Esita 9:2 - Baibo Busansulushi Bwa Libuku Ili

² Mpeeke baJuda bakabungana mumandabala abo mushipansha shoonse sha cishi ca mwaami Sakisesi kwaamba ayi balwane abaabo bakalinga kusuni kubacaya. Taaku muntu wakakonsha kubakoma ceebo bamumishobo yoonse bakalinga kubaloonda abuumbi.

Esita 9:2 ပူးပေါင်းရင်းမြစ်များ

Matalikilo 35:5

Jakobo abana bakwe ndibakalinga kunyamuka, bantu ba mumandabala akalinga pafwaafwi bakanyumfwa boowa buswa kuli Lesa. Aboobo tabakwe kubakonkela ayi babalwaane.

Esita 8:11

Anu mulawo uyo wakalembwa muliina lya mwaami wakasuminisha baJuda mundabala inene yomwi ayomwi kulibungabunga akulitabilila, nkokwaamba ayi kunyonyoola, kucaya akulobya likoto lya bashilumamba boonse ba mushobo uli woonse nabi ba cipansha ca cishi cili coonse abo beenga babalwana akulwana bamakaabo abana babo. Wakabasuminisha akusaala buboni bwa balwani babo.

Esita 8:17

Mumandabala oonse amushipansha shoonse sha cishi umo mwakaambilishikwa mulawo wa mwaami, kwakaba kukondwa akusangalala pakati ka baJuda. Bakasekelela akulya shakulya shiinji. Mpeeke bantu baanji ba mishobo imwi bakatalika kupaila pantu pomwi abaJuda ceebo bakalinga kubaloonda.

Esita 9:10

nkokwaamba ayi baana basankwa likumi bakwe Amani mwanaakwe Amedata, mulwani wa baJuda. Sombi tabakwe kusaalawo buboni bwabo.

Kulumbaisha 71:13

Abo basuni kuncaya abalobelele munsoni shabo. Ee, abo basuni kuncisa abanyonyooke cakusebaana akushibulukwa.

Kulumbaisha 71:24

Ndaakunokwaamba shabululami bwanu cakupisha lisuba, mukwiinga abo bakalinga kusuni kuncisa, balenshekwa nsoni, akufulunganishikwa.

Kulonga 23:27

“Ndaakulengesha bantu beshi bakamulwaane kunoonda. Ndaakuleta shimfulunganya pabantu mbweshi mukanoolwanaabo alimwi akulengesha ayi balwani banu boonse bakanoomuloonda akucica.

Isaya 8:9

Amubungane caboowa mwebo nomishobo imwi ya bantu! Nakubi boobo mulaakupwayoolwa! Amukutike mwebo noshishi sha kulaale. Amulibambile shankondo, sombi mulaakupwayoolwa! Ee, mulaakulibamba, sombi mulaakupwayoolwa!

Dutolonomi 2:30

“Sombi mwaami Sioni wakatukasha kwiinda mucishi cakwe. Mwaami Lesa, Lesa wanu wakalinga wamulengesha bushicimpamya abwaashu, kwaamba ayi tumukoome akubwesa cishi cakwe ico ncetucikalaamo abobulya.

Joshuwa 11:20

Mwaami Lesa mwiine ngowakabalengesha cimpamya ayi balwane abene Isilaeli, kwaamba ayi abanyonyweetebo limwi akubalobya cakubula nkumbu. Ubo Mwaami Lesa mbwaakaambila Mose.

Joshuwa 2:9

akubaambila ayi, “Ndishi ayi Mwaami Lesa wakamupa cishi cino. Boonse bantu bekala mucishi cino baliloondete abuumbi ceebo ca ndimwe.