Isaya 1:18 - Baibo Busansulushi Bwa Libuku Ili

¹⁸ Mwaami Lesa waamba ayi, “Kamwisa ono twikale panshi. Nabi shibiibi shanu shilasalala anga mbulowa, shilaakuboolabo tuu anga ninkobokobo. Ncakwiila nabi shilibo pyupyupyu anga ngumuswa malowa, shilaakuboolabo tuu anga mbutonje.

Isaya 1:18 ပူးပေါင်းရင်းမြစ်များ

Jobo 9:33

Ono taaku ukonsha koombolosha cikani cesu. Ncakwiila taaku ukonsha koombolosha Lesa anebo.

Kulumbaisha 51:7

Amunkushe shibiibi kwaamba ayi mbe usalalite, ee, amunsaanshe lyalo ntootuba kwiinda mapepe a nkobokobo.

Kulumbaisha 51:9

Amufutatile shibiibi shangu akushiminganya bubi bwangu boonse.

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Isaya 3:13

Ono Mwaami Lesa wekala pacuuna cakwe ca koombolosheshaawo. Bulya wanyamuka kwaamba ayi oomboloshe bantu bakwe.

Isaya 41:1

Lesa waamba ayi, “Amukutumane mukutike kuli ndime mwebo nobamushishi sha muloombe lwa lweenge! Amulibambile kuleta makani anu kunkuta. Amwise mwaambe nobeene shili kumyoyo. Ee, mwise tubandike akubona ululeme.

Isaya 41:21

Mwaami Lesa, Mwaami wa bene Isilaeli waamba ayi, “Tetetete, kamwisa mulyaambilile nobalesa ba bakunsengwe, amwise mupe bukamboni bunyumfwika.

Isaya 44:22

Shilubo shanu ndashipalanganya bweenka mbooncita makumbi, ee, shibiibi shanu ndashimanisha bweenka bumana shikuunku macuunsa mukwiinga ndime ndakamulubula.”

Isaya 50:8

Ono uyo utondesha ayi nshicite mulandu mbwaali pafwaafwi anebo, ino ono ngani aumwi weshi ampe mulandu? Ee, atulangane, ngani utoompa mulandu? Keesa tubone anshinine!

Isaya 55:7

Mucita shibi ashiye nshila shakwe, ee, shikubisha aleke miyeeyo yakwe ibiibi. Aapilulukile kuMwaami Lesa, alakwe utoomunyumfwila nkumbu. Aapilulukile kuli Lesa mukwiinga ulalekelela cakutalipilaawo nakaceyi.

Jelemiya 2:5

Mwaami Lesa utokwiipusha ayi, “Ino ncibiibinshi bamashali banu bakulukulu ncebakambonena, ico cakabalengesha kupambuka bobulya kuswa munshila yangu? Beene bakakonkela shibumbwabumbwa shitaaku mboshibete, lyalo abalo beene bakaba bantu bataaku mbobabete.

Esekelo 18:27

Na mucita shibi wasanduka kuswa kushibiibi shakwe shoonse isho nshaacita, watalika kucita shintu shakutanyengelela ashiluleme, muntu uyo ulaakupulusha buumi bwakwe.

Esekelo 33:16

Shibiibi shakwe shoonse nshaakacita teshi shikeebalukwewo tubili ceebo wacita shintu shakutanyengelela alimwi shiluleme. Ndushinisho muntu uyo ulaakuba abuumi.

Mika 6:2

Amunyumfwe mwebo notulundu mulandu Mwaami Lesa ngwaapa. Amunyumfwe mwebo nolwiimbi lwa cishi ca panshi, Mwaami Lesa wapa bantu bakwe mulandu. Ncakwiila washinina bantu bakwe bene Isilaeli.

Milimo ya Batumwi 17:2

Kweelana akwishibila kwakwe, Paulo wakenjila mucoonde akulwiita bantu Malembo akwe Lesa kwanshiku shakookesha sha Cibelu shotatwe.

Milimo ya Batumwi 18:4

Lyoonse pabushiku bwakookesha bwa Cibelu, Paulo wakalinga kubandika cankusu abantu mushoonde sha baJuda kwaamba ayi mpashi baJuda abaGiliki inga bashoma Makani Abotu.

Milimo ya Batumwi 24:25

Sombi Paulo ndyaakalinga kwaamba shabululami, kulilama alimwi ashabushiku Lesa ndyeshi akoomboloshe bantu, Felekisi wakaloonda. Mpeeke wakaambila Paulo ayi, “Pacecino ciindi inga waya, ndakwiita alimwi na mbe aciindi.”

Bene Loma 5:20

Lesa wakapa bantu Milawo kwaamba ayi babone kufula kwa shibiibi shabo. Nakubi boobo shibiibi ndishakafula, luse lwakwe Lesa lwakeendaawo kufula.

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.

1 Samwelo 12:7

Ono amwiimikane peenka mpomubete, ntoomushinina pameenso akwe Mwaami Lesa kwiinda mukumwiibalusha milimo ya nkusu shiindaawo yoonse Mwaami Lesa njaakacita ayi apulushe ndimwe abamashali banu bakulukulu.