Esekelo 40:6 - Baibo Busansulushi Bwa Libuku Ili

⁶ Kuswawaawo wakaya kumwinjililo ulangite kwicwe. Wakatanta pamatantilo, wapima mwinjililo akucana ayi ulicite mamita ali 3.

Esekelo 40:6 ပူးပေါင်းရင်းမြစ်များ

1 Baami 6:8

Mulyango wa ŋanda ya panshi wakalinga kumalenge a Ŋanda yakwe Lesa. Kwakalinga citantilo cakuya kucipinda ca peculu cabili alimwi acatatu.

1 Makani 9:18

Kushikila ciindi ico bakalinga kulindilila kuMwinjililo wa Mwaami kwicwe. Kalekale bakalinga kulindilila kuminjililo ya mumisumba ya bene Lefi.

1 Makani 9:24

Beshikulindilila minjililo bakalinga kumbasu shone shoonse, nkokwaamba ayi kwicwe, kumbo, kumalenge akumatwa.

Neyemiya 3:29

Sadoki mwanaakwe Ima wakayakulula cipansha ca lubumbu cakakonkelaawo ico cakalinga kunembo lya ŋanda yakwe. Shemaya mwanaakwe Shekaniya uyo wakalinga kulindilila Mwinjililo wa Kwicwe wakayakulula cipansha ca lubumbu cakakonkelaawo.

Kulumbaisha 84:10

Kwikala bushiku bomwi muŊanda yanu, kuleenda kwikala kumwi nshiku shili cuulu. Inga cambotela kuba shikulindilila mulyango wa Ŋanda yanu, kwiinda kwikala mumaanda a bamucita shibi.

Jelemiya 19:2

Lyalo muye kuCinyika ca Inomu kufwaafwi aMwinjililo wa Shikaye. Uko ukaambilishe maswi ngweshi nkulwiite.

Esekelo 10:18

Lyalo mumuni utowa uyo utondesha bulemu bwa Mwaami Lesa wakashiya mwinjililo wa Ŋanda yakwe Lesa akwiimikana peculu lya bakelebu.

Esekelo 11:1

Mpeeke Mushimu wakwe Lesa wakanyamuna akuntola kumwinjililo wa Ŋanda ya Mwaami Lesa wakalinga kulangite kwicwe. Ono kumulyango wa mwinjililo kwakalinga basankwa bali 25. Pakati kabo ndakabonawo Jaasaniya mwanaakwe Asuli alimwi aPelatiya mwanaakwe Benaya abo bakalinga bamatanjilili ba bantu.

Esekelo 40:20

Kuswawaawo muntu uyu wakapima mwinjililo wakumatwa uyo wakalinga kuya kulubansa lwa pansengwe.

Esekelo 40:22

Acalo cipinda cakwinjililaako, mbwelyo atupukupuku twakutala shakalinga kweelenebo asha kumwinjililo wakwicwe. Kumusena uko kwakalinga matantilo osanwe aobilo akalinga kuya kumwinjililo alimwi cipinda cakwinjililaako cakalinga kweela kacilangite mulubansa.

Esekelo 40:24

Kuswawaawo muntu uyo wakantola kulubasu lwakumalenge uko nkondakabona mwinjililo aumwi. Wakapima lubumbu lwa mukati acipinda cakwinjililaako akucana ayi shilyeelenebo asha kuminjililo imwi.

Esekelo 40:26

Kwakalinga matantilo osanwe aobilo akalinga kuya kumwinjililo alimwi cipinda cakwinjililaako cakalinga kweela kacilangite mulubansa. Lubumbu lwakalinga mweela lya mwakwiinda lwakaboteshekwa atupukupuku twakutala.

Esekelo 40:5

Mpeeke ndakabona lubumbu lushingulukite Ŋanda yakwe Lesa. Kasamu kakupimishaako ako muntu uyo nkwaakalinga kucite mumaansaakwe kakalinga kulaampa mamita ali 3. Mpeeke wakapima lubumbu akasamu ako. Lubumbu ulo lwakalinga mamita ali 3 kuya mwiculu alimwi lwakalinga kucite mutika uli mamita ali 3.

Esekelo 40:7

Kunembo lya mwinjililo kwakalinga mwakwiinda. Kumbasu shobilo shoonse sha mumo, kwakalinga tupinda twa beshikulindilila totatwe kulubasu lomwi alomwi. Tupinda uto twakalinga kucite mamita ali 3 mubulaamfu amubufwaafwi. Lubumbu lwakalinga pakati ka ntuto lwakalinga mamita ali 2.5. Kunembo lya tupinda uto kwakalinga mwakwiinda mwakalinga kulaampa mamita ali 3. Mwakwiinda umo mwakalinga kuya kucipinda cakwinjililaako cakalinga kulangite kuŊanda yakwe Lesa.

Esekelo 41:16

shoonse shakalinga kufwekeleshetwe tupulanga kuswa panshi kushika kumbwelyo. Ayalo milyango, mbwelyo amwakwiinda kwakalinga kushingulukite maanda ayo otatwe shakalinga kucite tupulanga.

Esekelo 42:15

Ono muntu uyo ndyaakamanisha kupima muŊanda yakwe Lesa, wakanyinsha kumwinjililo wakwicwe kuya pansengwe akupima musena woonse wa Ŋanda yakwe Lesa.

Esekelo 43:1

Mpomunyaawo muntu uyo wakantola kumwinjililo wakalinga kulangite kwicwe,

Esekelo 43:17

Cipansha ca mukati cakalinga kweelenebo mumbasu shoonse, nkokwaamba ayi cakalinga kucite mamita ali 7 mumbasu shoonse. Peculu lya ncico cakalinga kucite camweela cakalinga kucite masentimita ali 25 kuya mwiculu. Mukonkola wakalinga kucite masentimita ali 50 mubufwaafwi. Matantilo akuya pacipaililo akalinga kulubasu lwakwicwe.

Esekelo 43:8

Bamaami ndibakayaka milyango yabo lubamba amilyango yangu, ee, ndibakashimpika shisamu sha kumilyango lubamba ashisamu shangu sha kumilyango, cakwaamba ayi pakati kesu pakalinga kwiindabo lubumbu, bakasebaanya liina lyangu kushintu shilensha bunya shoonse nshebakalinga kucita. Paceebo ceeco ndakabanyonyoola mubukali bwangu.

Esekelo 44:1

Mpeeke muntu uyo wakantola kumwinjililo wa pansengwe ulangite kwicwe lya Ŋanda yakwe Lesa. Mwinjililo uyo wakalinga kucalitwe.

Esekelo 46:12

“Ono na muleli kaasuni kubenga mulambu wakulyaaba kuMwaami Lesa, na mulambu wakutenta nabi mulambu wa bwanabwankashi, mwinjililo wakwicwe uya mulubansa lwa mukati ulyeelete kucalulwa ayi enjilileeko. Muleli uyo ulyeelete kubenga mulambu bweenka mbwaacita lyoonse pabushiku bwakookesha bwa Cibelu. Mwinjililo ulyeelete kucalwa na muleli uyo waswa.”

Esekelo 47:1

Mpeeke muntu uyo wakantola kumwinjililo wa Ŋanda yakwe Lesa. Lyalo ndakabona maanshi kaaswa mumwinjililo akunookunkila kwicwe uko kwakalinga kulangite Ŋanda yakwe Lesa. Maanshi aya akalinga kuswa panshi kulubasu lya kumalenge lya Ŋanda yakwe Lesa akuya mukwiinda kumalenge lya cipaililo.

Esekelo 8:16

Kuswawaawo wakantola mulubansa lwa mukati lwa Ŋanda ya Mwaami Lesa. Ono kumwinjililo wa Ŋanda iyi pakati ka mwinjililo ushitilishitwe acipaililo, pakalinga basankwa bakalinga mpashi 25. Bakalinga kufutatilite Ŋanda ya Mwaami Lesa kabalangite kwicwe. Bantu abo bakalinga kukoteme kabalambila lisuba lyakalinga kuswa.