Isaya 1:16 - Baibo Busansulushi Bwa Libuku Ili

¹⁶ Amulisaanshe mutube. Amucileeke kucita bubi boonse ubu mboomubona kamucita. Ee, amucileeke kucita shitaluleme.

Isaya 1:16 ပူးပေါင်းရင်းမြစ်များ

2 Baami 17:13

Mwaami Lesa wakatuma beshinkombe abalaluki mukucenjesha bene Isilaeli abene Juda ayi, “Amusanduke kuswa kushibiibi shanu akunyumfwila milawo amilasho iyo icanwa muMilawo njindakapa bamashali banu bakulukulu kwiinda mubalaluki basebenshi bangu.”

Kulumbaisha 26:6

Ndasamba kumaansa kutondesha ayi taaku cibiibi ncendakacita, ndeendaana kucipaililo canu mukumulambila noBaami baLesa.

Kulumbaisha 34:14

Ulyeelete kusanduka kuswa kushibiibi, akutalika kucita shiluleme. Ulyeelete kuyandoola akukonkela luumuno.

Kulumbaisha 37:27

Amuswe kububi mucite shibotu. Munshila iyo lyoonse mulaakunookala cakutalibilika.

Kulumbaisha 51:2

Amunsaanshe kulubisha kwangu koonse, akunsalasha kuswa kushibiibi shangu.

Tushimpi 21:3

Kucita shintu shiluleme akoombolosha cakutanyengelela kulakondelesha Mwaami Lesa kwiinda apakubenga mulambu.

Tushimpi 4:27

Kuteelesha kupambookapambooka. Kasha myeendo yako kuya mukucita shibiibi.

Isaya 52:11

Amusweemo, amusweemo muBabiloni! Mutacati cintu citasalalite kweelana aMilawo Amusweemo muBabiloni kamusalalite mwebo nomunyamuna shisebensesho sha Mwaami Lesa.

Jelemiya 18:11

“Ono bulya lwiita bene Juda abantu abo bekala muJelusalemu ayi nebo neMwaami Lesa ntoobabambila mapensho akubayeeyela bwakubacita. Paceebo ceeco abaleke nshila shabo shibiibi. Womwi awomwi aasandule nshila shakwe alimwi amicito yakwe.

Jelemiya 25:5

Balaluki abo bakalinga kumwaambila ayi, ‘Noonse amuswe kunshila shanu shibiibi amicito yanu ibiibi, ingaawo mukanookala mucishi ico Mwaami Lesa ncaakamupa mwebo abamashali banu bakulukulu ayi ncanu kwalyoonse alyoonse.

Jelemiya 26:3

Mpashi inga banyumfwa basanduka kuswa kunshila shabo shibiibi. Na bacita boobo, inga ndasandula miyeeyo yangu akutabaletela mapensho ayo ngondalinga kuyeeyela kubacita ceebo ca micito yabo ibiibi.”

Jelemiya 35:15

Ono nebo ndicitekobo kumutumina basebenshi bangu balaluki. Boonse abo bakalinga kumulwiita ayi muleke nshila shanu shibiibi amicito yanu ibiibi. Bakamucenjesha ayi mucileeke kulambila akusebensela balesa bamwi kwaamba ayi mukatolelele kwikala mucishi ico ncendakamupa mwebo alimwi abamashali banu bakulukulu. Sombi mwebo tamukwe kunyumfwila nabi kubikako maano kusheesho nshendakaamba.

Jelemiya 4:14

Nobene Jelusalemu amusanshe bubi kuswa mumyoyo yanu kwaamba ayi mupuluke. Ino mulaakucileka lili kuyeeya shibiibi?

Amosi 5:15

Amupate bubi akusuna shintu shibotu. Kamoombolosha cakutanyengelela munkuta. Mpashi Mwaami Lesa Shinkusu shoonse ulaakunyumfwa nkumbu pabene Isilaeli bakacaala.

Jona 3:8

Sombi muntu uli woonse alifweke masaka alimwi akufweka shifubwa shoonse. Woonse muntu ulyeelete kufwambaana kupaila kuli Lesa akuleka bubi bwakwe, alimwi amibo itabete kabotu.

Sekaliya 13:1

Mwaami Lesa Shinkusu shoonse waamba ayi, “Bushiku ubo kulaakucalulwa kantupu pabamulunyungu lwakwe Defedi apabene Jelusalemu kakubasansha kuswa kushibiibi alimwi akutunkowesha.

Sekaliya 7:7

Ici ncaakaamba Mwaami Lesa kwiinda mubalaluki bataanshi paciindi ndabala ya Jelusalemu keecite bubile buunji kamuli abantu baanji. Paciindi ico bantu bakalinga kwikala muteeshibo mumandabala akalinga kwiishingulukite, sombi bamwi bakalinga kwikala kuNegefu akutulundu tuniini kumbo.

Mateyo 3:8

Amucite ncito shibotu shitondesha ayi mwasanduka kuswa kushibiibi shanu.

Milimo ya Batumwi 22:16

Ino ucilindilanshi? Nyamuka ulumbaishe liina lyakwe, ubombekwe, Lesa akusalashe kwaamba ayi shibiibi shako shilekelelwe.’

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

2 Bene Kolinto 7:1

Ono nomusunikwi, Lesa wakashomesha shintu shoonse ishi kuli ndiswe. Aboobo atulisalashe kushintu shoonse shibisha mibili amyoyo yesu. Kwiinda mukulemeka Lesa, atweeleshe kwikala buumi busalalite pameenso akwe.

Jemusi 4:8

Kamusena pafwaafwi aLesa alakwe ulaakusena pafwaafwi amwebo. Amusambe kumaansa mwebo nobamucita shibi! Amusalashe myoyo yanu nobantu baamba nshemutaciti.

1 Pita 2:1

Aboobo amucileeke bubi boonse, bubeshi, kwaamba nshemutaciti, munyono alimwi amusebaanyo wa mushobo woonse.

1 Pita 3:11

Ulyeelete kusanduka kuswa kushibiibi akutalika kucita shiluleme. Ulyeelete kuyandoola akukonkela luumuno

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.