Esila 1:4 - Baibo Busansulushi Bwa Libuku Ili

⁴ Na bantu bakwe bamwi bali mushishi sha busha kabasuni kucafwikwa ayi baboolele kumishaabo, beshikamukobonyinaabo balyeelete kubacafwa. Balyeelete kubapa silifa, golodi, shakulya, shifubwa alimwi ashipo sha kuŊanda yakwe Lesa muJelusalemu.”

Esila 1:4 ပူးပေါင်းရင်းမြစ်များ

1 Makani 29:17

Ndishi kwaamba ayi mulabonabona mumoyo wa muntu uli woonse alimwi mulakondwa bantu bacite myoyo yakushomeka. Shintu shoonse ishi ndashipa cakulyaaba alimwi amoyo womwi. Ono bulya ndasangalala kubona abalo bantu banu baliiwo pano mbobapa cakulyaaba.

1 Makani 29:3

Ono kwiilika pashintu shoonse nshindaamba, ndabenga silifa agolodi kuswa pabuboni bwangu mukwiinga walusuno ndooncite paŊanda yakwe Lesa, Lesa wangu.

1 Makani 29:9

Bantu boonse bakasangalala abuumbi kubona bamatanjilili mbobakapa kuMwaami Lesa cakulyaaba alimwi camyoyo yoonse. Ncakwiila alakwe Defedi wakasangalala abuumbi.

2 Makani 31:14

Kole mwanaakwe Imuna mwine Lefi, shikulindilila Mwinjililo wa Kwicwe ngowakalinga kutambula shipo shakulyaaba isho shakalinga kupekwa kuli Lesa akubaanya shipo shoonse shakabengwa kuMwaami Lesa.

Esila 1:3

Lesa abe amwebo noonse nomuli mumaansaakwe. Mulyeelete kuya kuJelusalemu mukuyaka Ŋanda ya Mwaami Lesa, Lesa wa bene Isilaeli, Lesa ulambilwa muJelusalemu.

Esila 1:5

Aboobo bamanene ba shipani sha mumukowa wakwe Juda awakwe Benjameni, bapailishi abene Lefi alimwi abaabo boonse Lesa mbaakalengesha myoyo kupya, bakalibambila kuya mukuyaka Ŋanda ya Mwaami Lesa muJelusalemu.

Esila 9:15

NoBaami baLesa, baLesa ba bene Isilaeli ndimwe mululeme! Nakubi boobo mwatusuminisha kunoocili boomi. Ono twalyaambilila shibiibi shesu panembo lyanu, nakubi kwaamba ayi tatweelete kwiimikana pameenso anu ceebo ca nshisho.’ ”

Kulonga 35:29

Boonse bene Isilaeli abo bakasuna kubenga, bakaleta shipo shabo kuMwaami Lesa kwaamba ayi basebenseshe kumilimo iyo njaakaambila Mose ayi bakacite.

Isaya 10:21

Bene Isilaeli baniini beshi bakacaaleewo, balaakusandukila kuli Lesa wabo Shinkusu shoonse.

Milimo ya Batumwi 24:17

“Ceebo peenda myaaka iinji ndindakaswa kuJelusalemu, ndakayaako mukutola shipo sha maali kubaJudama bamwi bakandu, alimwi akupa shipo shimwi kuli Lesa.

Bene Galatiya 6:2

Amucafwane kunyamuna shimulemena. Na mwacita boobo, nkokwaamba ayi mwakonkela mulawo wakwe Klistu.