Esita 7:9 - Baibo Busansulushi Bwa Libuku Ili

⁹ Ono umwi pakati kabo wakalinga kwiitwa ayi Alibona wakaamba ayi, “Shisamu shakwaangililawo bantu shilaampa mamita ali 22 shilishimpikitwe kuŋanda yakwe Amani. Wakashishimpikila kwaangililawo Modekayi eenka uyo wakapulusha buumi bwanu nobaami.” Lyalo mwaami wakaamba ayi, “Kamuya mwaangilile Amani pali nshisho.”

Esita 7:9 ပူးပေါင်းရင်းမြစ်များ

2 Baami 9:32

Jewu wakalanga peculu akoolobesha ayi, “Ngani uli kulubasu lwangu?” Basebenshi ba kuŋanda ya bwaami bobilo nabi botatwe bakasondela pambwelyo.

Esita 1:10

Ono pabushiku bwasanu ashobilo, mwaami Sakisesi kaasangalete ceebo ca waini, wakeeta basankwa bakwe bakacaikwa lushalo bali bosanwe abobilo, nkokwaamba ayi Meyumani, Bisita, Alibona, Bigita, Abagita, Seta alimwi aKakasi.

Esita 5:14

Lyalo mukaakwe Seleshi ababye boonse bakamwaambila ayi, “Ceebonshi tamutooshimpikabo shisamu shakwaangililawo bantu shilaampa mamita ali 22? Lyalo ciilo macuunsa mukaambile Baami kwaamba ayi Modekayi acailweewo. Kuswawaawo mukaye kamusangalete abaami kukusekelela.” Makani aya akakonda Amani, aboobo wakacita bweenka ubo.

Esita 6:14

Ono kabacibandika, basankwa ba mwaami bakacaikwa lushalo bakapola mukubwesa Amani kwaamba ayi aye cakufwambaana mukusekelela kwakabamba Esita.

Esita 6:2

Mucipansha cakabelengwa mwakacanika makani apali Modekayi mbuli mbwaakaluula Bigitana aTeleshi basankwa bakacaikwa lushalo abo bakalinga kulindilila shipinda sha mwaami. Wakabaluula ndibakalinga bapinga kucaya mwaami Sakisesi.

Esita 8:7

Mpomunyaawo Mwaami Sakisesi wakaambila Esita mukaakwe aModekayi muJuda ayi, “Amubone, buboni bwakwe Amani ndakabupa Esita alimwi bakaangilila Amani ceebo cakubishisha baJuda.

Esita 9:14

Aboobo mwaami wakasumina ayi kucitwe bweenka ubo. Mulawo wakaambilishikwa mundabala inene ya Susa. Mpeeke mituntu ya bana bakwe Amani basankwa bali likumi yakaangililwa pashisamu bantu boonse kababweneeko.

Esita 9:25

Sombi makani aya akanyumfwika Esita ndyaakaya kumwaami. Lyalo mwaami wakalemba mulawo wakukasha muyeeyo wakwe Amani pabaJuda uyo wakamuboolela mwiine. Nkokwaamba ayi lakwe abana bakwe basankwa bakaangililwa pashisamu shakwaangililawo bantu.

Kulumbaisha 141:10

Bamucita shibi abacatwe kutoose twabo, ee, bacatwe sombi nebo nyindemobo kabotu.

Kulumbaisha 35:8

Ono abanyonyooke beene cakuteengashila! Abacatwe beene mukoose nkobateya ndime! Abakakulukileemo beene mucilindi akufwitaamo!

Kulumbaisha 73:19

Balaakunyonyoolwa cakufwambaana, lufu luyoosha lulaakubapyanga boonse!

Danyelo 6:24

Lyalo mwaami wakaamba ayi abo bakalinga bapa mulandu Danyelo bacatwe akuwaalwa mucilindi ca nkalamu pantu pomwi abamakaabo alimwi abana babo. Kabatana kushika apanshi lya cilindi, nkalamu shakababaka akupwayoola mafuwa abo oonse.

Danyelo 6:7

Bacinenenene bamwi, beendeleshi boonse, beshikupandaako maano abacinenenene bamwi boonse basumina kwaamba ayi mwebo nobaami mupange mulawo wakwaamba ayi, ‘Kuswa sunu kushikila bushiku bwamakumi otatwe, muntu uli woonse uyo weshi akacanike kaapaila kuli lesa umwi nabi kumuntu umwi, kulekabo ndimwe nobaami, ulaakuwaalwa mucilindi ca nkalamu.’

1 Samwelo 17:51

Mpeeke Defedi wakacica waya weemikana pamutuntu wakwe Golyati. Lyalo wakakwela mupeeni wa mwine Filisiti uyo kuswa munkomwe ya nguwo. Ndyaakamana kumucailila wakamusutula mutwi amupeeni uyo. Bene Filisiti ndibakabona ayi uyo ngobakalinga kucinkiteemo manungo wafwa, bakapiluluka akutalika kucica.