Esekelo 2:4 - Baibo Busansulushi Bwa Libuku Ili

⁴ Bantu abo tabanyumfwi alimwi mbeshicimpamya. Ono uye ubalwiitebo nebo neMwaami Lesa Shinkusu shoonse nsheshi nkaambe.

Esekelo 2:4 ပူးပေါင်းရင်းမြစ်များ

1 Baami 22:14

Sombi Mikaya wakakumbula ayi, “Bweenka mbocibete lushinisho ayi Mwaami Lesa ngumuumi, mbweeke ubo ntoobalwiitabo sheenka nsheshi andwiite!”

2 Makani 30:8

Mutabi beshicimpamya mbuli bwakalinga bamashali banu bakulukulu, sombi amunyumfwile Mwaami Lesa. Kamwisa kuŊanda yakwe Lesa muJelusalemu iyo njaakasalasha kwalyoonse alyoonse. Kamusebensela Mwaami Lesa, Lesa wanu kwaamba ayi bukali bwakwe bumane pali ndimwe.

2 Makani 36:13

Kuswawaawo Sedekiya wakabukila mwaami Nebukadinesa uyo wakamukakatisha kushomesha cakulumbila muliina lyakwe Lesa kwaamba ayi ulaakunooshomeka kuli nguwe. Wakaba acimpamya akukaka kusandukila kuMwaami Lesa, Lesa wa bene Isilaeli.

Kulumbaisha 95:8

Mutabi beshicimpamya bweenka bwakacita bamashali banu bakulukulu kuMeliba, ee, bweenka mbobakacita abushiku bulya kuMasa muluyanga.

Tushimpi 21:29

Bamucita shibi baleelesha kubonesha ayi balicite nkusu shakucita shoonse, sombi baluleme balataanguna kuyeeya pamicito yabo,

Isaya 48:4

Ndakalinga kwishi kwaamba ayi mutooshininwabo ayi muli beshicimpamya. Mulicite myoyo iyumu anga nceela ca nshimbi. Ayalo mitwi yanu njiyumubo anga nceela ca bulonse.

Jelemiya 1:7

Sombi Mwaami Lesa wakankumbula ayi, “Utaambi ayi ucili mwanike. Sombi ulyeelete kuya kubantu abo mbondakutumako mukubalwiita shoonse nsheenga ndakulwiita.

Jelemiya 3:3

Paceebo ceeco mfula ya tepetepe yakacatwa, ee, imfula yakupisha shishango teekwe kulokaawo. Nakubi boobo mwebo mulibo nta mubufuule, ncakwiila cakutanyumfwaawo ansooni napaceyi.

Jelemiya 36:21

Mpomunyaawo mwaami wakatuma Jeudi kuya mukuleta cakulembelaawo ico. Alakwe wakacileta kuswa mucipinda cakwe Elishama akwisa mukucibelengela mwaami abacinenenene boonse bakalinga kumushingulukite.

Jelemiya 5:3

NoBaami baLesa sa te mulisuni bantu bashomeka? Mwakabooma, sombi balo tabakwe kushinyufwawo kucisa. Mwakabapwayoola, sombi bakakaka kululikwa. Ncakwiila bakayumya myoyo yabo anga ngamabwe akukaka kusanduka kuswa kushibiibi shabo.

Jelemiya 6:15

Sa bakafwa nsoni ceebo ca micito yabo ilensha bunya? Nabi na tabanyumfwiiwo nsoni napaceyi? Tabacite acoomba nkoye nabibo paniini. Paceebo ceeco balaakuwa bweenka mbuli bamwi. Ndaakumana kubapa mulandu, cilaakuba ngomeelelesho abo. Nebo neMwaami Lesa ndaamba.”

Jelemiya 8:12

Sa bakafwa nsoni ceebo ca micito yabo ilensha bunya? Nabi na tabanyumfwiiwo nsoni napaceyi. Tabacite acoomba nkoye nabibo paniini. Paceebo ceeco balaakuwa bweenka mbuli bamwi. Ndaakumana kubapa mulandu, cilaakuba ngomeelelesho abo. Nebo neMwaami Lesa ndaamba.”

Esekelo 3:11

Koya bweenka bulya kubene mishaanu bali mubusha ubalwiitebo maswi angu nebo neMwaami Lesa Shinkusu shoonse, nabi bakanyumfwe nabi batakanyumfwi.”

Esekelo 3:27

Sombi ndaakubandika andiwe, ndaakukulengesha kukonsha kwaamba alimwi. Lyalo ulaakubalwiita nebo neMwaami Lesa Shinkusu shoonse nsheshi nkaambe. Uyo woonse weshi akanyumfwile, aakanyumfwile. Alakwe uyo weshi akakake, aakakake ceebo aba mbantu baashu.”

Esekelo 3:4

Mpomunyaawo wakaŋambila ayi, “Webo omuntu, ono koya kubene Isilaeli ukabaambile maswi angu.

Esekelo 3:7

Sombi bene Isilaeli balo tabalibambite kukunyumfwila ceebo tabalibambite kunyumfwila anebo. Tabanyumfwili ceebo bene Isilaeli boonse mbayumu myoyo alimwi mbeshicimpamya.

Amosi 7:15

Sombi Mwaami Lesa wakankusha kumulimo wangu wa bweembeshi akundwiita ayi, ‘Koya ukalalukile bantu bangu bene Isilaeli.’

Sekaliya 7:12

akuyumya myoyo yabo anga ngumwaandami. Tabakwe kunyumfwa milawo nabi maswi ayo nebo neMwaami Lesa Shinkusu shoonse ngondakatuma kwiinda muMushimu wangu mubalaluki abo bakalinga kwikala mucishi kalekale. Paceebo ceeci ndakakalala abuumbi.

Mateyo 10:16

“Amubone, ntoomutuma anga nimbelele pakati kabaumpe, aboobo amucenjelele anga ninsoka akulibombya anga nimpolobe.

Dutolonomi 10:16

Anu aboobo kuswa sunu amutalike kunyumfwila Mwaami Lesa, mucileeke bushicimpamya.

Dutolonomi 31:27

Nebo ndishi bwaashu abushicimpamya mbobacite. Balo bakalinga kwaashukila Mwaami Lesa nebo kaancili muumi, ono cilaakweela kuli na nkafwe!