Esita 2:18 - Baibo Busansulushi Bwa Libuku Ili

¹⁸ Mpomunyaawo mwaami wakabamba kusekelela kunene mukulemeka Esita akutamba bacinenenene abeendeleshi bakwe. Bushiku ubo wakabwaamba ayi mbwakookesha mushipansha shoonse sha cishi cakwe akupa bantu shipo camoyo woonse kweelana abwakalinga kupa bamaaminyina.

Esita 2:18 ပူးပေါင်းရင်းမြစ်များ

Matalikilo 29:22

Aboobo Labani wakabamba bwiinga akwiita bantu boonse.

Neyemiya 8:11

Bene Lefi bakoomusha bantu boonse ayi, “Amuumune, ceebo bushiku bwasunu mbushiku busalalite. Mutoongumani, sobwe.”

Esita 1:7

Shakunwa shakaabwa munkomeshi sha golodi shipusenepusene alimwi waini wa bwaami wakaabwa uunji ceebo ca bwaabi bwa mwaami.

Esita 9:22

mukwiinga nshenshiku baJuda nshebakalifuna kubalwani babo. Uyo ngomweenshi wakuungumana abuumba uyo wakasandamunwa kuba mweenshi wakusekelela akusangalala. Wakabalembela ayi nshiiku isho shibe shakusekelela akusangalala, kupaana shipo sha shakulya alimwi akupa bakandu shakulya.

Lwiimbo lwakwe Solomoni 3:11

Amuswe nobanakashi ba kuSiyoni. Kamwisa mweebele mwaami Solomoni. Kamwisa mubone mushini wa bwaami ngwaafwete kumutwi uyo wakamushiila banyina ayi afwale pabushiku bwa bwiinga bwakwe. Ncakwiila pabushiku ubo moyo wakwe ndiwakasangalala abuumbi.

Lwiimbo lwakwe Solomoni 5:1

Omweensuma, onabwiinga wangu, ndenjila mumuunda wangu. Ndayobolola mule atununkila kabotu tumwi mubuyani. Ndalya mpuma shangu sha buuci. Ndanwa waini amukupa wangu. Amulye nobeensuma, musangalale alimwi munwe kushikila mukolwe kulusuno!

Mateyo 22:2

“Bweene bwa kwiculu bulikoshenye amwaami umwi wakabambila mwanaakwe musankwa bwiinga.

Maako 6:21

Sombi bushiku bumwi ndibakalinga kusekelela bushiku bwa kushalwa kwakwe Elodi, Elodyasi wakamulya coolwe Joni. Pabushiku ubo, Elodi wakatamba bamanene mubweendeleshi bwakwe, bamatanjilili ba bashilumamba alimwi abamaloba babile ba kuGalili.

Luka 14:8

“Na muntu wakwiita kubwiinga, tabashikili kwikala pacuuna ca bulemu mukwiinga inga muntu uyo anu wakeeta muntu umwi wiinda ndiwe bulemu.

Ciyubululo 11:10

Bantu ba mucishi ca panshi balaakusangalala ceebo ca lufu lwa bakamboni bobilo aba. Balaakusekelela akupaana shipo mukwiinga balaluki bobilo aba bakaleta mapensho anene abuumbi kubantu.

Ciyubululo 19:9

Mpomunyaawo munjelo wakandwiita ayi, “Ulembe ayi balicite coolwe abo bakatambwa kubwiinga bwa Mwanaambelele.” Alakwe munjelo wakanungaawo ayi, “Aya ngamaswi alushinisho akwe Lesa.”

1 Samwelo 25:8

Ipusha basebenshi bako, balakulwiita. Ono bulya mbotwesa ciindi ndyekuli kusekelela twaseenga mututambule kabotu akutupaawo cili coonse nceenga kamucite sobasebenshi banu pantu pomwi aDefedi mweenshinyinaanu.”