwiine ngowakayuwila.

Isaya 64:10

Mandabalaanu anene ali anga nduyanga, ncakwiila ndabala ya Siyoni yaba luyanga. Ndabala ya Jelusalemu ilibo mumatongo.

Isaya 9:18

Bubi bulanyaka anga ngumulilo, ee, mulilo ukonsha kutenta myuumfwa ashisonsoonya. Ncakwiila bulanyaka anga ngumulilo uli muluundu lunene, ee, mulilo usukumya bwiishi buunji.

Isaya 9:5

Nkwabilo sha bashilumamba isho nshebakalinga kusebensesha munkondo pantu pomwi ashakufwala shabo shoonse shinankeene bulowa shilaakutentwa mumulilo.

Jelemiya 2:15

Bamubulumina anga ninkalamu kumubulumina cabukali. Cishi cakwe bacilengesha kuba matongo, aalo mandabala akwe anyonyoolwa akushiyikwabo cisuukila.

Jelemiya 4:7

Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.

Jelemiya 44:6

Paceebo ceeco ndakatila bukali bwangu bwiindaawo pamandabala a muJuda amumikwakwa ya muJelusalemu akwiinyonyoola cakuba matongo mbuli mboibete bulya.

Jelemiya 6:8

Webo Jelusalemu, nyumfwa kucenjeshekwa. Kwabula boobo ntookufutatila akulengesha cishi cako kuba matongo cakwaamba ayi taaku muntu weshi akakonshe kwikalaamo.”

Jelemiya 7:34

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumandabala a muJuda amumikwakwa ya muJelusalemu ceebo cishi cilaakubula aukalaamo.”

Malilo 5:2

Buboni bwesu babutola baswamashi, ee, maandeesu abwesekwa abaswamashi.

Esekelo 25:4

Paceebo ceeco ndaakumwaaba kubantu ba kwicwe ayi bamukoome. Balaakuyaka misumba yabo akwiimika matente abo pakati kanu. Balaakulya shisepo shanu alimwi akunwa mukupa wanu.

Esekelo 30:12

Ndaakuyumya Mulonga wa Nailo akuulisha cishi kubantu babiibi. Ndaakusebensesha baswamashi kunyonyoola cishi ashoonse shiliimo. Nebo neMwaami Lesa ndaamba.’

Osiya 7:9

Tabeshibi ayi kucinka manungo mumishobo iyo kwabamana nkusu. Nshiku sha buumi bwabo shitooya kumeelelesho, sombi balo taaku ancebabwene.

Osiya 8:7

“Bene Isilaeli balashanga muuwo, aboobo balaakutebula kapupuulwa. Shibuba sha maila kutaaku masanse, taaku shakulya shibaako. Ono nabi shakulya shabaako, shilalikwabo kubaswamashi.

Bene Lefi 26:33

Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.

Bene Lefi 26:34

Lyalo cishi canu cilaakuba amyaaka yakookesha iyo njemwakalinga kukaka kucipa. Cilaakunookookesha ceebo teshi mukabe bantu paciindi ico mwebo nceshi mukanooli mucishi ca balwani banu.

Mika 5:11

Ndaakunyonyoola mandabala oonse a mucishi canu akupwayoola malinga anu oonse.

Mika 6:13

Aboobo ndatalika kumunyonyoola, ee, kumulobya ceebo ca shibiibi shanu.

Dutolonomi 28:33

Bantu mbomuteshi mbweshi bakalye shakulya shanu shili anga ngamaila isho nsheshi mukapengele, sombi mulaakunoonyengelelwabo akupenshekwa abuumbi lyoonsebo.

Dutolonomi 28:43

“Baswamashi mbomwikalaabo balaakuba abulemu buunji kwiinda ndimwe, sombi mwebo mulaakunooya ciboolabo panshi.

Dutolonomi 29:23

Cishi canu coonse cilaakubabo luyanga, cilaakunoolibo ncikula. Taaku ceshi cikanoomenaawo nabi bwiisu boonse. Cilaakuba anga ngamandabala anene aSodoma aGomola, Adima alimwi aSeboyimu, ayo ngaakanyonyoola Mwaami Lesa ndyaakakalala abuumbi.