Esita 1:3 - Baibo Busansulushi Bwa Libuku Ili

³ Mumwaaka watatu wa bwaami bwakwe, wakabambila bacinenenene bakwe boonse kusekelela. Abalo bamatanjilili ba bashilumamba ba kuPesha akuMediya, beendeleshi alimwi abamatanjilili ba shishi shoonse isho bakalingaako.

Esita 1:3 ပူးပေါင်းရင်းမြစ်များ

Matalikilo 40:20

Pakusekelela bushiku bwakushalwa kwakwe kapeendite nshiku shotatwe, Falawo mbwaakapangila bacinenenene ba mubweendeleshi bwakwe. Wakakusha shikulama waini amunene wa beshikupanga shinkwa muntolongo akubeemika kunembo lya bacinenenene abo.

1 Baami 3:15

Solomoni wakapapuka akwishiba ayi Lesa walinga kwaamba anguwe muciloto. Mpeeke wakaya kuJelusalemu waya weemikana kunembo lya Libokoshi lya Cipangano lya Mwaami Lesa akubenga milambu yakutenta aya bwanabwankashi kuMwaami Lesa. Kuswawaawo bacinenenene bakwe boonse bakaba akusekelela uko mwaami nkwaakabapangila.

Esila 1:2

Wakalemba ayi, “Uku nkokwaamba kwangu nebo neSailasi mwaami wa bene Pesha. Mwaami Lesa, Lesa wa kwiculu, wampa nkusu shakulela cishi ca panshi coonse alimwi ashakuyaka Ŋanda yakwe muJelusalemu mucishi ca Juda.

Esita 1:14

Bantu mbwaakalinga kwiita pamakani amushobo wooyu nguKashena, Sheta, Adimata, Tashishi, Melesi, Masena alimwi aMemukani. Abo bakalinga mbobacinenenene bali bosanwe abobilo ba kuPesha aMediya alimwi abo bakalinga kucite shuuna shiindaawo mubwaami bwakwe.

Esita 1:4

Kwanshiku shili 180 wakalinga kubonesha buboni bwa bwaami bwakwe bukankamanisha akukomena kwa bulemu bwa mbubo.

Esita 2:18

Mpomunyaawo mwaami wakabamba kusekelela kunene mukulemeka Esita akutamba bacinenenene abeendeleshi bakwe. Bushiku ubo wakabwaamba ayi mbwakookesha mushipansha shoonse sha cishi cakwe akupa bantu shipo camoyo woonse kweelana abwakalinga kupa bamaaminyina.

Esita 3:7

Ono mumweenshi wakutaanguna, mweenshi wiitwa ayi Nisani, mumwaaka walikumi ayobilo mubwaami bwakwe Sakisesi, Amani wakaambila bantu ayi boome cisolo ico ncebakalinga kwiita ayi Pulimu kunembo lyakwe, ayi bacane bushiku amweenshi weelete kusebensa mulimo uyu. Cisolo cakawita pabushiku bwalikumi anshiiku shotatwe mumweenshi walikumi ayobilo uyo wiitwa ayi Ada.

Isaya 21:2

Ndakabona shintu shiyoosha mucili anga nciloto. Shikwaaba babye, kaabaaba alakwe shikusaala, kaasaala. Nobene Elamu amulwane! Nobene Mediya amushinguluke mandabala! Ndaakumanisha mapensho oonse bene Babiloni ngobakalengesha ayi acitike.

Jelemiya 51:11

Mwaami Lesa waamba ayi, “Amunone masumo, mubese amayawo! Nebo neMwaami Lesa ndasonkomona bamaami bene Mediya mukwiinga ndiimfwibo pakunyonyoola Babiloni. Ndaakuboosha cishole ceebo ca Ŋanda yangu.

Danyelo 5:1

Bumwi bushiku mwaami Beloshasa wakeeta bacinenenene bali cuulu kwisa mukusekelela kunene abuumbi. Lyalo Beloshasa wakanwaabo waini.

Danyelo 5:28

“PASINI, nkwaamba ayi bulelo bwanu bwabaanishikwa akupekwa kubene Mediya alimwi abene Pesha.”

Danyelo 6:1

Lyalo Dalyasi wakayeeya kusala beendeleshi bali mwaanda amakumi obilo kwaamba ayi banoocafwa kweendelesha bwaami bwakwe.

Danyelo 8:20

“Mbelele isankwa icite meeca obilo njewabona, ileemikanina bulelo bwa bene Mediya abwa bene Pesha.

Maako 6:21

Sombi bushiku bumwi ndibakalinga kusekelela bushiku bwa kushalwa kwakwe Elodi, Elodyasi wakamulya coolwe Joni. Pabushiku ubo, Elodi wakatamba bamanene mubweendeleshi bwakwe, bamatanjilili ba bashilumamba alimwi abamaloba babile ba kuGalili.