3 Lesa abe amwebo noonse nomuli mumaansaakwe. Mulyeelete kuya kuJelusalemu mukuyaka Ŋanda ya Mwaami Lesa, Lesa wa bene Isilaeli, Lesa ulambilwa muJelusalemu.
Bantu ndibakabona shoonse ishi, bakaliwaala panshi akwaamba ayi, “Mwaami Lesa ngoLesa! Mwaami Lesa ngoLesa!”
wapaila ayi, “NoBaami baLesa, baLesa ba bene Isilaeli, taaku lesa uli mbuli ndimwe mwiculu nabi pacishi ca panshi! Mwebo mulacita kweelana acipangano ncemwapanga abantu banu, akubabonesha lusuno lwanu na bekala mukunyumfwila ndimwe camoyo woonse.
Mwaami Defedi wakaambila Solomoni mwanaakwe ayi, “Ulyeelete kuyuma akulishoma alimwi ukacite mulimo uyo. Utakaloondi nabi kutyongola mukwiinga Mwaami Lesa, Lesa wangu, uli awebo. Teshi akakulekelesheewo, sombi ulaakunooli awebo kushikila ukamanishe kuyaka Ŋanda yakwe.
Na bantu bakwe bamwi bali mushishi sha busha kabasuni kucafwikwa ayi baboolele kumishaabo, beshikamukobonyinaabo balyeelete kubacafwa. Balyeelete kubapa silifa, golodi, shakulya, shifubwa alimwi ashipo sha kuŊanda yakwe Lesa muJelusalemu.”
Sombi Selubabelo, Jeshuwa abamwi boonse bamanene ba shipani sha mikowa ya bene Isilaeli bakabakumbula ayi, “Tamucitemo lubasu mukuyakila Lesa wesu Ŋanda. Tulaakuyakila Mwaami Lesa, Lesa wa bene Isilaeli sobene bweenka Sailasi mwaami wa kuPesha mbwaakatwaambila.”
Nakubi boobo, mwaaka wakutaanguna wa bweendeleshi bwakwe Sailasi mwaami wa bene Babiloni, mwaami ngowakapa mulawo wakwaamba ayi Ŋanda yakwe Lesa iyi iyakwe alimwi.
Paciindi ici Tatenayi mweendeleshi wa kwitala lya Mulonga wa Yufuletisi, Sheta Bosenayi abacinenenenenyinaabo bakabeendela akubeepusha ayi, “Ngani wamupa nkusu shakuyaka Ŋanda yakwe Lesa iyi alimwi alubumbu ulu?”
Mutafulunganyi mulimo wakuyaka Ŋanda yakwe Lesa uyo. Amuleke mweendeleshi wa baJuda abamaloba babo bayake alimwi iyi Ŋanda iyakwe peenka pamusena wakalekale.
Mwaami Lesa wakasala Siyoni, kwaamba ayi ŋanda yakwe ibe mumo.
Abeshibe ayi ndimwe nomucite liina lya Mwaami Lesa, ndimwe nweenka nobaLesa ba kwiculu Beendaawo mucishi coonse ca panshi.
“NoBaami baLesa beShinkusu shoonse, baLesa ba bene Isilaeli, ee, nomucite cuuna ca bwaami pakati ka bakelebu, mwebo nweenka ndimwe baLesa abo balela malelo oonse a pacishi ca panshi. Mwakalenga liculu acishi ca panshi.
Ndime ŋamba pamwaami Sailasi ayi, ‘Ngumweembeshi wangu alimwi ulaakucita shoonse nsheensuni. Ncakwiila ngweshi akaambe pandabala ya Jelusalemu ayi ndabala inene ya Jelusalemu aiyakululwe alwalo lwiimbi lwa Ŋanda yakwe Lesa aluyakwe.’ ”
“Nebo ndime Mwaami Lesa, taaku aumwi. Ncakwiila taaku lesa aumwi kulekabo ndime. Ndaakukupa nkusu nabi toonshiiwo.
Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.
Kuswawaawo mwaami Nebukadinesa wakaambila Danyelo ayi, “Ndushinisho Lesa wako nguLesa wa balesa, nguMwaami wa bamaami alimwi nguLesa uyubulula shishisitwe. Ndaamba boobo ceebo wacikonsha kunjubulwita shishisitwe ishi.”
“Ndapa mulawo mubwaami bwangu boonse ayi muntu womwi awomwi ulyeelete kuloonda akulemeka Lesa wakwe Danyelo. “Lakwe ngoLesa muumi weshi akabeeko kwalyoonse alyoonse. Bwaami bwakwe teshi bukanyonyoolweewo alimwi bulelo bwakwe teshi bukamaneewo.
Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”
Mwebo mulishi makani ayo Lesa ngaakatuma kubene Isilaeli, akushimikila Makani Abotu aluumuno muli Jesu Klistu, Mwaami wa bantu boonse.
Balwani babo balishi ayi balesa babo balilefukite, tabacite nkusu mbuli Lesa wa bene Isilaeli.
Kutalubaako ayi ndakulwiita ayi ulyeelete kuyuma akulishoma. Utakaloondi nabi kutyongola, ceebo nebo neMwaami Lesa, Lesa wako ndanooli awebo kuli koonse nkweshi ukaye.”