Isaya 1:13 - Baibo Busansulushi Bwa Libuku Ili

¹³ Amucileeke kuleta milambu yanu itacite ncito! Atwalo tununkila kabotu twanu tulamfundoosha kumoyo. Kusekelela kwanu kwa bushiku butaanshi bwa mweenshi, inshiku shanu shakookesha sha Cibelu alimwi akubungana kumwi koonse, nshishisuni. Shoonse shabica ceebo ca shibiibi shanu.

Isaya 1:13 ပူးပေါင်းရင်းမြစ်များ

2 Baami 4:23

Beebaabo bakeepusha ayi, “Ino utookweendelanshi Sunu? Sunu tabushi bushiku bwa Cibelu nabi bwa Mweenshi Upya.” Mwanakashi uyo wakakumbula ayi, “Tacicite mulandu.”

1 Makani 23:31

alimwi apakubenga milambu yakutenta kuMwaami Lesa pabushiku bwakookesha bwa Cibelu, pabushiku bwa Mweenshi Upya anshiiku shimwibo shakusekelela. Milasho yakapangwa kusansulula mweelo wa bene Lefi beelete kusebensa ciindi aciindi. Bene Lefi bakapekwa mulimo wakulambila Mwaami Lesa ciindi coonse.

Kulumbaisha 78:40

Ndibakalinga muluyanga liinji liinji bakalinga kumubukila. Ncakwiila bakalinga kumulengesha kuungumana mumusena uyo utacite ncito.

Kulonga 12:16

Pabushiku butaanshi alimwi apabushiku bwasanu ashobilo, mulyeelete kubungana ayi munambile. Taaku weelete kusebensa panshiku ishi, sombi calo cakulya inga mwabamba.

Tushimpi 21:27

Mulambu wa bamucita shibi Lesa tausuniiwo. Ino mbuyani walo uyo ngobabenga amyoyo yobilo?

Tushimpi 7:14

“Ndapa mulambu wabwanabwankashi sunu akucita kweelana ambondakashomesha cakulumbila,

Isaya 66:23

Lyalo bantu bamumishobo yoonse balaakunoosa kuJelusalemu mukulambila lyoonse panshiku sha kusekelela myeenshi ipya alimwi apanshiku shakookesha sha Cibelu.” Mwaami Lesa waamba.

Isaya 66:3

Sombi bantu batola nshila shabo. Kuli mbabo tacipuseneewo kubenga mucende akubenga muntu ayi ngumulambu. Tacipuseneewo balo kubenga mwanaambelele akubenga kabwa ayi ngumulambu. Tacipuseneewo kupa cipo ca shili anga ngamaila akubenga bulowa bwa nkumba. Tacipuseneewo kupa cipo ca tununkila kabotu twaciibalusho alimwi akupaila kushibumbwabumbwa.

Malilo 2:6

Wakamwaya Ŋanda yakwe ayi ibe anga ngumuunda, ee, kunyonyoola Ŋanda umo motwakalinga kumulambilila. Mwaami Lesa walengesha Siyoni kuluba nshiku shakusekelela ashakookesha sha Cibelu. Mwaami amupailishi boonse bakanyumfwa nkusu sha bukali bwakwe.

Esekelo 20:39

“Nebo neMwaami Lesa Shinkusu shoonse ndaamba ayi, ‘Mwebo nobene Isilaeli noonse, kamuya mukasebensele shibumbwabumbwa shanu! Sombi pesule mulaakunyumfwila alimwi teshi mukacobolewo tubili liina lyangu lisalalite mukupa shipo kushibumbwabumbwa shanu.

Osiya 2:11

Ndaakumanisha kusekelela kwabo koonse. Nkokwaamba ayi, kusekelela kwa pamwaaka, kusekelela kwa Myeenshi ipya, nshiku shakookesha sha Cibelu, ee, kusekelela kwabo koonse.

Jowelo 1:14

Amwaambilishe ayi mbushiku bwakulikasha kulya akwiita bantu ayi babungane pantu pomwi. Amwiite bamaloba abantu boonse bekala mucishi ca Juda kwaamba ayi baye kuŊanda yakwe Lesa, Lesa wanu kuya mukulila kuli nguwe.

Jowelo 2:15

Amulishe lupeenga paKalundu ka Siyoni. Amwaambilishe ayi mbushiku bwakulikasha kulya akwiita bantu ayi babungane pantu pomwi.

Bene Lefi 26:31

Mandabalaanu anene ndaakwaalula matongo akunyonyoola misena yanu yakulambililaawo alimwi akukaka kutambula milambu yanu.

Malaki 1:10

Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.

Shakubelenga 10:2

“Panga mapeenga obilo a silifa wakufula ayo akunoosebensesha pakubunganya bantu alimwi apakulonga.

Mateyo 15:9

Kupaila nkobampaila, taaku mbokubete mukwiinga baleeisha milawo ipangabo bantu anga njemilawo yakwe Lesa!’ ”

Luka 11:42

“Mapensho kuli ndimwe nobaFalisi! Mukwiinga mulapa kuli Lesa calikumi ca mbewu shinunkila kabotu ashimwi shilengesha kwaamba ayi cakulya cibote alimwi abucisa bwa mushobo uli woonse. Sombi tamuciti shintu shiluleme kubantu nabi kusuna Lesa. Ceebo shintu ishi mwalinga kweelete kunooshicita cakutasuula shimwi.

1 Bene Kolinto 11:17

Ono pamakani amwi ngonteelete kumulumbaisha ceebo kubungana kwanu teshi kubotu, sombi nkubiibi.

Bene Efeso 4:30

Mutalengeshi Mushimu Usalashi wakwe Lesa kuungumana mukwiinga ncecishibilo cakwe Lesa cakwaamba ayi muli bantu bakwe kushikila pabushiku bwa lupulusho.

Bene Filipi 1:15

Ncakwiila nkobali bamwi bashimikila pali Klistu mukwiinga wa munyono akusuna kupikishanya, sombi nkobali bamwi bashimikila amoyo woonse.