Esita 3:5 - Baibo Busansulushi Bwa Libuku Ili

⁵ Ono Amani ndyaakabona ayi ncakwiila Modekayi wakaka kumufukamina mukumulemeka, wakakalala abuumbi.

Esita 3:5 ပူးပေါင်းရင်းမြစ်များ

Esita 1:12

Sombi basebenshi ndibakamwaambila ico cakaamba mwaami, Fashiti wakakaka. Aboobo mwaami wakakalala abuumbi.

Esita 3:2

Anu bacinenenene boonse ba mwaami abo bakalinga kwikala kumwinjililo wa mwaami bakalinga kufukamina Amani mukumulemeka ceebo mwaami mbwaakabalwiita. Sombi Modekayi lakwe wakakaka kucita boobo.

Esita 3:4

Bushiku abushiku bakalinga kumwaambila pamakani aya. Sombi lakwe wakalinga kukaka kubanyumfwila. Modekayi wakabaambila ayi, “Nebo ndi muJuda. Aboobo shikoonshi kufukamina Amani, sobwe.” Lyalo bakaambila Amani makani ayo kwaamba ayi babone na inga wakondwa amicito yakwe Modekayi.

Esita 5:9

Bushiku ubo Amani ndyaakaswa mukusekelela uko, wakalinga kukondetwe alimwi wakalinga kusangalete abuumbi. Sombi ndyaakabona Modekayi pamwinjililo wa ŋanda ya bwaami kaashiite, alimwi ayi taakwe kunyamuka nabi kutondesha bulemu ndyaakalinga kwiinda, Amani wakakalala abuumbi.

Jobo 5:2

Ncakwiila bukali bulacaya muluya, awalo munyono ulacaya bataaku mbobabete.

Kulumbaisha 37:12

Bamucita shibi balapinga kucaya baluleme, balalumanya meeno kubukali pali mbabo.

Tushimpi 12:16

Na muluya wakalala ulafwambaana kutondesha bukali bwakwe, sombi ucenjete uloongulushabo na watukanwa.

Tushimpi 19:19

Na muntu ngwa kamoyo kaniini muleke alibonene, ceebo wamufuna, ulaakucibooshawo.

Tushimpi 21:24

Muntu shikulisumpula alimwi ulyuuma mucaamba wiitwa ayi, “Shikucelebula,” ngumuntu ucita shintu shakulisumpula lyoonsebo.

Shikushimikila 10:6

Baluya ulababika mumisena yapeculu, sombi babile ulababoosha panshi peene.

Danyelo 3:19

Mpomunyaawo Nebukadinesa wakakalala abuumbi pali Shadileki, Mishaki aAbedinego. Ncakwiila ciwa cakwe cakasanduka ceebo ca bukali. Lyalo wakalwiita basebenshi bakwe ayi babike mulilo mumunyumbi akulengeshaamo kulungula kwiinda mbomuba lyoonse mankanda ali osanwe aobilo.