Esita 2:12 - Baibo Busansulushi Bwa Libuku Ili

¹² Ono mooye womwi awomwi kaatana kutolwa kumwaami Sakisesi, wakalinga kweelete kumanisha mwaaka kaanana mafuta kwaamba ayi abote. Myeenshi yosanwe awomwi itaanshi wakalinga kunana mafuta a mule, lyalo myeenshi yosanwe awomwi imwi, wakalinga kunana mafuta anunkila kabotu eetwa ayi bolisamu.

Esita 2:12 ပူးပေါင်းရင်းမြစ်များ

Esita 2:11

Anu nshiku shoonse Modekayi wakalinga kwiindaana kufwaafwi alubansa lwa musena wa banakashi uyo kwaamba ayi eshibe Esita mbwaakalinga kubuka ashakalinga kucitika kuli nguwe.

Esita 2:13

Ono mooye pakutolwa kuŋanda ya bwaami kuswa kumusena wa banakashi, wakalinga kufwala shakufwala ashakulibotesha shili shoonse nsheenga wasuna.

Esita 2:3

Anu nobaami amusale bacinenenene mushipansha shoonse sha bwaami bwanu kwaamba ayi bakabunganye bamyooye babotu abo kumusena wa banakashi banu kundabala inene ya Susa. Bakabikwe mumaansaakwe Egayi, musankwa wakacaikwa lushalo uyo ulama banakashi banu nobaami. Lyalo anoobapa mafuta akunananana kwaamba ayi babote.

Esita 2:9

Mooye uyu wakakonda Egayi abuumbi. Aboobo wakafwambaana kumupa mafuta akunananana kwaamba ayi abote alimwi ashakulya shibotu. Wakamupa abasebenshi banakashi bosanwe abobilo bakasalwa kuswa kuŋanda ya bwaami akumubika pantu pomwi ambabo mumusena wiindaawo kubota mumusena wa banakashi uyo.

Tushimpi 7:17

Ndabusanseela mafuta anunkila kabotu eetwa ayi mule, amwi ayi aloyi aamwi ayi sinamoni.

Lwiimbo lwakwe Solomoni 3:6

Ngani uyu utooswa muluyanga, uyu uli anga mbwiishi butooya mwiculu? Ngani uyu utoonunkila kabotu ceebo ca mafuta a mule amafuta a tununkila kabotu ayo akapangwa kutununkila kabotu toonse twa beshimakwebo?

Isaya 3:24

Ono mumusena wakununkila mafuta abotu, balo balaakunoonunka nkasaalo. Mumusena wakufwala laamba wiine, balo balaakunoofwala looshi. Mumusena wakuba amisusu ibambitwe kabotu, balo nkuba alubala. Mumusena wakufwala shakufwala shibotu, balo balaakufwala sha masempele alimwi mumusena wakuboneka kabotu, balo balaakunoolensha nsoni.

Isaya 57:9

Mulalinaneeka mafuta eendaawo kununkila amafuta amwibo akuya mukulambila lesa Moleki. Kulangoola balesa abo mulacita kutuma beshinkombe banu kulaale ee, cakubatumabo nabi kushuumbwe kwiine.