Esekelo 7:7 - Baibo Busansulushi Bwa Libuku Ili

⁷ Meelelesho ashikila pali ndimwe nobantu nomushiite mucishi ici. Ciindi cashikila, bushiku buli pafwaafwi, bushiku bwakupilingana peculu lya tulundu kuteshi kusangalala.

Esekelo 7:7 ပူးပေါင်းရင်းမြစ်များ

Matalikilo 19:15

Kumuyamaca baanjelo bakatalika kwaambila Loti ayi, “Endesha bwesa mukaako abana bako banakashi musweemo muno kwaamba ayi mutafwiti kuntu komwi. Mwaami Lesa utoonyonyoola musena uno.”

Matalikilo 19:24

Mpomunyaawo Lesa wakalosha mulilo wa salufa paSodoma aGomola

Isaya 13:22

Mushiyubilo shakwe sha mabwe mulaakunoolilabo basuntwe abalo baumpe mbweshi bakanookalabo mumaandaakwe abotu abwaami. Ciindi cakunyonyoolwa kwa Babiloni cashikila, ashalo nshiku isho tashicibete kulaale.”

Isaya 16:10

Kusangalala uko kwalinga kunyumfwika mumyuunda ya shisepo kwakushikwaamo. Bulya taaku utokwiimba nabi kooloma mumyuunda ya minyansa. Taaku utootyana minyansa kushilindi shakutyaninaamo, ee, mukwiinga Lesa wacalila kooloma mumyuunda ya minyansa.

Isaya 17:14

Macolesha kabaloondesha! Sombi na bwaca macuunsa bacica. Anu ubo mbweshi cikabe kubaabo boonse batusaala, ee, kubaabo batubwesela buboni.

Isaya 22:5

Mwaami Lesa, ee, Mwaami Lesa Shinkusu shoonse wabamba bushiku, ncakwiila bushiku bwa mapensho, kulyatoolwa alimwi buyoosha muCinyika ca cili anga Nciloto. Bulaakuba bushiku bwakupumununa lilinga lya ndabala alimwi bwakulilila kutulundu.

Jelemiya 20:7

NoBaami baLesa, mwakancenjeeka anebo ndakacenjeekwa. Mwakanyinda nkusu akunkoma. Ndishikusekwa ciindi coonse alimwi akucelebulwa kubantu boonse.

Jelemiya 50:27

Amucaye bashilumamba babo boonse! Ee, boonse amubacaaye cakumaninina! Mapensho kuli mbabo mukwiinga bushiku bwabo bwashikila. Ncakwiila ciindi cabo cakupekwa mulandu cashikila.

Esekelo 12:28

Paceebo ceeci baambile ayi nebo neMwaami Lesa Shinkusu shoonse ndaamba ayi, ‘Taaku maswi angu eshi akanoocelwa kucitika. Shoonse nshendakaamba shilaakucitika. Nebo neMwaami Lesa Shinkusu shoonse ndaamba.’ ”

Esekelo 30:3

Bushiku bwashikila, ee, bushiku bwa Mwaami Lesa buli pafwaafwi, mbushiku bwa makumbi amapensho kumishobo yoonse.

Esekelo 7:12

Ciindi cashikila, bushiku bwashika. Shikuula atasangalali, alakwe shikuulisha atoongumani ceebo bukali buli pabantu boonse.

Jowelo 1:15

Ncakwiila bushiku buyoosha butoosa. Ee, bushiku bwa Mwaami Lesa buli pafwaafwi. Ubo mbobushiku Mwaami Lesa Shinkusu shoonse bweshi akalete lunyonyooko.

Amosi 4:13

Lesa ngowakalenga tulundu, ngowakalenga muuwo, alimwi ngooyubulula miyeeyo yakwe kumuntu. Ulasandula malumwi kuba munshinshe alimwi uleendeenda patulundu twa mucishi ca panshi. Liina lyakwe nguMwaami Lesa Shinkusu shoonse.

1 Pita 4:17

Mukwiinga ciindi cashikila cakwaamba ayi Lesa atalike koombolosha bantu bakwe. Ono na Lesa ulaakutaanguna koombolosha ndiswe, ino cilaakuba buyani kubaabo batashomi Makani Abotu akwe Lesa?