Esekelo 20:3 - Baibo Busansulushi Bwa Libuku Ili

³ “Webo omuntu, lwiita bamaloba bene Isilaeli aba ayi nebo neMwaami Lesa Shinkusu shoonse waamba ayi, ‘Sa mwesa mukwiipusha kuyanda kwangu kuli ndime? Kweelana ambocibete lushinisho ayi ndi muumi, teshi musuminisheewo kunjipusha nabi comwi. Nebo neMwaami Lesa Shinkusu shoonse ndaamba.’

Esekelo 20:3 ပူးပေါင်းရင်းမြစ်များ

Tushimpi 15:8

Mwaami Lesa ulipatite mulambu wa mucita shibi, sombi mupailo wa muntu ululeme ulamusangalasha.

Tushimpi 21:27

Mulambu wa bamucita shibi Lesa tausuniiwo. Ino mbuyani walo uyo ngobabenga amyoyo yobilo?

Tushimpi 28:9

Na muntu kaasuula milawo nabi mupailo wakwe ulalensha bunya kuli Lesa.

Isaya 1:12

Anu ngani wakamulwiita ayi pakwisa mukunambila mulyeelete kuleta shintu shoonse ishi? Ngani umwaambila ayi kamulyatoola bobulya lubansa lwa Ŋanda yangu?

Isaya 1:15

“Mwaakunyamuna maansaanu pakupaila, teshi nkamulangilisheewo, sobwe. Teshi nkanyumfwe nabi mukapaile mankanda aanji buyani mukwiinga maansaanu aliswitebo milandu yakutila bulowa.

Isaya 58:2

Balanambila mashiku amalumwi, balaboneka anga balisunishi kwishiba nshila shangu. Balalibonesha anga ngumushobo ucita shiluleme uyo utana kufutatilaawo milawo yangu neLesa wabo. Ee, balalibonesha anga balisuminite kukonkela milawo yangu. Balaamba ayi balisuni koombolosha kululeme alimwi ayi balisunishi kwaamba ayi nsene pafwaafwi ambabo.

Esekelo 14:1

Bamaloba ba bene Isilaeli bamwi bakesa kuli ndime ayi banjipushe kuyanda kwakwe Lesa.

Esekelo 20:2

Mpeeke Mwaami Lesa wakaŋambila ayi,

Esekelo 20:31

Ono abobulya mucipa shipo nshemunya akulibisha nobeene kushibumbwabumbwa nshemunya mukubenga bana banu kuli nshisho mumulilo. Ino sa inga ndamusuminisha ayi mwise mukunjipusha kuyanda kwangu mwebo nobene Isilaeli? Kweelana ambocibete lushinisho ayi ndi muumi, teshi musuminisheewo kunjipusha nabi comwi. Nebo neMwaami Lesa Shinkusu shoonse ndaamba.

Esekelo 33:30

Mpeeke Mwaami Lesa wakaŋambila ayi, “Ono webo omuntu, bene mishaanu batoobandika pali ndiwe kweela lubumbu lwa ndabala alimwi apamilyango ya maanda ayi, ‘Amwise munyumfwe makani aswa kuMwaami Lesa.’

Amosi 8:12

Bantu balaakunooya citalantanta kuswa kulweenge kuya kulweenge. Balaakwiingooka kuswa kumatwa kuya kwicwe kuya ciyandoola maswi a Mwaami Lesa. Sombi teshi bakaacaneewo, sobwe.

Mika 3:7

Balaluki balaakufwa nsoni abalo beshikusonda balaakulenshekwa nsoni. Balaakulosha shiwa panshi mukwiinga Lesa taatoobakumbula.”

Mateyo 3:7

Ono Joni ndyaakabona baFalisi abaSaduki baanji kabesa kuli nguwe mukubombekwa, wakabaambila ayi, “Nobana ba nsoka mwebo! Ngani wamucenjesha kuloonda bukali bwakwe Lesa butoosa?

Luka 3:7

Bantu baanji bakaya kuli Joni mukubombekwa. Sombi lakwe wakabaambila ayi, “Nobana bansoka mwebo! Ngani wamucenjesha kuloonda bukali bwakwe Lesa butoosa?

Joni 4:24

Lesa ngumushimu, aboobo abo bamulambila balyeelete kulambila mumushimu alimwi amulushinisho.”

1 Samwelo 28:6

Saulo ndyaakeepusha kuMwaami Lesa cakucita, Mwaami Lesa taakwe kumukumbulaawo muciloto, mucisolo cakwe Ulimu aTumimu nabi mubalaluki.