Esila 9:3 - Baibo Busansulushi Bwa Libuku Ili

³ Ono ndindakanyumfwa boobo, ndakakwamoona shakufwala shangu akunonkola misusu alimwi andesu shangu mubukali. Lyalo ndakekala panshi mubuumba bunene abuumbi.

Esila 9:3 ပူးပေါင်းရင်းမြစ်များ

2 Samwelo 1:11

Mpomunyaawo Defedi abashilumamba bakwe boonse bakakwamoona shakufwala shabo kubuumba.

2 Baami 18:37

Lyalo Eliyakimu mwanaakwe Ilikiya uyo wakalinga kweendelesha ŋanda ya bwaami, Shebina uyo wakalinga mulembi alimwi aJowa mwanaakwe Asafu uyo wakalinga mulembi wa makani a buleelo bakakwamoona shakufwala shabo kubuumba. Mpeeke bakaya mukulwiita mwaami Esekiya isho shakaamba mutanjilili wa bashilumamba ba bene Asilya.

Neyemiya 1:4

Mpeeke ndindakanyumfwa boobo, ndakekala panshi akulila. Ndakalila akulikasha kulya kwanshiku shiinji kunembo lyakwe Lesa wa kwiculu.

Neyemiya 13:25

Lyalo ndakabakalalila, kubashingana, bamwi ndakabooma akubanonkoola misusu. Ndakabaambila ayi bashomeshe cakulumbila ayi balo abana babo teshi bakacibooshewo kweebana abaswamashi.

Jobo 1:20

Mpomunyaawo Jobo wakanyamuka akukwamoona shakufwala shakwe ceebo ca buumba. Mpeeke wakalikulula misusu, waliwaala panshi mukulambila akupaila ayi,

Kulumbaisha 119:53

Ndakalala abuumbi pakubona bantu babiibi, bantu babiibi abo batakonkeli milawo yanu.

Kulumbaisha 143:4

Aboobo moyo wangu watyongola, ncakwiila moyo wangu woongumana.

Kulumbaisha 66:3

Amwaambile Lesa ayi, “Shintu nshemucita shilakankamika abuumbi. Nkusu shanu nshinene abuumbi cakwaamba ayi balwani banu balafukama kunembo lyanu mukuloonda.

Isaya 15:2

Bantu bamundabala ya Diboni baya kuŋanda ya lesa wabo. Ee, kumisena yakulambililaako balesa babo kuya mukulila. Bene Moabu abo batoolila ndabala ya Nebo aMedeba. Mutwi wa muntu womwi awomwi wakululwa ashalo ndesu sha basankwa boonse shaceswa.

Jelemiya 36:24

Nabi mwaami abacinenenene bakwe boonse abo bakanyumfwa maswi oonse aya tabakwe kuloondaawo nabi kukwamoona shakufwala shabo kutondesha ayi bali mubuumba, sobwe.

Jelemiya 7:29

“Amucese misusu yanu mwiisoowe. Amwiimbe lwiimbo lwakulila pakalundu katacitewo bwiisu ceebo nebo neMwaami Lesa ndakalala abuumbi akumukaka mwebo nobamulunyungu lwa bantu bangu.”

Esekelo 3:15

Kuswawaawo ndakaya mukushika kuTelo Abibi kufwaafwi a Mulonga wa Keba uko kwakalinga kwikala basha. Kumusena uko ndakekalakobo nshiku shosanwe ashobilo kaancikankamana pasheesho nshendakabona.

Esekelo 7:18

Balaakufwala masaka akututuma kuboowa. Balaakunyumfwa nsoni amitwi yabo ilaakukululwa.

Danyelo 4:19

Ono Danyelo uyo wiitwa ayi Beloteshasa wakakankamana abuumbi pacikani ico cakwaalilwa kwaambaawo. Aboobo mwaami Nebukadinesa wakamwaambila ayi, “Beloteshasa, ciloto ico abusansulushi bwa ncico butakuloondeshi, sobwe.” Mpomunyaawo Beloteshasa wakakumbula ayi, “Nobaami bangu, nicabota ciloto ici abusansulushi bwa ncico kashaamba pabalwani banu kuteshi ndimwe, sobwe.

Danyelo 8:27

Nebo neDanyelo mubili wakatyolooka abuumbi akuciswa kwanshiku shiinji. Lyalo ndakanyamuka akuboola kumulimo uyo wakampa mwaami. Sombi cili anga nciloto ico cakampensha abuumbi mumoyo alimwi ndakaalilwa kucinyumfwisha.

Bene Lefi 21:5

“ ‘Taaku mupailishi weelete kucesa misusu, kuceesha ndesu nabi kulinengoola pamubili kwaamba ayi aboneshe ayi ulicite cililo.

Mika 1:16

Nobene Juda, amukulule mitwi yanu mukulila ceebo ca bana banu abo mbomusunishi. Amulikulule minkunyu akuba anga ndikubi ceebo balaakumushiya akutolwa mubusha.

Joshuwa 7:6

Lyalo Joshuwa abamaloba ba bene Isilaeli bakakwamoona shakufwala shabo mubuumba, kuliwaala panshi kunembo lya Libokoshi lya Cipangano ca Mwaami Lesa akunooletebo peenka apo kushikila macolesha. Mpeeke bakalitukweeta alusuko pamitwi yabo.