Isaya 1:11 - Baibo Busansulushi Bwa Libuku Ili

¹¹ Mwaami Lesa waamba ayi, “Anu mutooyeeya ayi milwi milwi ya milambu njemupa nciinshi kuli ndime? Milambu yakutenta yancima, ee, milambu ya mbelele shisankwa aya mafuta a shifubwa shakeenishikwa yancima. Bulowa bwa bacende, mbelele alimwi abwa mpongo bwacileka kunsangalasha.

Isaya 1:11 ပူးပေါင်းရင်းမြစ်များ

Kulumbaisha 40:6

Mwebo tamusangalalili mumilambu nabi mushipo. Milambu yakutenta nabi yakumana shibiibi tamucite asho ncito. Sombi nebo mwakampa matwi akunyumfwila ndimwe.

Kulumbaisha 50:8

Nshintoomukalalila ceebo ca milambu imwi, nabi milambu yakutenta iyo njemubenga lyoonse kunembo lyangu.

Kulumbaisha 51:16

Teshi milambu imusangalasha mwebo, niyalinga kumusangalasha naakwiinga ndeebenga. Ncakwiila milambu yakutenta teemusangalashi.

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Tushimpi 21:27

Mulambu wa bamucita shibi Lesa tausuniiwo. Ino mbuyani walo uyo ngobabenga amyoyo yobilo?

Tushimpi 21:3

Kucita shintu shiluleme akoombolosha cakutanyengelela kulakondelesha Mwaami Lesa kwiinda apakubenga mulambu.

Isaya 58:2

Balanambila mashiku amalumwi, balaboneka anga balisunishi kwishiba nshila shangu. Balalibonesha anga ngumushobo ucita shiluleme uyo utana kufutatilaawo milawo yangu neLesa wabo. Ee, balalibonesha anga balisuminite kukonkela milawo yangu. Balaamba ayi balisuni koombolosha kululeme alimwi ayi balisunishi kwaamba ayi nsene pafwaafwi ambabo.

Isaya 66:3

Sombi bantu batola nshila shabo. Kuli mbabo tacipuseneewo kubenga mucende akubenga muntu ayi ngumulambu. Tacipuseneewo balo kubenga mwanaambelele akubenga kabwa ayi ngumulambu. Tacipuseneewo kupa cipo ca shili anga ngamaila akubenga bulowa bwa nkumba. Tacipuseneewo kupa cipo ca tununkila kabotu twaciibalusho alimwi akupaila kushibumbwabumbwa.

Jelemiya 6:20

Anu nimpindunshi iliimo mutununkila kabotu pakutenta twa kuSheba nabi tununkila kabotu mubuyani tuswa kucishi cakulaamfu? Milambu yanu yakutenta nshiitambuliiwo, sobwe. Ncakwiila milambu yanu teensangalashiiwo.”

Jelemiya 7:21

“Mwaami Lesa Shinkusu shoonse, Lesa wa bene Isilaeli waamba ayi, ‘Amutolelele, musenkanye milambu yanu yakutente amilambu imwi ibengwa, mulye anyama iyo nobeene.

Osiya 6:6

Nebo ndisunishi nkumbu, kuteshi milambu. Ndisunishi bantu beshiba ayi ndime Lesa, kwiinda milambu yakutenta.

Osiya 8:13

Balabenga milambu kuli ndime akulya nyama ya njiyo. Sombi nebo neMwaami Lesa mumilambu iyo nshisangalaliliimo. Ono bulya ntokwiibaluka shibiibi shabo akubapa mulandu ceebo ca nshisho. Ndaakubaboosha kucishi ca Ijipiti.

Amosi 4:5

Kamutenta cimaande ayi ncipo cakulumba akulilumbaisha pashipo shanu shakulyaaba. Kamulisumpulabo pali nshisho nobene Isilaeli mukwiinga mwebo isho nsheshintu nshemusuni kucita. Nebo neMwaami Lesa Shinkusu shoonse ndaamba.”

Amosi 5:21

Mwaami Lesa waamba ayi, “Nebo ndipatite kulambila kwanu pakusekelela. Mabungano anu nshaasuni napaceyi.

Amosi 5:22

Nabi mukandetele milambu yakutenta, kubikaawo ashipo shanu sha fulaulo, teshi nkashitambuleewo. Nabi mukandetele milambu ya bwanabwankashi ili buyani, teshi nkeetambuleewo, sobwe.

Mika 6:7

Sa Mwaami Lesa inga wakondwa na ndamuletela cuulu ca mbelele shisankwa? Sa inga wakondwa na ndamuletela milonga iteeli ya mafuta a olifi? Sa mbenge mwanaangu musankwa wakwiiya ayi ndekelelwe shibiibi shangu? Ee, kubenga mwaana wakulishalila ceebo ca milandu yangu?

Agayi 2:14

Lyalo nebo neAgayi ndakaamba ayi, “Mwaami Lesa waamba ayi mbocibete kubantu ba mishobo iyi. Shintu shoonse nshebacita ashintu shoonse nshebabenga kuli ndime pacipaililo tashisalaliteewo.”

Sekaliya 7:5

Lakwe wakaamba ayi, “Lwiita bantu ba mucishi abapailishi ayi ndibakalinga kulikasha kulya akulila mumweenshi wasanu alimwi awasanu ayobilo mumyaaka ili 70 yeenda, tebakalinga kundemeka nebo, sobwe.

Malaki 1:10

Anu ncibotubo umwi mulikoto lyanu kucala milyango ya kuŊanda yangu, kwaamba ayi mutanookunka mulilo utacite ncito pacipaililo cangu! Nebo nshikondetweewo pali ndimwe, alimwi taaku milambu yanu njeshi nkatambule.

Mateyo 22:4

Lyalo wakatuma basebenshi abamwi akubaambila ayi, ‘Muye mukaambile baabo boonse bakatambwa ayi ndabamba kale shakulya. Basune bangu aboombe beenite bacaikwa, aboobo shoonse shilibambitwe kale. Amwise kubwiinga.’

Mateyo 9:13

Amuye mukeeye maswi akwe Lesa alya akwaamba ayi, ‘Ndisunishi nkumbu, kuteshi milambu.’ Nshikwe kwisa mukwiita baluleme, sombi bamucita shibi.”

1 Samwelo 15:22

Sombi Samwelo wakakumbula ayi, “Sa Mwaami Lesa ulisuni milambu yakutenta aimwibo kwiinda mbwaasuni kunyumfwila maswi akwe? Tau! Kunyumfwila nkubotu kwiinda kubenga mulambu alimwi kukutika nkubotu kwiinda mafuta a mbelele shisankwa.