Esekelo 22:4 - Baibo Busansulushi Bwa Libuku Ili

⁴ Ulicite mulandu ceebo ca bulowa mbowakatila alimwi akulibisha kushibumbwabumbwa nshewakapanga. Walilengesha nshiku shako kushika kumamanino. Ciindi canu camana. Paceebo ceeco, ndaakumulengesha kuba cintu ceelete kushibulukwa alimwi akuba cintu ceelete kusekwa kushishi shoonse.

Esekelo 22:4 ပူးပေါင်းရင်းမြစ်များ

1 Baami 9:7

lyalo bene Isilaeli ndaakubatanda mucishi ncendakabapa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakuseka bene Isilaeli akubabona ayi taaku mbobabete.

2 Baami 21:16

Manase wakacaya bantu baanji batacite milandu, abo bacite bulowa bwakalinga kukunka mumikwakwa ya muJelusalemu, kwiilika pabubi bwakutanjilila bene Juda ayi balambile shibumbwabumbwa ico cakalengesha ayi babishishe Mwaami Lesa.

2 Makani 7:20

ingayi ndaakumutanda mucishi ncendakamupa. Ndaakufutatila Ŋanda iyo njendasalasha kwaamba ayi noolambililwaamo. Bantu kuli koonse balaakwiiseka akwiibona ayi taaku mboibete.

Kulumbaisha 79:4

Mishobo itushingulukite yatusebaanya cakumaninina. Bantu ba mishobo imwi batuseka alimwi akutucelebula.

Jelemiya 18:16

Cishi cabo cilaakunyonyoolwa. Cilaakuba cintu ceshi cikanoosekwa kwalyoonse alyoonse. Boonse beshi bakanokwiindila nkuko, balaakunookankamana alimwi akunoopukumunabo mitwi.

Jelemiya 24:9

Ndaakubalengesha kuba bantu bapatitwe, batongoolwa kubamaami boonse ba mucishi. Balaakunoosekwa, kusebaanishikwa, kucobolwa akushinganwa kuli koonse uko nkweshi nkabatandile.

Jelemiya 44:8

Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.

Esekelo 16:57

ee, bubi bwako kabutana kuyubuluka? Te mpaapa awebo sunu bene Edomu abeshikamukobonyinaabo boonse alimwi abene Filisiti batookuseka? Nkokwaamba ayi boonsebo bakushingulukite abo bakupatite batookuseka.

Esekelo 21:28

“Ono webo omuntu, laluka akwaambila bene Amoni isho nebo neMwaami Lesa Shinkusu shoonse nshentokwaamba. Nebo ntokwaamba ayi, ‘Mupeeni, mupeeni, wasomwetwa kucaya, wafulwa ayi unyonyoole akubekabeka anga nkubeka kwa mfula!

Esekelo 22:2

“Webo omuntu, sa te ulilibambite kupa mulandu bamundabala iyo iswitebo bacayi? Na ulilibambite, beebalushe shintu shilensha bunya isho nshebakalinga kucita.

Esekelo 23:32

Mwaami Lesa Shinkusu shoonse waamba ayi, “Ulaakunwa munkomeshi yeenka ya munene wako. Nkomeshi iyo njinene alimwi njilaamfu. Ilaakukuletela kushibulukwa akusekwa ceebo ilinyamwite shiinji.

Esekelo 23:7

Wakalinga ngumufuule wa bacinenenene boonse ba bene Asilya. Wakalibisha mukulambila shibumbwabumbwa sha boonse abo mbwaakalinga kukumbwa.

Esekelo 24:7

Bulowa mboyakatila pakati ka njiyo, yakalinga kunoobutilabo pamwaandami. Teyakalinga kubutila panshibo apo mpweenga bwafwekeleshekwa abulongo, sobwe.

Esekelo 24:8

Bulowa ubo ndakabulekela pamwaandami uyo kwaamba ayi butakafukilwi, ee, kwaamba ayi bukali bwangu busonkomonwe, lyalo mbaboosheshe cishole.”

Esekelo 36:15

Teshi nkamulekelesheewo tubili ayi musekwe kumishobo imwi nabi musebaanishikwe kubantu. Teshi mukacayewo baana ba mumushobo wanu. Nebo neMwaami Lesa Shinkusu shoonse ndaamba.’ ”

Danyelo 9:16

NoBaami baLesa kweelana amicito yanu iluleme amukushe bukali bwanu buyoosha pandabala ya Jelusalemu, ndabala yanu inene, ee, pakalundu kanu kasalalite. Shibiibi shesu ashilubo sha bamashali besu bakulukulu shakalengesha ndabala ya Jelusalemu abantu banu kuba cintu ceelete kushibulukwa kubantu boonse batushingulukite.

Bene Lefi 26:32

Acalo cishi canu ndaakucinyonywetabo limwi cakwaamba ayi balwani banu bekalaamo balaakukankamana.

Shakubelenga 32:14

Ono mwebo nolishalane lipya lya bamucita shibi, anaapa mweemikana mumusena wa bamashali banu bakulukulu akulengesha ayi Mwaami Lesa eendeewo kukalalila bene Isilaeli!

Dutolonomi 28:37

Mumishobo yoonse umo Mwaami Lesa mweshi akamupalanganishishe, bantu balaakukankamana pakubona sheshi shikamucitikile. Balaakunoomuseka akumuweluluka.

Dutolonomi 29:24

Lyalo bantu ba mucishi coonse ca panshi balaakwiipusha ayi, ‘Nciinshi Mwaami Lesa ncaakacitila bobulya cishi cabo? Nciinshi ncaakalalila bobulya?’

1 Bene Tesalonika 2:16

Bakeelesha kutukasha kushimikila Makani Abotu kubaswamashi bakunsengwe ayo Lesa ngweenga wabapulushishaamo. Paceebo ceeco balibunjikila shibiibi shabo shoonse, cakwaamba ayi bulya bukali bwakwe Lesa bwabashikila.