Esekelo 5:2 - Baibo Busansulushi Bwa Libuku Ili

² Nshiku shako shakulwana ndabala ya Jelusalemu shaakwiinda, ukateente cipansha comwi mumulilo mundabala. Kuswawaawo ukabwese cipansha cimwi akucitimboola amupeeni kushinguluka ndabala yoonse. Cipansha cakweelaako ukacuululushe amuuwo ceebo ndaakubatandaanya amupeeni.

Esekelo 5:2 ပူးပေါင်းရင်းမြစ်များ

Jelemiya 13:24

Mwaami Lesa waamba ayi, “Ndaakumupalanganyabo anga mbuungu boolulushikwa kumuuwo wa muluyanga.

Jelemiya 15:2

Ono na bakwiipushe ayi, ‘Ino tuye kuli?’ ubalwiite ayi, ‘Mwaami Lesa waamba ayi, abo beelete kufwa lufu ŋanda, balaakufwa. Abo beelete kufwa kunkondo, balaakufwa munkondo. Abo beelete kufwa kunsala, balaakufwa kunsala. Abo beelete kutolwa mubusha, balaakuya mubusha.’

Jelemiya 24:10

Ndaakubatumina nkondo, nsala amwaalu kushikila bakanyonyooke mucishi ico ncendakapa mbabo abamashali babo bakulukulu.”

Jelemiya 38:2

“Mwaami Lesa utokwaamba ayi, ‘Uyo woonse weshi akekale mundabala ino ulaakufwa kunkondo, nsala nabi mwaalu. Sombi uyo woonse weshi akaye mukulyaaba mumaansa a bene Babiloni, ulaakuba abuumi. Ulaakucatwa, sombi teshi akacaikwe.’ ”

Jelemiya 39:1

Mumwaaka wasanu ayone wa bwaami bwakwe Sedekiya mwaami wa bene Juda, mumweenshi wa likumi, Nebukadinesa mwaami wa bene Babiloni wakanyamuka alikoto lyakwe lyoonse lya bashilumamba akushinguluka ndabala ya Jelusalemu ayi beelwaane.

Jelemiya 39:2

Ono pabushiku bwasanu ashone, mumweenshi wane mumwaaka walikumi awomwi wa bwaami bwakwe Sedekiya, lubumbu lwa ndabala lwakapwaikwa.

Jelemiya 9:15

Paceebo ceeco, nebo neMwaami Lesa, Shinkusu shoonse, Lesa wa bene Isilaeli ndaamba ayi, ‘Amubone, ndaakulengesha bantu aba kulya shakulya shilula akunwa maanshi akola.

Jelemiya 9:16

Ndaakubapalanganishisha pakati ka mishobo iyo balo nabi bamashali babo bakulukulu njebatakwe kwishibaawo. Ndaakubatandaanya amakoto a bashilumamba kushikila nkabanyonyoole cakumaninina.’ ”

Esekelo 12:14

Bacinenenene bakwe abashilumamba bakwe, ndaakubapalanganishisha kumbasu shone sha cishi ca panshi. Ncakwiila ndaakubatandaanya amupeeni usomwetwe.

Esekelo 17:21

Bashilumamba bakwe bacibwene kulwana boonse balaakucaikwa munkondo abalo bashilumamba beshi bakacaaleewo balaakupalanganishilwa mumbasu shone shoonse. Lyalo ndyeshi mukeshibe ayi nebo neMwaami Lesa ndaamba.’ ”

Esekelo 5:10

Paceebo ceeco bamashali pakati kanu balaakutalika kulya bana babo, abalo baana balaakunoolya bamashali babo. Ndaakumupa mulandu akupalanganya baabo beshi bakacaaleewo mumbasu shoonse.’

Esekelo 5:12

Cipansha comwi ca shotatwe pakati kanu cilaakufwa kumwaalu nabi kuloba ceebo ca nsala mukati mundabala. Cipansha cimwi cilaakufwa kunkondo pansengwe lya lubumbu lwa njiyo. Ingayi cipansha catatu ndaakucipalanganishila kumbasu shoonse sha cishi mukucitandaanya amupeeni usomwetwe.

Esekelo 5:3

Nakubi boobo ukafweemunewo misusu iniini akwiifungila mumupeto wa cakufwala cako.

Bene Lefi 26:33

Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.

Amosi 9:4

Nabi balwani babo bakabatole mubusha, ndaakulengesha ayi bakacaikwe kunkondo. Ndishinishite kubanyonyoola kuteshi kubacafwa napaceyi.”

Sekaliya 13:8

Shipansha shobilo sha shotatwe sha bantu mucishi coonse, balaakufwa. Ee, kulaakucaalabo cipansha comwi.