Isaya 1:21 - Baibo Busansulushi Bwa Libuku Ili

²¹ Amubone bamundabala inene abo bakalinga kushomeka ono batalika bufuule bwakulambila balesa bamwi. Muciindi cimwi ndabala iyi yakalinga kuswitebo bantu bakalinga kucita shiluleme, ee, bantu batacite tumpenda. Ono mwacaalabo bacayi.

Isaya 1:21 ပူးပေါင်းရင်းမြစ်များ

2 Samwelo 8:15

Mboboobo Defedi mbwaakaba mwaami wa cishi ca Isilaeli coonse, alimwi wakeendelesha bantu boonse cabululami.

2 Makani 19:9

Wakabaambila ayi, “Mulyeelete kuloonda Mwaami Lesa, kumusebensela camyoyo yoonse akushomeka kuli nguwe mushintu shoonse nshemucita.

Neyemiya 11:1

Lyalo bamatanjilili bakekala muJelusalemu. Ono bantu bamwi bakooma cisolo kusala ŋanda yomwi pamaanda ali likumi kwaamba ayi bamuŋanda iyo bekale muJelusalemu, ndabala inene isalalite. Bamwi boonse bakalinga kweelete kwikala mumandabalaabo beene.

Kulumbaisha 46:4

Nkooli mulonga uleta shoolwe mundabala inene yakwe Lesa. Ee, mumusena usalalite umo mwikala Lesa wa kwiculu Wiindaawo.

Kulumbaisha 48:1

Mwaami Lesa ulicite nkusu shikankamika! Ulyeelete kulumbaishikwa abuumbi mundabala inene yakwe Lesa, Lesa wesu, ncakwiila pakalundu kakwe kasalalite.

Kulumbaisha 48:8

Ncakwiila ceenka ncetwakanyumfwa, nceceeco ncetwabona mundabala inene ya Mwaami Lesa Shinkusu shoonse, ee, ndabala inene ya Lesa wesu. Lesa uleelama kuswa kubalwani lyoonse alyoonse.

Isaya 1:22

OJelusalemu, kataanshi wakalingabo anga ngusilifa, sombi bulya taaku mboobete. Wakalinga anga nguwaini ubotu, sombi bulya wasamuka.

Isaya 26:10

Na nkuumbu shatondeshekwa kumucita shibi, ndushinisho bululami taabwiiyiiwo napaceyi. Lakwe pakati ka bantu baluleme micito yakwe njakusendamya alimwi taalemeki Mwaami Lesa napaceyi.

Isaya 48:2

Nakubi boobo mulatwanga akwaamba ayi ndimwe beene ndabala inene isalalite alimwi ayi mulicinkite manungo muli Lesa wa bene Isilaeli, uyo wiitwa ayi Mwaami Lesa Shinkusu shoonse.

Isaya 5:7

Isilaeli ngomuunda wa minyansa wa Mwaami Lesa Shinkusu shoonse. Ncakwiila bene Juda njeminyansa njaakashanga. Wakalinga kulangila ayi batoocita shiluleme, sombi ncaakabonabo mbucayi. Wakalinga kulangila koombolosha cakutanyengelela, sombi cakapola kumatwi akwe nkulila kwa baabo bakalinga kulyatililwa.

Isaya 59:14

Ee, anu nceceeco koombolosha kululeme ncekwatutalamukila. Nceceeco kweenda cakubula kampenda ncekwabeta kulaale aswebo. Lushinisho talunyumfwikiiwo mumikwakwa, akwalo kushomeka kuleelabo kulaale.

Isaya 59:15

Ncakwiila lushinisho taaku nkolucibeteewo alimwi uyo woonse weenga wafutatila bubi, ingayi waliletelela.” Mwaami wakalangilisha panshi akubona ayi taapu koombolosha kululeme.

Isaya 59:3

Maansaanu alibo pyu kubulowa bwa bantu mbomwakacaya. Ee, mulicite milandu ipusenepusene. Milomo yanu ilaamba makani abubeshi alimwi ilaamba shintu shibiibi.

Jelemiya 3:1

Mwaami Lesa waamba ayi, “Sa na musankwa waleka mukaakwe, alakwe waswaako akuya mukweebwa kumwi, sa inga wamuboosha alimwi? Te ico inga calengesha cishi kutasalala? Sombi webo Isilaeli weebweebwa anga ngumwanakashi mufuule. Ono sa sunu ulisuni kupilukila kuli ndime alimwi?

Osiya 11:12

Mwaami Lesa waamba ayi, “Bene Isilaeli banshingulusha bubeshi, ee, banshingulusha kucenjeeka. Bene Juda abalo bacingashukilabo nebo neLesa Usalalite alimwi ushomeka.

Osiya 2:5

Banyinawanu tebakalinga kushomeka alimwi bakalinga kuliletela musebaanyo. Balo bakaamba ayi, ‘Ntooya kubasunikwi bangu, abo beshi bakampe shakulya, shakunwa, shakufwala sha booya bwa mbelele, nsalu shiteshimite, mafuta a olifi alimwi awaini.’

Abakuku 1:4

Milawo yamana nkusu. Koombolosha cakutanyengelela kwamana. Bamucita shibi batoolita masuku pamitwi ya baluleme. Munshila iyo koombolosha cakutanyengelela kwasendama.

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”

Luka 13:34

“Webo Jelusalemu, Jelusalemu, noocaya balaluki akuuma mabwe bantu abo Lesa mbwaatuma kuli ndiwe! Liinji liinji ndalinga kusuni kubunganya bantu bako bweenka mbuli nkuku mboifukatila twaana twa njiyo mumapapaminwa, sombi webo wakakaka!

Milimo ya Batumwi 7:52

Sa kwakalingawo mulaluki bamashali banu bakulukulu ngobatakwe kupensha? Bakacaya batumwi bakwe Lesa abo bakaamba shakwisa kwa musebenshi wakwe ululeme. Ono amwebo mwakamwaaba akumucaya.

Bene Ebulu 12:22

Sombi mwebo mwesa kuKalundu ka Siyoni alimwi akundabala inene yakwe Lesa muumi, njeJelusalemu ya kwiculu umo muli baanjelo bali shuulu ashuulu.

Ciyubululo 11:2

Sombi utapimi musena uli kunsengwe lya Ŋanda yakwe Lesa mukwiinga wakapekwa kubaswamashi bakunsengwe, abo mbweshi bakalyatoole Ndabala inene Isalalite kwamyeenshi ili makumi one alimwi ayobilo.

Ciyubululo 11:8

Mpeeke mituntu yabo ilaakunoolibo munshila sha ndabala inene umo mwakapopelwa Mwaami wabo pamucilingano. Liina liimikanina ndabala iyo mumaamboolwa, nguSodoma nabi Ijipiti.

Ciyubululo 17:1

Lyalo umwi munjelo pakati ka baabo bali bosanwe abobilo bakalinga kucite mbale shifongomene shosanwe ashobilo, wakesa mukundwiita ayi, “Kosa nkuboneshe mbuli mwanakashi mufuule uyo wakaya mpuwo mbweshi akapekwe mulandu, njendabala inene iyo ili pafwaafwi amilonga iinji.