Esita 7:8 - Baibo Busansulushi Bwa Libuku Ili

⁸ Ono mwaami ndyaakapiluka kuswa mumuunda, Amani nceciindi ncakalinga kuliwaala pakalinga kushiite Esita. Lyalo mwaami wakaamba ayi, “Sa uyu muntu ulisuni akusekanya mukaangu pameenso angu, muŋanda yangu ya bwaami?” Mwaami ndyaakaambabo maswi aya, basankwa ba mwaami bakacaikwa lushalo bakafweka Amani kumeenso.

Esita 7:8 ပူးပေါင်းရင်းမြစ်များ

Esita 1:5

Kuswawaawo, mwaami wakabambila bantu boonse bakalinga mundabala inene ya Susa kusekelela. Wakabambila babile abakandu kusekelela uko kwakatola nshiku shosanwe ashobilo mulubansa lwa ŋanda ya bwaami.

Esita 1:6

Lubansa lwakaboteshekwa ashisani shakushitilishisha sha busalu buboneka anga ndiculu abutuba isho shakalinga kwaangitwe antaambo sha busalu buteshimite bufubelafubela. Ntaambo isho shakalinga kwaangitwe kuninga sha silifa isho shakalinga kumacinko amabwe akuyakisha. Malo a golodi asilifa akabikwa mulubansa ulo lwakaboteshekwa panshi amabwe akuyakisha atuba amabwe amakwebo amwi apusenepusene.

Esita 6:12

Kuswawaawo Modekayi wakaboolela kumwinjililo wa ŋanda ya bwaami, sombi Amani wakaboolela kuŋanda yakwe ciwa kacilokete kunsoni.

Esita 7:10

Aboobo Amani wakaangililwa pashisamu isho nshaakashimpikila Modekayi. Lyalo abukali bwa mwaami mpobwakamanina.

Jobo 9:24

Cishi na capekwa mumaansa abantu babiibi, Lesa ulacala meenso a boomboloshi ayi bataboni. Ono na teshi nguwe wakacicita, ingayi ngani weenga wacita boobo?

Isaya 22:17

Cenjela, Mwaami Lesa ulisuni kukubwesa akukusowelabo kulaale, webo omuntu shinkusu.

Isaya 49:23

Bamaami basankwa balaakuba anga mbobameeshiwanu. Abalo bamaami banakashi balaakuba anga mbobamanyinawanu. Ncakwiila balaakunoofukama kunembo lyanu cakushisha shiwa panshi. Balaakunoomyanguta alusuko kushimpanta shanu. Lyalo mulaakwishiba ayi nebo ncakwiila ndi Mwaami Lesa. Abo balangila lucafwo kuswa kuli ndime teshi bakalensekwewo nsoni.”

Amosi 3:12

Mwaami Lesa waamba ayi, “Bweenka mweembeshi kuswa mukanwa ka nkalamu mbwaapulushakobo mafuwa akumyeendo yobilo ya mbelele nabibo kapansha ka kutwi, mbweeke ubo bene Isilaeli mbweshi bakapulushikwe. Ncakwiila mbweshi bakapulushikwe abo bashiite kweela malo abo muSamaliya ee, abaabo bashiite pashuuna shabo shibotu kuDamasikasi.”

Maako 14:65

Mpomunyaawo bamwi bakatalika kumushipila mate, bamufweka pameenso, bamuuma akumwiipusha ayi, “Twaambile na inga wamwishiba wakuuma?” Abalo beshikulindilila bakeendililabo kunomuuma makoofi.