Esekelo 11:5 - Baibo Busansulushi Bwa Libuku Ili

⁵ Mpomunyaawo Mushimu wa Mwaami Lesa wakanselukila akuntuma kulwiita bantu maswi akwaamba ayi, “Mwaami Lesa waamba ayi ‘Nobene Isilaeli mwebo ndishishi nshemutokwaamba alimwi amiyeeyo yanu yoonse ndiibwene.

Esekelo 11:5 ပူးပေါင်းရင်းမြစ်များ

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

Kulumbaisha 50:21

Ishi shintu ndalinga kunoomweebelabo kamushicita. Mwebo mwalinga kuyeeya ayi ndi anga ndimwe. Ono sunu ntoomukalalila akutula mulandu wanu patuba kunembo lyanu.

Kulumbaisha 7:9

NobaLesa baluleme, nomubona miyeeyo amumyoyo ya bantu. Amumanishe bubi bwa bamucita shibi akulambula baluleme.

Isaya 28:15

Mulalisumpula ayi, “Swebo twapaanga cipangano alufu, ncakwiila twasuminishanya amusena wa bafu. Nabi shiyoosha shatupolela, taaku nceenga shatucitaawo. Ceebo mububeshi momuli ciyubilo cesu, ee, mukubeca motuyubila.”

Isaya 58:1

Mwaami Lesa waamba ayi, “Olobesha cankusu alimwi cakutacileka. Amba muliswi lya peculu anga ndupeenga. Ambila bantu bangu shabwaashu bwabo ee, waambile bamulunyungu lwakwe Jakobo shibiibi shabo.

Jelemiya 11:20

Lyalo ndakapaila ayi, “NoBaami baLesa beShinkusu shoonse, mwebo nomoombolosha cabululami akweelesha myoyo amiyeeyo ya bantu. Cikani cangu ndacitula mumaansaanu. Ono ntooyanda kumubona kamuboosha cishole pabantu aba.”

Jelemiya 16:17

Nshila shabo shoonse ndishibwene. Shilibo patuba kuli ndime alimwi taaku shibiibi shabo shiyubite pameenso angu.

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Esekelo 2:2

Kaacaamba, Mushimu wakwe Lesa wakenjila muli ndime akunengesha kwiimikana. Lyalo ndakamunyumfwa kaabandika kuli ndime.

Esekelo 2:7

Webo ubalwiitebo maswi angu nabi bakanyumfwe nabi batakanyumfwi ceebo mbaashu.

Esekelo 20:32

Mwebo nobeene mulisuni kuba mbuli mishobo imwi, ee, mbuli bantu ba mushishi shimwi abo balambila shisamu amabwe. Sombi miyeeyo yanu iyo teshi ikacitikewo, sobwe.’

Esekelo 28:2

“Webo omuntu, lwiita mwaami wa Taya ayi nebo neMwaami Lesa Shinkusu shoonse ndaamba ayi, ‘Mukulisumpula kwa moyo wako ulaamba ayi, Ndi lesa. Ndekala pacuuna ca bwaami cakwe lesa pakati ka lweenge. Sombi webo uli muntubo, teshi ndiwe lesa, sobwe, nakubi kwaamba ayi ulalibona anga uli musongo mbuli lesa.

Esekelo 29:3

Umulwiite ayi nebo neMwaami Lesa Shinkusu shoonse ndaamba ayi, ‘Webo Falawo mwaami wa bene Ijipiti, nebo ntooyanda kukulwana, ee, kulwana ndiwe oshinshimwe ukala mumulonga wako. Ulaamba ayi Mulonga wa Nailo ngwaako alimwi ayi ndiwe wakoopanga omwiine.

Esekelo 3:11

Koya bweenka bulya kubene mishaanu bali mubusha ubalwiitebo maswi angu nebo neMwaami Lesa Shinkusu shoonse, nabi bakanyumfwe nabi batakanyumfwi.”

Esekelo 3:24

Mpomunyaawo Mushimu wakwe Lesa wakenjila muli ndime akunengesha kwiimikana. Mpeeke wakaŋambila ayi, “Koya ulicalile muŋanda yako.

Esekelo 3:27

Sombi ndaakubandika andiwe, ndaakukulengesha kukonsha kwaamba alimwi. Lyalo ulaakubalwiita nebo neMwaami Lesa Shinkusu shoonse nsheshi nkaambe. Uyo woonse weshi akanyumfwile, aakanyumfwile. Alakwe uyo weshi akakake, aakakake ceebo aba mbantu baashu.”

Esekelo 8:1

Pabushiku bwasanu, mumweenshi wasanu awomwi, mumwaaka wasanu awomwi, ndakalinga kushiite muŋanda yangu abamaloba ba bene Juda. Cakuteengashila, nkusu sha Mwaami Lesa Shinkusu shoonse shakanselukila.

Maako 2:8

Mpomunyaawo Jesu wakeshiba nshibakalinga kuyeeya mumyoyo yabo. Lyalo wakabaambila ayi, “Ino mutooyeeyelanshi shintu sha mushobo uyu mumyoyo yanu?

Joni 21:17

Jesu wakeepusha lyatatu ayi, “Simoni omwanaakwe Joni, sa ulinsuni?” Mpomunyaawo Pita wakoongumana mukwiinga Jesu wakamwiipusha lyatatu ayi, “Sa ulinsuni?” Lyalo wakaamba ayi, “Nkambo, mwebo mulishi shintu shoonse nkokwaamba ayi mulishi ayi ndimusuni!” Jesu wakamwaambila alimwi ayi, “Kosanina mbelele shangu.

Milimo ya Batumwi 10:44

Ono Pita ndyaakalinga kucaamba, Mushimu Usalashi wakesa pabaabo boonse bakalinga kunyumfwa makani ngaakalinga kwaamba.

Milimo ya Batumwi 11:15

Ndindakatalika kubalwiita, Mushimu Usalashi wakesa pali mbabo bweenka mbowakesa pali ndiswe kumatalikilo.

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.

Jemusi 3:6

Awalo mulaka uli anga ngumulilo. Uli anga ncishi ca bubi pakati ka shipansha shoonse sha mubili. Mulaka uyu ulalengesha mubili woonse abwikaalo bwa muntu kubica. Mulilo wa nguwo ulaswa kuli Satana kumusena wa bafu.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

1 Samwelo 10:10

Saulo amusebenshi wakwe ndibakashika kuGibiya, likoto lya balaluki lyakabakumanya. Cakuteengashila Mushimu wakwe Lesa wakamuselukila cankusu. Lyalo wakalaluka pantu pomwi ambabo.

1 Samwelo 10:6

Mpomunyaawo cakuteengashila Mushimu wa Mwaami Lesa utookuselukila cankusu, lyalo utoolaluka pantu pomwi ambabo alimwi utooba muntu umbi.