Esita 9:3 - Baibo Busansulushi Bwa Libuku Ili

³ Ncakwiila boonse bamatanjilili ba mushipansha sha cishi, bamaami, beendeleshi abacinenenene ba mwaami bakacafwa baJuda ceebo boonse bakalinga kuloonda Modekayi abuumbi.

Esita 9:3 ပူးပေါင်းရင်းမြစ်များ

Esila 2:2

Bamatanjilili babo mbaaba: Selubabelo, Joshuwa, Neemiya, Selaya, Leliya, Modekayi, Bilushani, Misipa, Bigifayi, Leyumu aBaana. Aya ngomeena a shipani sha mikowa ya bene Isilaeli pantu pomwi amwelo wa baabo bakapiluka kuswa kubusha.

Esila 8:36

Mpeeke bakatola nkalata ya mwaami kubeendeleshi alimwi abacinenenene bakwitala lya Mulonga wa Yufuletisi, lyalo abalo bakapa lucafwo kubantu alimwi akuŊanda yakwe Lesa.

Esita 3:12

Anu pabushiku bwalikumi anshiiku shotatwe mumweenshi wakutaanguna, Amani wakeeta balembi boonse ba mwaami akubaambila makani kwaamba ayi balembe makalata mumushobo wakulemba wa shipansha shoonse sha cishi ca Pesha alimwi mumulaka wa mushobo womwi awomwi. Lyalo wakaatuma kubamaami, beendeleshi abacinenenene boonse. Makalata ayo akalembwa muliina lya mwaami Sakisesi akuumawo ninga yakwe yakeshibilo.

Esita 8:17

Mumandabala oonse amushipansha shoonse sha cishi umo mwakaambilishikwa mulawo wa mwaami, kwakaba kukondwa akusangalala pakati ka baJuda. Bakasekelela akulya shakulya shiinji. Mpeeke bantu baanji ba mishobo imwi bakatalika kupaila pantu pomwi abaJuda ceebo bakalinga kubaloonda.

Esita 8:5

Mpeeke wakaamba ayi, “Na inga camukonda nobaami, na mulambikako maano alimwi na muyeeyo uyu uliluleme kuli ndimwe, amulembe makalata akukasha mulawo wakwe Amani mwanaakwe Amedata wamulunyungu lwakwe Agagi ngwaakalemba ayi anyonyoole baJuda boonse mubwaami bwanu.

Esita 8:9

Aboobo balembi ba mwaami bakeetwa pabushiku bwamakumi obilo anshiiku shotatwe mumweenshi watatu wiitwa ayi Sifani. Balembi bakalemba makalata kweelana abwakaamba Modekayi ayi aye kubaJuda, bamaami, beendeleshi abacinenenene bamushipansha sha cishi shoonse shili 127. Nkokwaamba ayi kuswa kuIndiya kuya mukushika kuKushi mukulukulu. Makalata ayo akalembwa kweelana amushobo wakulemba wa cipansha comwi acomwi alimwi mumulaka wa mushobo womwi awomwi. Abalo baJuda bakabalembela kweelana amushobo wabo wakulemba alimwi amumulaka wabo.

Danyelo 3:2

Lyalo mwaami wakaambila bacinenenene bakwe boonse ayi babungane, nkokwaamba ayi banaabaami, beendeleshi, beshikupandaako maano, beshikusunga maali, boomboloshi, beshinkuta abacinenenene bamwi boonse ba mucishi. Bantu boonse abo bakalinga kweelete kwisa mukusekelela cibumbwabumbwa cakeemika Nebukadinesa.