Esekelo 7:2 - Baibo Busansulushi Bwa Libuku Ili

² “Webo omuntu, pacishi ca Isilaeli, nebo neMwaami Lesa Shinkusu shoonse ndaamba ayi, ‘Aya ngomeelelesho! Meelelesho ashika kumbasu shoonse shone sha cishi.

Esekelo 7:2 ပူးပေါင်းရင်းမြစ်များ

Matalikilo 6:13

Lesa wakaambila Nowa ayi, “Ndayeeya kumanisha buumi bwa bantu boonse. Ntoobanyonyoola cakubamaninisha, ceebo cishi ca panshi cesulabo buumi bwabo bwabulwani.

2 Makani 34:7

Nkokwaamba ayi mubwaami bwakumatwa wakamwayulula shipaililo, shikoshanyo shakwe Ashela lesa mwanakashi, kupwayoola shibumbwabumbwa shimwi ayi shibe busu akupwayoola shipaililo sha tununkila kabotu. Lyalo wakaboolela kuJelusalemu.

Isaya 47:7

Webo wakalinga kuyeeya ayi unanoolibo mwaami mwanakashi kwalyoonse alyoonse. Sombi tookwe kulisukamaawo ashintu ishi shitoocitika bulya nabi kuyeeyabo mbweshi shikacitike.

Jelemiya 12:4

Citooba ciindi cilaamfu buyani cishi ndyeshi cinooshiite kaciyumite abwiisu kabunyanite mumyuunda yoonse? Ceebo ca bubi bwa bantu abo baliimo banyama abayuni bakamana kuloba. Nakubi boobo, bantu aba balaamba ayi, “Lesa taashiboniiwo isho nshetucita.”

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Jelemiya 51:13

Mwebo nomushiite kufwaafwi amilonga iinji nomucite buboni buunji, ono bwamweela, cashikila ciindi canu cakufwa.

Malilo 1:9

Matombe a njiyo alibo patuba, sombi yalo teekwe kuyeeyawo shakunembo. Kuwa kwa njiyo kwakakankamanisha, alimwi tekwakalinga nabi womwi wakuyumbulusha. Lyalo yakalila ayi, “NoBaami baLesa, amubone mapensho angu ceebo balwani bangu bankoma.”

Malilo 4:18

Ncakwiila bantu bakalinga kutukonkela ciindi coonsebo. Tetwakalinga kukonsha kweenda mumikwakwa yesu. Nshiku shesu shakalinga kuya cimana. Ndushinisho lufu lwakalingabo pamulyango ceebo ciindi ca meelelesho esu cakalinga cashikila.

Esekelo 11:13

Ono nebo kaancilaluka, Pelatiya mwanaakwe Benaya wakawa akufwa. Lyalo ndakaliwaala panshi akushisha ciwa panshi alimwi akoolobesha ayi, “Sobwe nobaami baLesa Beshinkusu shoonse! Sa mutooyanda kucaya boonse bakacaalaawo pabene Isilaeli?”

Esekelo 12:22

“Webo omuntu, Ceebonshi bene Isilaeli ncebaambila kashimpi aka kakwaamba ayi, ‘Nshiku shileenda, sombi taaku cili anga nciloto cicitika cancinencine?’

Esekelo 21:2

“Webo omuntu, langa kuJelusalemu akushimika cakukalalila musena usalalalite. Laluka mapensho pacishi ca Isilaeli

Esekelo 21:25

“ ‘Awebo omuleli wa bene Isilaeli mucita shibi alimwi utasalalite, bushiku bwako bwashikila, ciindi cako cakupekwa mulandu wakweelaako cilibo muliimfwa.

Esekelo 21:4

Ncakwiila ndaakukusha mupeeni wangu mucipokolo akucaya bantu bako boonse kumalenge kuya mukushika kumatwa ceebo ntooyanda kunyonyoola baluleme abamucita shibi.

Esekelo 21:7

Ono na bakwiipushe ayi, ‘Utootongelanshi?’ Ubakumbule ayi, ‘Ntootongela ceebo ca makani ayo eshi akese. Myoyo yabo boonse ilaakuswa kuboowa, maansaabo alaakubabo lempwete, balaakutyongola amumanungo abo moonse mulaakuboolabo tontolo.’ Makani ayo alaakucitika cancinencine. Nebo neMwaami Lesa Shinkusu shoonse ndaamba.”

Esekelo 35:5

“ ‘Webo wakatolelela lupato lwako lukulukulu pabene Isilaeli akubaaba kumupeeni muciindi ca mapensho abo. Ee, ciindi cakupekwa mulandu kwabo pashibiibi shabo ndicakashikila.

Esekelo 40:2

Mucili anga nciloto Lesa wakantola kucishi ca Isilaeli akunjimika peculu lya kalundu kalaamfu ako kakalinga kucite maanda aanji kulubasu lwa kumalenge ayo akalinga kuboneka anga nindabala inene.

Esekelo 7:1

Mwaami Lesa wakaŋambila ayi,

Esekelo 7:3

“ ‘Nobene Isilaeli meelelesho ono amushikila ceebo ntooyanda kumuletela bukali bwangu. Ndaakumoombolosha kweelana amicito yanu akumupa mulandu pashintu shilensha bunya nshemwakacita.

Jowelo 1:15

Ncakwiila bushiku buyoosha butoosa. Ee, bushiku bwa Mwaami Lesa buli pafwaafwi. Ubo mbobushiku Mwaami Lesa Shinkusu shoonse bweshi akalete lunyonyooko.

Amosi 8:10

Ndaakusandula nshiku shanu shakusekelela kuba shakulila. Ndaakusandula kwiimba kwanu kuba kulila. Ndaakulengesha ayi mukafwale masaka akucesa munkunyu mumitwi yanu. Kulila kwanu kulaakuba anga nkulila kwa bashali ba mwaana womwibo. Meelelesho a nkuko alaakuba anga mbushiku bwa mapensho.”

Amosi 8:2

Mwaami Lesa wakanjipusha ayi, “Amosi, wabonanshi?” Ndakakumbula ayi, “Ndabona mutaanga uswite shisepo shipite.” Mpeeke Mwaami Lesa wakandwiita ayi, “Ciindi cashikila cakwaamba ayi bantu bangu bene Isilaeli bakapekwe mulandu. Nebo teshi nkabooshemo moyo alimwi pashakubapa mulandu.

Mateyo 24:6

Mulaakunyumfwa nkondo ampuuwo sha nkondo, sombi mwebo mutakalisukami. Ishi shilaakucitika, sombi teshi kwaamba ayi ngomamanino a cishi.

Dutolonomi 32:20

Wakaamba ayi, ‘Ndaakubafutatila, tubone na balaakweela kuli. Mukwiinga ndunyungu lushicimpamya, ncakwiila mbaana batashomeki.

1 Pita 4:7

Ono mamanino a shintu shoonse ali pafwaafwi. Paceebo ceeco, kamulitibuka alimwi mucenjele, kwaamba ayi mukonshe kupaila.

Ciyubululo 20:8

Lyalo ulaakutalika kucenjeeka mishobo ya bantu ba mucishi coonse ca panshi, nkokwaamba ayi bantu beetwa ayi Gogi alimwi aMagogi. Satana ulaakubabunganya pantu pomwi ayi atalike kulwana. Bantu aba balaakunoolibo anga ngumuseese wa muloombe lwa lweenge kufula.

Ciyubululo 7:1

Kuswawaawo ndakabona baanjelo bone kabeemfwi mumbasu shone sha cishi ca panshi. Bakalinga kukasha myuuwo yone kwaamba ayi itapuupili mucishi ca panshi, mulweenge nabi kucisamu cili coonse.