Esekelo 9:2 - Baibo Busansulushi Bwa Libuku Ili

² Mpomunyaawo ndakabona basankwa bosanwe awomwi kabaswita kulubasu lwa mwinjililo wa peculu ulangite kumatwa, womwi awomwi kaacite cilwanisho cicaya. Pabantu aba pakalinga amuntu wakalinga kufwete shakufwala sha nsalu iteshimite uyo wakalinga kucite shilembesho palubasu lwakwe. Bakenjila akwiimikanina kulubasu lwa cipaililo ca bulonse.

Esekelo 9:2 ပူးပေါင်းရင်းမြစ်များ

Esekelo 10:2

Mpomunyaawo Mwaami Lesa wakaambila muntu uyo wakalinga kufwete shakufwala sha nsalu iteshimite ayi, “Koya unjile pakati ka mawilo munshaabakelebu. Bwesa makalangasha a mulilo pakati ka bakelebu akwaasansaanya mundabala.” Lyalo wakenjila kaamubwene.

Bene Lefi 16:4

Kaatana kwiinjila muMusena Usalalite Wiindaawo, ulyeelete kusamba akufwala shakufwala sha bupailishi, nkokwaamba ayi mungaanjo wa cisani citeshimite, kaputula kamukati ka cisani citeshimite, laamba alimwi acisani cakumutwi.

Ciyubululo 15:6

Baanjelo abo bosanwe abobilo bakalinga kucite myaalu ili yosanwe ayobilo, bakaswa muŊanda yakwe Lesa, kabafwete shisani shibekabeka shituba. Pashaamba shabo bakalyaanga tweela twa golodi.

2 Baami 15:35

Nakubi boobo misena yakulambililaako ya patulundu taikwe kunyonyoolwa. Aboobo bantu bakatolelela kubenga milambu akuya mukutenta tununkila kabotu uko. Jotamu ngowakayaka Mwinjililo wakumatwa wa Ŋanda yakwe Lesa.

Jelemiya 26:10

Ono bacinenenene ba bene Juda ndibakanyumfwa cikani ico bakaswa kuŋanda ya bwaami akuya kuŊanda ya Mwaami Lesa. Lyalo bakekala mumisena yabo kumulyango wa Mwinjililo Upya.

Jelemiya 25:9

ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 1:15

Ntooyanda kwiita mishobo yoonse ya kumatwa. Bamaami babo balaakwisa akubika shuuna shabo sha bwaami kumanjililo akumilyango inene ya kuJelusalemu. Balaakushinguluka mumbu shakwe shoonse amandabala oonse a mucishi ca Juda.

2 Makani 27:3

Jotamu ngowakayakulula Mwinjililo wa Peculu wa Ŋanda yakwe Lesa alimwi akusebensa milimo iinji pakuyaka lubumbu lwa mundabala mumusena wa kuJelusalemu wiitwa ayi Ofelo.

2 Makani 4:1

Mwaami Solomoni wakayaka cipaililo ca bulonse cakalinga mamita ali 9 mumbasu shoonse alimwi amamita 4.5 kuya mwiculu.

Kulonga 40:29

alimwi mpekaawo kunembo lya cisani cakushitilisha, wakabikawo cipaililo cakutentelawo milambu. Pali ncico, wakatentelaawo mulambu wakutenta alimwi acipo ca fulaulo kweelana abwakamwaambila Mwaami Lesa.

Esekelo 9:3

Lyalo mumuni utowa uyo utondesha bulemu bwakwe Lesa wa bene Isilaeli wakanyamuka akuya mwiculu kuswa pabakelebu apo mpowakalinga kwikala akuya mukushika kumwinjililo wa Ŋanda yakwe Lesa. Mpomunyaawo Mwaami Lesa wakeeta muntu uyo wakalinga kufwete shakufwala sha nsalu iteshimite uyo wakalinga kucite shilembesho palubasu

Esekelo 9:11

Mpeeke muntu uyo wakalinga kufwete shakufwala sha nsalu iteshimite alimwi ucite shilembesho palubasu wakesa mukuluula ayi, “Ndaciita kweelana ambomwakantuma.”

Danyelo 10:5

Ndakeenamuka akubona muntu wakalinga kufwete shakufwala sha nsalu iteshimite alimwi alamba wa golodi wiine wiine kaaimfwi kunembo lyangu.

Danyelo 12:6

Lyalo womwi pakati ka bantu abo wakeepusha wooyo wakalinga kufwete shakufwala sha nsalu iteshimite uyo wakalinga kwiimfwi peculu lya maanshi a mumulonga ayi, “Citooba ciindi cilaamfu buyani, shintu ishi shiloondesha kashitana kucitika cancinencine?”

Jelemiya 4:6

Amulishe mapeenga kulwiita bantu ayi bacicile kuSiyoni. Amucice bweenka bulya cakutacelwa kwaamba ayi mupuluke ceebo ntooleta mapensho abiibi kuswa kumatwa ee, ntooleta kunyonyoolwa kuyoosha.”

Esekelo 8:3

Wakatandabika cakalinga kuboneka anga ndyaansa akunyamwita kumisusu. Mpomunyaawo mucili anga nciloto ico, Mushimu wakwe Lesa wakanyamuna kuntola pakati ka liculu acishi ca panshi akuntola kuJelusalemu. Wakantola kumulyango wa mwinjililo wa kumatwa wa lubansa lwa mukati lwa Ŋanda yakwe Lesa. Kumulyango uko kwakalinga kwiimfwi cibumbwabumbwa cakalinga kukalasha Mwaami Lesa.

Amosi 9:1

Ndakabona Mwaami Lesa kaaimfwi pacipaililo. Wakaamba ayi, “Amuume macinko a Ŋanda yakwe Lesa kwaamba ayi cipinda cakumwinjililo coonse citenkaane. Mwaawishile pamitwi ya bantu. Taaku nabi womwi eshi akaloboke, ee, taaku nabi womwi eshi akapuluke.